رد: ثقب اسفل التنك و صيانة غبور مكسلين يكشفوا عليها و انا مازلت فى الضمان!!
 

باقولك إيه يا محترم.. مبدأياً أنا والله ما أقصد أسخنك ولا حاجة بس هو حضرتك هادي و مسالم قوي كده ليه 36_1_5[1] أنا لو مكانك قسماً بالله كان زماني إرتكبت جريمة في التوكيل الزفت ده :w6w2005041122473461.. يا باشا خش على الناس بقلب جامد و فهمهم إنهم بيشوفوا شغلهم مش بيوجبوا معاك و لو معملوش شغلهم ده هايخدوا على دماغهم.. خدها قاعدة.. المحترم أحطه على دماغي و اللي مش تمام أديله على دماغه :01AD96~139:

رد: ثقب اسفل التنك و صيانة غبور مكسلين يكشفوا عليها و انا مازلت فى الضمان!!
 

رد: ثقب اسفل التنك و صيانة غبور مكسلين يكشفوا عليها و انا مازلت فى الضمان!!
 

لا مش كسل و لا هدوء ده انا ب أغلى - و بسبب الشغل بس انا ما رحتش الى الان لكن الاسبوع ده انشاء الله
بس اشوفهم و ها افتح نار فيهم - لكن برضه دى كانت فرصة لى انى اعرف فين بالضبط مكان التنقيط تقريبا عشان لما اروح احط صوابعى ال 10 فى عينهم
بس انا فرع العبور قريب منى جدا ف هل حد له تعليق عليه سواء ايجابى او سلبى - يعنى مثلا هل فيه حد يحذرنى منه او حد يكون مجربه و عارف مين مهندس شاطر هناك ؟

رد: ثقب اسفل التنك و صيانة غبور مكسلين يكشفوا عليها و انا مازلت فى الضمان!!
 

يا سيدي اتوكل علي الله و روح أي فرع و بالأدب خد حقك. المهم تكون عارف مكان الثقب كويس و تشوفه بعينك عشان هناك لو قالك ما فيش حاجة تقوله أنا شوفتو بنفسي و لو مش مصدق ابعت حد معايا محطة البنزين. و خلي بالك أخد الحق حرفة. ابدأ بالأدب و الذوق و الصوت الواطي ما كانش يبقي.... اعمل اللي يقدرك عليه ربنا.

رد: ثقب اسفل التنك و صيانة غبور مكسلين يكشفوا عليها و انا مازلت فى الضمان!!
 

كلام محترم جدا و سليم
أنا أويد الكلام ده

رد: ثقب اسفل التنك و صيانة غبور مكسلين يكشفوا عليها و انا مازلت فى الضمان!!
 

اشكركم جميعا على اهتمامكم بالرد و انا فعلا اؤيد اخذ الحق بالحجة و المنطق و الخناقات دى اخر حاجة
انا احب اقولكم اللى حصل
انا رحت بالفعل فى اول فبراير و الحمدلله قابلنى مهندس غير اللى قابلنى قبل كده و حكيت له اللى انى جيت قبل كده و ما حدش حاول يشوف ايه فيها و المهندس لاحظ انفعالى الشديد و مضايقتى لما حدث و تفهم الموقف و لما اخذوها فى ساحة الاصلاح وجدت الوضع مختلف هذه المرة و كان فيه شغل فيها فعلا و اخذت وقت
و عند الاستلام المهندس قاللى ان فعلا فيه عيب فى جزء (تبع للضمان) و اعتقد الكوع و لكن هو غير متوفر لديهم و انهم ها يقوموا بعمل اوردر و سيتوفر هذا الجزء بعد 3 اسابيع(يعتى تقريبا بين 20 و 22 فبراير) و انهم سيقوموا بالاتصال بى و فى نفس الوقت قاللى المهندس انهم قاموا باصلاح مؤقت حتى اتمكن من السير و التفويل و طلب منى ان اقوم بالتفويل و لكن دون ان املأها للاخر و اتصل به لاطمئنه
والحقيقة قبل انا اتصل انا هو قام بالاتصال بى للاطمئنان
النهارده 16 فبراير و لم اتلق اى اتصال منهم بعد
انا لا اعلم مدى مصداقيتهم و لكنى لا يوجد امامى غير الانتظار و اتمنى انهم يتصلوا فى الموعد المحدد
و الحاجة التانية اللى مخوفانى بشدة - اعرف منين ان العربية ما فيهاش حاجة تانى مستخبية
و عموما اكيد ها اقولك اخر التطورات

رد: ثقب اسفل التنك و صيانة غبور مكسلين يكشفوا عليها و انا مازلت فى الضمان!!
 

ما تقلقش نفسك و تشيل من العربية. فترة الضمان اتعملت عشان لو فيه أي عيوب تظهر و يصلحوها علي حسابهم. و معظم العربيات أصبح فيها بعض العيوب نتيجة للكم الكبير من السيارات التي يتم انتاجها فلازم يكون فيه عيوب. أهم حاجة يكون الوكيل محترم و يصلح العيوب ديه و الحمد لله أن المشكلة جت في حاجة لا تعيب السارة عند تغييرها. مجرد كوعة أو حتي تانك بنزين.