رد: كام مرة ...!!!
 

بسوق من 15 سنه يعني من و انا عندي 14 سنه

اول عربيه جبتها بأسمي كان عندي 16 سنه كانت بي ام ديزل

ما علينا المهم ان انا الحمد لله مش بعمل حوادث و لا حتى خبطات

هما بس 3 حوادث و للاسف ال3 حوادث ضاع فيهم 3 عربيات و ال3 في مصر المحروسه

اولهم باجيرو 2002 كان في شتاء (اجازه منتصف العام الدراسي بتاع 2002-2003) و كنت رايح الساحل الشمالي (بحب اشتي هناك) بس كنت ماشي و طالع كوبري اللي بيطلع على الكيلو 21 قبل ما يعملوا طريق العلامين المهم كان الطريق مليان زيت رحت مشغل التراكشن عادي خالص و تقريبا ثابته بس المصيبه انها كانت بتمطر :) و جت عربيه مقطوره معديه صاروخ و الظاهر ان كان فيه فسحه مبين حليات الكوبري بس المقطوره فصلت و جت عليا و وقعت من فوق الكوبري بالعربيه بس المسافه مكنتش كبيره يعني و الحمد لله المقطوره فضلت على الحرف و موقعت على العربيه طبعا العربيه بقت لا تصلح شاسيه و سقف بس خالي كان مأمن عليها و انا خرجت بكسور

تاني حادثه كانت بعربيه كرسيدا داخل على مكان فوسط الفلل فمنطقه المفروض نضيفه و كويسه و ماشيين نتفرج على الفلل ننقي تصميمات و نشوف الناس عامله ايه و في نص الشارع اللي هو اصلا رايح جي فجاه ظهر لودر بسرعه جنونيه لا يمكن مهما عمل يقف جيت افاديه فاكر على اساسا اني شايف ان لسه الشارع ممتد سقط في حفره على عمق لا تقل عن 3 امتار المره ديه كانت سليمه شويه كسرين بس و الحمد لله

ثالثهم كان اتوبيس غرب الدلتا في وادي النطرون العام الماضي بعد مخلصت فرح بنت خالي قلت اروح على مارينا شويه قبل ما ارجع الشغل و وانا ماشي جنبي اتوبيس غرب الدلتا باين او سوبر جيت عجلته طرقعت اتقلب عليا و ديه مركب فيها حتى الان 32 شريحه على مسمار و هشلهم الشهر القادم لو انا غلط في حادثه واحده منهم حد يقولي

رد: كام مرة ...!!!
 

رد: كام مرة ...!!!
 

يا ساتر يا رب
ايه دا يا محمد ربنا يحرسك و يحفظك من كل سوء

رد: كام مرة ...!!!
 

موضوع جميل فعلا وجديد في نفس الوقت
أنا عن نفسي عمري 25 سنة وبدأت اسوق متأخر شويتين يعني من 3 أ 4 سنين
خبطت مرة واحدة بالعربية في أول شهر من تعلمي السواقة
وكانت الخبطة بعربيتي الشاهين قبل ما أبيعها
وكانت في الباب اللي جنب السواق وامتدت شوية للباب اللي ورا
يعني كانت خبطة بسيطة لكن الصراحة الباب اتهان جامد وبسبب الخبطة دي اتضريت اني أدخل العربية الفرن وادهنها من بره واللي زعلني ساعتها انها كانت فابريكة بره وجوه مع انها موديل 97

بس من بعدها الحمد لله الواحد أتقن السواقة وباستثناء كام حكة بسيطة أثناء الركن أو في المزانق مفيش حوادث

بس صحيح بمناسبة الموضوع ده أنا عايز أسأل (الاسكندرانية)....اشمعنا انتم أكتر بلد بتعمل حوادث جوه البلد
وماحدش يحاول ينكر أنا أساسا راشق دايما في اسكندرية وبجد وبدون مبالغة عمري ما طلعت سفرية كام يوم الا وشوفت بعيني حادثة ...... ده غير ان 75 % من العربيات اللي بتعدي جنبي بتبقى مخبوطة
ومرة كنت أنا واصحابي ضحايا أحد الحوادث دي والميكروباص اللي كنا راكبينه دخل في عمود جنب بنزينة في سيدي بشر عالكورنيش والعربية الصراحة بعد الحادثة كان منظرها مرعب الا اننا الحمد لله طلعنا كلنا سلام باستثناء واحد بس كان نايم فذراعه اتكسر

رد: كام مرة ...!!!
 

موضوع جميل و فكر الواحد بحجات من زمان (مش زمان اوي)
انا بسوق من وانا عندي 13 سنة بس اول خبطة فاكرها كويس كانت قبل امتحانات الأعدادية طبعا كانت عربية والدي
و الموضوع كان سهل جدا كانت ركنا جنب عمود كهربا في الشارع بكل بساطة نزلت متحمس شوية ركبت العربية (فتحت الباب بس نسيت اغلق الباب) و طبعا رجعت للوراء بحتة حماسية شوية فما كان من باب العربية االي انة اتحشر في عمود الكهربا و راح انحيا التانية (اتفسخ و بقي هو و الرفرف الأمامي اصحاب )
الكلام دة كان يوم الثلاثاء و الامتحانات كانت السبت اللي بعدة .
ربنا ستر بعد كدة خبطات عادية جدا الحاجات البسيطة دي.
و اخر حاجة بسيطة كانت مع راس جرار من شهر تقريبا كنا علي الصحراوي قبل مطلع الدائري بس ربنا ستر.......

رد: كام مرة ...!!!
 

و الله يا اسلام و حازم

انا اتعقدت مني

بطلت السواقه في مصر اصلا من 3 سنين و اخر حادثه ديه قلت اخد العربيه اروح اشم هواء و ماشي الساعه 4 بليل على و وقفت في ماستر صليت الفجر

و مش بحب الاغاني و امي معندهاش شرايط للاوبرا و مش بحب اسمع الراديو الخنيق
يعني مكنتش فاتح حاجه

على رأي امي
مكفرات ذنوب

و الغريبه ان واحده مقطوره و واحده لودر و الاخيره اتوبيس

من ساعتها اي مشوار بروحه بركب انا اتوبيس

مصر الجديده من الهرم يبقى 375
مدينه نصر 375"
المعادي من الهره 750"
المهندسين من المعادي 358"
ptmnlo123per1106

انا سقت عربيات بره اد كده و لا حاجه حصلتليptmnlo123per122

معرفش ايه اللي بيجرى على تراب المحروسه؟؟؟؟؟؟؟؟؟؟؟؟؟؟؟؟؟ ؟

رد: كام مرة ...!!!