رد: مطلوب تسعير إكسل 1500 CC موديل 97
 

لو العربية حالتها كويسة اتوكل علي الله السعر مناسب جدا و الاكسيل عربية جميلة وواسعة و شنطتها كبيرة و قطع غيلرها في كل مكان و رخيصة و بياعة و حكاية الثبات ديه مش هتحس بيها أوي الا لو عديت مثلا ال 140 غير كده هتلاقيها معقولة جدا. أنا كان عندي واحدة 97 و كانت 1300 لكن كانت طيارة.

رد: مطلوب تسعير إكسل 1500 CC موديل 97
 

أكيد طبعا لو أنا هاشتريها لنفسي كنت هارجح الإكسيل عن الشاهين ، عشان شكلها و الكماليات بتاعتها و ماتورها

بس انا عايز العربية تكون مناسبة لإستخدام عائلي ، يعني في السفر ، ولو فيه شيل معنا ، و غالبا هابقى العربية مكتملة العدد يعني 5 افراد
و اكيد هاستخدمها جو القاهرة
بس الإحتياج الأهم بالنسبة ليه هو السفر مع الأسرة

فده ال مخلي الشاهين خيار بالنسبة ليه

عشان انا خايف الحمل الزائد على الاكسل يكون خطر عليها او تكون نزل من ورا
و على ادى خبرتي القليلة بالسمع دائما ان الشاهين بتشيل و بتستحل يعني و صاجها اقوى

و شايف ان اكثر من واحد علق على الثبات في الاكسل فوق ال 120 ، طب بالنسبة للشاهين في حتة الثبات ديه لو حد عنده معلومات عنها

و لو ربنا يسر ، هاروح اشوف اكسل النهاردة و اقولكم عليها

رد: مطلوب تسعير إكسل 1500 CC موديل 97
 

محدش أختلف علي الإكسيل بل بالعكس أنا بأكد أنها عربية حلوة و أي حد يشتغل فيها و قطع غيارها كويسة و رخيصة بس ( متنفعش للجري ) ، و بالنسبة للشاهين هي برضه قطع غيارها متوفرة و أي حد يشتغل فيها و زي الرز في الشوارع بس أنا مش بحبها عشان شكلها و عشان أنا عموماً مش بفضل الكارونة عشان لما بتبوظ الواحد بيدوخ :cry2W9: ، و مازلت بقولك أستني لحد ما تقدر تجمع مبلغ أكبر و هات حاجة زي الأبيزا أو البولو أو أو أو .... و أس إستفسار تاني أنا تحت أمرك

رد: مطلوب تسعير إكسل 1500 CC موديل 97
 

ابيزا وبولو عربيات مش اسرية
وهو طالب عربية للاسرة هايركبو فيها وقت طويل عشان السفر
فدول مش مناسبين لية
العربيات دى تنفع شاب انما اسرة صعب

رد: مطلوب تسعير إكسل 1500 CC موديل 97
 

شكرا Hosam Hegazy
بس الواحد لو دنه يستى عشان يجيب الإحسن يبقى هايدنو مستني على طول :shyy:

و أنا عايز أجيب حاجة في حدود إل معايا و لما ربنا يرزق أبقى أجيب الأحسن إن شاء الله

و أنا بصراحة ختي الأن مستريح أكثر للهيونداي إكسل ، حاسس إنها مناسبة للإستخدام الشخصي و الأسري في نفس الوقت و واسعة و هيونداي تصليحا سهل و قطع غيارها متوفر على حسب ما عرفت ، ومش مستريح للشاهين لأني بأحس إن تقفيها مش حلو أوي و تكنولوجيتها قديم مش بتتقدم و ماتورها صوت عالي و مش قوي -ده كله إحستس طبعا مش علم :D -

شكرا mr_astra على الرد

رد: مطلوب تسعير إكسل 1500 CC موديل 97
 

العفو دي أقل حاجة ممكن أعملها لحضرتك و أن شاء الله تختار العربية املناسبة و ربنا يديك خيرها و يكفيك شرها بإذن الله و فعلاً أنا بحس كدة في الشاهين برضه :shyy: