رد: طلب تسعير مازدا 3 2009
 

انا معاك في كل الي انت قلتو
بس انا من ناحية تظبيط العربية انا كرهت ان عربيتي تكون مميزة عن اي عربية تانية
يعني انا لما اغير بأذن الله اخري فاميه ونمر سودا والبادجات وعدة الصوت والزينون والجنوط بس

اما عن اني اجيب عربية موديل واقع اوي كدا انا مش حابب الموضوع دا
والمازدا انا ركبت بتاعة واحد اعرفو علشان كدا عجبتني

وكنت اعرف واحد باع مازدا 3 2009 من حوالي سنة ب 70000 وكانت فابريكة برة وجوة وموتور حالتو كويسة

رد: طلب تسعير مازدا 3 2009
 

المازدا 3 كويسة جداً بس زي ما الأستاذ أبو نورا قال هتبقي الحالة اللي أنت جايبها وحشة جداً فممكن بالسعر دة تجيب بروتون جين 2 و هي برضه روعة جداً و تصميم العفشة و الموتور إنجليزي من شركة لوتس و سعرها لو موديل 2006 و متظبطة التظبيطات اللي انت قايل عليها هتبقي من 60 لحد 65
لو أنت هتشتريها من غير التظبيطات بقة :-
2006 :- 54000 (حالة جيدة) لحد 58000 (حالة ممتازة جداً)
2007 :- 65000 حالة ممتازة جداً
و أي إستفسار أنا تحت أمرك

رد: طلب تسعير مازدا 3 2009
 

طب يا ريت تقولي كل المعلومات عنها لاني تقريبا معرفش غير شكلها بس
قولي قوة الموتور والتسارع والثبات وقطع الغيار وسعر اعادة البيع
والكفائة والكلام دا كلو
وتوافر قطع الغيار
مستني ردك يا باشا

رد: طلب تسعير مازدا 3 2009
 

أنا تحت أمرك في أي حاجة حضرتك تسأل عليها :THE_PR~18:
بالنسبة لقوة الموتور فهو بيطلع 110 حصان عند 6500 أر بي أم
و بتجيب من 0 -100 كيلو في عشر ثواني و نص
ثباتها الكل يشهد بيه و في ناس بتاخد بيها غرز علي 160 و العربية عموماً ثباتها ممتاز بس عيبها العفشة ناشفة شوية بس دة زي ما بنقول عشان الثبات الجبار بتاعها
سعر إعادة البيع بتاعها أحسن من الرينو و المازدا و مش زي الفيرنا يعني في الوسط بس عموماً أنت كدة كدة لو جبتها مستعمل ممكن تبيعها بالسعر اللي انت جبتها بيه .
الكفاءة :- روعة و عربية يعتمد عليها بصراحة و حمالة أسية
التوكيل :- هو عز العرب و طبعاً أكيد أنت عارف سمعته :fun_Whispering: (من أسوء التوكيلات في مصر) بس بيغني عن التوكيل مركز عصام و صفا .

أي حاجة تاني أنا تحت أمرك :THE_PR~18:

رد: طلب تسعير مازدا 3 2009
 

اعتمادية قطع الغيار ايه ياباشا
العزل نظامو ايه
في حل للعفشة لاني مبحبش العشفة الناشفة دي جوا البلد بتبهدل الدنيا
استهلاك البنزين ايه

رد: طلب تسعير مازدا 3 2009
 

أنا أسف جداً للتأخير لأني مكنتش نمت لمدة يومين و إضطريت أدخل أنام عموماً
1 - قطع الغيار أسعارها أغلي من الكوري شوية بس مش بتوصل لدرجة الألماني و الفرنسي و بتعيش جداً علي فكرة .
2 - بالنسبة للعزل فهو كويس بس مش ممتاز
3 - معرفش في حل للعفشة ولا لأ بس هي مش ناشفة لدرجة الجنط الـ17 في السيراتو
4 - إستهلاك البنزين عامل زي اللانسر (كويس)

رد: طلب تسعير مازدا 3 2009
 

علي فكرة من كتر مقريت وكلامك عن العربية انا اتشديت ليها
ومستني في واحد معرفة واحد صاحبي معاه العربية دي
هحاول اخدها منو اسوقها واجربها بنفسي في الجري والكلام دا
وربنا يقدم الي فيه الخير