رد: الى الباشمهندس فادي لكزس LF'A
 

انا اولا احب اقول حاجه

كان بقالي كتير جدا متكلمتش مع حضرتك فعشان كده حطيت الاسم ده

ثانيا العربيه مصروف عليها في مرحله الR&D حوالي 5 مليار دولار

المحرك مش امامي و مش خلفي و مش وسطي برضك

جزء الاحتراق الداخلي من الامام مفلطح

و جزء الردياتير و المراوح من الخلف

و جزء الفتيس في الوسط

ابعادها قريبه من لامبروغيني جلاردو و فيراري مودينا و 430

و هي منافسه لهم

محركها في 10 بسعه 4800 سي سي بقدره 550 حصان

و لكن على اختبارات الدينو الاخيره ظهرت حقيقتها ان قوه محركها الحقيقيه اعلى ب 8 احصنه اخرى و هي من السيارات القلائل في هذا

تعتمد على جيربوكس جديد من نوعه في صغر الحجم و ست سرعات

هذا المحرك بصندوق تروسه سيباع لمرسيدس سي ال اس القادمه و سيكون موجود في استون مارتن فانتاج و سياره من لوتس لما له من قوه حقيقيه خياليه من ناحيه العزم و القدره الحصانيه

حيث انه من محركات العزوم الكبيره كالايطالي و بعزم اقصى يصل الى 615 نيوتن متر من محرك بنزيني سعته 4800 سي سي فقط

ستكون موجوده بنسختين رودستر و كوبيه و سيدشن موديل الانتاج في معرض طوكيو القادم

يذكر ان تويوتا قالت انها ستبيع منها 500 نسخه فقط إلى ان يثبت نفسه في وجه المنافسه الايطاليه و بعدها 200 وحده سنويا او يكتفون ب 500 إذا لم يجدوا الاقبال المنتظر


يذكر ايضا ان هذا المحرك سيكون في لكزس جي اس اف القادمه

كما انه سيكون منه سعه اكبر ب 5600 سي سي ستخرج 700 حصان و 850 نيوتن متر

اما عن الروابط بسأرسل لكم روابط كثيره عن هذه المعجزه كما وصفت من ساقين سيارات كثر كما كتبت فالسابق منهم الاسطوره مايكل شوماخر و اخيه رالف

رد: الى الباشمهندس فادي لكزس LF'A
 

مايكل شوماخر متعاقد مع فيرارى كسائق تجارب, فلا أعتقد انه يستطيع امتداح سيارة أخرى,
معنى أنه قال ذلك, فان فيرارى لا تعتبر اللكزس منافسا مباشرا لها.

منافسة لفيرارى؟ صعب. حتى اللامبرجينى لا تنافس الفيرارى, فيرارى سيارة اسطورية يبلغ سعرها أضعاف السيارات الأخرى لنفس المواصفات, و ينتظرها السائقون بالشهور بعد الحجز, فهل هناك من هو مستعد ليدفع نفس المبلغ فى لكزس و انتظارها لشهور طويلة؟!
حتى بورش رغم تاريخها الطويل لم تستطع أبدا الوصول الى شهرة فيرارى, و هى سيارة من لا يستطيع شراء الفيرارى.

هى العربية كام كرسى؟ على حسب ما أعتقد انها 2 كرسى فلماذا لم يوضع المحرك فى الوسط؟
تصميم علبة التروس فى الوسط يتم اللجوء اليه اذا ما كانت السيارة مصممة لتحمل 4 ركاب فى سيارات الفاروميو, لكن اذا كانت السيارة 2 راكب فقط فالأفضل هو استغلال مكان الكنبة الخلفية لوضع المحرك.

رد: الى الباشمهندس فادي لكزس LF'A
 

اولا المقصود بالمنافسه ليس السمعه و لم اقل هذا و لو قلت هذا رجاء من حقك ان تحذف هذا الكلام بل و تحذفني من المنتدى:) المقصود الأداء

ثانيا بجوود وود و نوربرجرينج ارادت تويوتا ان تأخذ اراء شركات من كافه التخصصات لمعرفه او للوقوف على مدى تطور الاداء لسياره طورت ب 5مليارات من الدولارات على مدى 6 اعوام

ثالثا فكره وضع الردياتير و المراوح فالخلف هي مبتكره من نوعها فستجد فالداخل المساحه كبيره فالشنطه لانهم رحلوا الى حدود السياره الخلفيه مباشره المفاجأه الكبرى لكل الشركات و لكل من اختبر السياره كانت فالمحرك و لعلك قرأت التعليقات بعد اختبارها اما صندوق التروس فالوسط فكما يقولون من اجل شيئان توسيع المساحه الداخليه للمدى الاقصى و توزيع مثالي للوزن لانه سيكون عند مركزثقل السياره مباشره

رد: الى الباشمهندس فادي لكزس LF'A
 

انا معاك فى انها قد تنافس الاف 430 فى الاداء لاسيما و انها تزيد عنها فى سعة المحرك و القوة الحصانية, و لكنها بالتأكيد سوف تزيد عنها وزنا.
بس هى نقطة ضعفها الوحيدة فى رأيى عدم وضع المحرك فى الوسط, هما حبوا يوسعوا الشنطة أو قلة خبرة, بس ايه لازمة الشنطة فى عربية رياضية؟ ptmnlo123per1127

رد: الى الباشمهندس فادي لكزس LF'A
 

جميلة يا باشا مشكور علي التقرير:)

وزنها كام ؟؟

رد: الى الباشمهندس فادي لكزس LF'A
 

و الله انا معاك فحكايه الشنطه

بس هي فكره ان حتى الان 5 شركات طوال عمرها بتنتج محركات و لها في رياضه السيارات و كلها اوروبيه تطلب تزويد سياراتها بهذا المحرك هو ده اللي خلاني احس انه فعلا محرك غريب

يعني مش مرسيدس و لوتس و استون مارتن و مازيراتي على اخر الزمان اللي هيخدوا محرك اداء عالي من تويوتا

ده+ رغبه تويوتا ان المحرك ده يتعمل منه سعات اخرى مثل ال 5600 مثلا و احتمال يكون رايح للمبورغيني في بديله المورسيليغو

فمعرفش

انا لا انكر على الاطلاق ان تويوتا شركه سيئه رياضيا

بس المحرك ده مع محرك ال4600 الموجود في LS , GS & MAJESTA و عملوا منه سعه اخرى 5000 سي سي موجود في IS-F

يعني كده تويوتا قدرت بعد 80 سنه تعمل محرك في 10 و محرك في 8 على ارقي و احسن ما يكون
و بمحرك ال في 6 3500 سي سي 325 حصان لو ضخ مباشر فالرويال و الاتليت او 306 في لكزس IS350& MARK-X ده كده بيثبت ان فكرهم ابتدى يتغير نوعا ما

على الاقل ممكن تدلوقتي تلاقي عندهم عربيات ليها روح في فئات عده

و زي ما كلاركسون قال على الIS-F بي ام دابليو ام 3 ايطاليه الروح يابانيه الصنع و لعل ده هيكون نهج لكزس على الرغم من ان كلاركسون هو نفسه قال في نفس الجمله ان العربيه بقت نشفه جدا عن العربيات الالماني اللي فيها شويه وقار و نعومه برضك و قال انهم معرفوش يحققوا ده و عملوها زي العربيات الايطالي

رد: الى الباشمهندس فادي لكزس LF'A
 

بجد بجد منكم نستفيد حلوه اوووي المناقسة دي لانها هتفييد ناس كتير جدا