|
رد: تسقيط موتور 1800 بدلا من 1200
كدة الموضمع محصور في إستنتاجين مالهمش تالت.. يا إما الميكانيكي اللي إتعمل عنده الشغل مش فاهم كويس و الشغلانة باظت منه يا إما الموضوع فيه إشتغاله.. أنا أعرف إن ممكن أسقط موتور و مايشتغلش كويس أو يحتاج تزبيط إنما مايشتغلش خالص!! ايه ياترى
|
رد: تسقيط موتور 1800 بدلا من 1200
طيب لو افترضنا ان الموتور كامل بالتوصيلات بالكنترول
والتوصيلات سليمة ,,,, هل فى تعريف او تكويد بين كنترول الموتور والعربية او التابلوه ولا المفروض انه يشتغل تمام |
رد: تسقيط موتور 1800 بدلا من 1200
طبعا المفروض انه بيتباع بالكنترول والضفيرة بتاعته وكمان لازم يكون فى كهربائى (شاطر) حاضر موضوع التسقيط علشان ممكن الميكانيكى يطير الكنترول لو ما عندوش خبرة مع الضفيرة
|
رد: تسقيط موتور 1800 بدلا من 1200
فى ملحوظة لو الموتور فتيسه اوتوماتيك او مانيوال كل فتيس من دول كنتروله بيختلف حتى لو نفس الموتور بالظبط (هذا للعلم)
|
رد: تسقيط موتور 1800 بدلا من 1200
كما قالى الساده الاعضاء عمر ما العربيه هتدور غير بكنترول المكنه 1800 ده كلام لا جدال فيه حتى لو دارت مش هتديك اى اداء وهتلاقى العربيه مخنوقه لان الكنترول مصمم انه يشغل ماتور 1300 وليس 1800 والمفروض التاجر بيديك الكنترول مع المكنه ومعرفش ازاى حضرتك اشتريتوا المكنه من غير كنترولها وربنا ييسر لكم الاحوال ان شاء الله |
رد: تسقيط موتور 1800 بدلا من 1200
استاذ سيد :THUMBS~220:
ياريت تتابع معايا الموضوع ده صاحبى بعد كده قاللى انه جايبه بالكنترول بتاعه كامل وجربة بره العربية واشتغل المشكلة انه لما سقط الموتور فى العربية والكهربائى عمل توصيلاته مارداش يشتغل 1- لو افترضنا التوصيلات صح الموتور يشتغل ويكون مضطرب ولا ميشتغلش اصلا 2- هل يوجد كنترول فى العربية لازم يحصل تعريف بينه وبين كنترول الموتور 3- الموتور ده كان لعربية اوتوماتيك والعربية بتاعت صاحبى مانيوال هل فى اسلاك هتتلغى بحكم انه هيركب على فتيس مانيوال ........... ملحوظة صاحب العربية اشترى موتور فقط وهيركبه على فتيس العربية المانيوال ينفع ولا لازم فتيس اوتوماتيك |
رد: تسقيط موتور 1800 بدلا من 1200
اللى حصل والله اعلم عند صديقك 1:ان لو التوصيلات صح الماتور لازم يشتغل ولو مشتغلش يبقى ان اللى بيركب الماتور ماكنش معاه كهربائى محترف فممكن يكون عمل قفلة او عمل حاجه غلط فقام مطير الكنترول بتاع الماتور وده اللى حصل عندك بنسبه 99% وخلى بالك ان الكنترول بيشتغل على كهربا 6 فولت بتجيله من الكابلات اللى بتروحله بطريقة ما معينة فلو حد راح ماسك واصلتين من البطارية عدل وراح موصلهم دايركت على الكنترول الكنترول بيتحرق طوالى وان لو حد عمل وصلة 24 او عمل ماس فى الكنترول بردول الكنترول بيتحرق و ان حروق الكنترول بنسبه 99% بتيجى ان اللى بيركب الماتور مكنش معاه كهربائى محترف وخلى بالك من كلمة محترف وده اللى قولته قبل كدا وكل ده مثالا بيحصل يأما علشان مفيش كهربائى وده قليل جدا اول الميكانيكى اللى بيركب قالك يوفر 50 جنية اللى هياخدها الكهربائى وهو اولى بيها و ده للاسف بيحصل كتير والزبون هو اللى بيشيل القرف او ان الكنترول اساسا جاى محروق كده كده بس ده احتمال ضعيف جدااااا بس جايز يكون ده اللى حاصل 2:لا مش لازم يحصل تعريف بين كنترول العربيه وكنترول الماتور انت لو صلت الفيش فيه صح خلاص هو ده التعريف بتاعها 3:ديه مش عارفها حاليا بس هسألك الكهربائى بتاعى هو محترف فى حكاية الكنترول وكده بسم الله ماشاء الله عليه بس فى الاغلب ان اللى اعرفه ان الفتيس الاتوماتيك بيبقى ليه كنترول خاص بيه لوحده ومالوش دعوه بكنترول الماتور بس بردوا هسألك عليها ان شاء الله |
| الساعة الآن 03:43 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017