مصر موتورز مجتمع السيارات - ملاحظات على لانوس 2013 بعد تجربتها اول 150 كم

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - ملاحظات على لانوس 2013 بعد تجربتها اول 150 كم (https://www.masrmotors.com/vb/showthread.php?t=105735)

رد: ملاحظات على لانوس 2013 بعد تجربتها اول 150 كم

حكاية ان السنتر مش بيقفل و الاريال في الزجاج عادي ال الانترا امو 150 ألف كده ما تقلقش. لمبة Check engine لازم تكون مطفيه عليك و علي التوكيل. استهلاك البنزين معقول جدا خصوصا أنك لسه في الأول. بالتوفيق ان شاء الله.

رد: ملاحظات على لانوس 2013 بعد تجربتها اول 150 كم

ربنا يبارك فيكم ياشباب وبالنسبة للأختيار الحمد لله انا اخترت العربيه دى بعد طول بحث عارف انها ليست الأفضل ولكن تقدر تقول نصيب ربنا يستر وتصمد معانا - بالنسبة للسنتر لوك اللى معايا غير اللى فى الصوره خالص اللى سلمهولى اسود وفيه 3 زراير كاتم وفتح وقفل كمان متهيئليش ان هيبقى في صعوبه انك تحصل على واحد تانى اكيد اى مركز صيانه يقدر يعمل الحته دى او التوكيل كل حاجه بتتعمل هنا اشمعنا دى اللى صعب - بردو انا نسيت اقول كام حاجه كده 1- العربيه تحس صوتها عالى شويه والمعرض قالى انها هتفضل كده فى الاول لغايه متلين انا كنت بمشى بسرعه 60 الى 85 كم فى الساعه دا كويس ولا غلط 2- العربيه تحس قعدتها مش مريحه زى مقالوا قعدتها متعبه وضهرك بيوجعك طب كنا جبنا لادا بدل هيا هيا3- العفشه تحسها بردو معرفش مش وحشه ومش حلوه يعنى الواحد بيسمع اى حاجه تخبط معرفش دا عفشه ولا عزل المهم الحمد لله نشوف بس موضوع اللمبه ده ونشوف هنعمل ايه مع ابوهم شكرا ياغالين

رد: ملاحظات على لانوس 2013 بعد تجربتها اول 150 كم

اولا مبروك عالعربيه وربنا يديك خيرها ويكفيك شرها ان شاء الله وشر مشاكلها
تاني حاجه نيجي للمشاكل بقي وحتلاقي الاجابات في الاقتباس تحت

اقتباس:

المشاركة الأصلية كتبت بواسطة alama (المشاركة 824928)

السلام عليكم ورحمة الله وبركاته
تم بحمد الله استلام لانوس 2013 المهم نخش فى الموضوع
1- اول مستلمنا لقينا علامه فى الطابلوه منوره مكتوب عليها Check منوره اصفر معرفش ليه داحنا لسه بنقول يا هادى المهم الراجل بتاع المعرض قالى انها يومين وهتمشى دى بس عشان جديده معرفش دا ايه الحكايه ممكن تكون عايزا زيت مثلا

مبدئيا يباشا من قواعد الامان ان اول ملمبة التشيك دي تنور يبقي تبطل العربيه ومتمشيش بيها وتجيب كساحه تشيلها وتوديها عالتوكيل علي طول
وانا مش عارف انت استلمت العربيه ازاي واللمبه منوره
واللي سلمهالك اصلا بتاع المعرض ده معندوش ضمير وربنا مش حيكرمه ان شاء الله
فنصيحه متتحركش بيها الا لمشوار التوكيل وان شاء الله حيبقي حاجه بسيطه

2- العربيه كانت عاملا 6 كم بس هل هما مجربوهاش كتير يعنى فى المصنع عشان 6 كم دا اعتقد قليل انا قبل كده كنت مستلم لوجان كانت عاملا حاجه و30 كم لما استلمناها

الموتور يباشا بيتجرب قبل ميركب علي جسم العربيه او قبل ميتوصل بالعدادات
وبالنسبه للمعرض ممكن اوي يكون شال الفيشه بتاعة العداد فتره كده لحد موصلها المعرض وعمل مشوارين وركبه تاني

3- تلاقى الفتيس بيونتر فى الغيارين الاول والتانى لما الواحد بدوس بنزين ويسيب تلاقيه الفتيس بيلعب كمان انا حاسس ان الفتيس خشن شويه اخشن من اللوجان

دي ممكن تكون مشكلة قاعدة موتور بايظه او قاعدة فتيس او عايزين يتربطوا برضه تقولهم عليها في التوكيل وحتة الخشونه دي حتنعم معاك مع الوقت لانه لسه بيلين

4- السنتر لوك مفروض السنتر لوك لما الواحد يطلع بالعربيه يعمل لوك لوحده مع اول ضربه فرامل او بعد متمشى بالعربيه شويه بسيطه المهم دا مفهوش الحته دى ممكن يكون هو دا العيب وعشان كده اللمبه الصفرا اللى فى التابلوه بتنور يمكن عايز حد يدلنى

مفيش الاوبشن ده في اللانوس

5- العربيه اعتقد انهم علوها شويه لاننا كنا 5 فى العربيه ومكنتش بتحك فى المطبات زى مالكل كان بيقول

طب كويس جدا لانها كانت بتحضن المطبات

6- بالنسبه لإستهلاك البنزين العربيه ف 155 كم استهلكت 12 لتر دا كويس ولا ايه النظام

استهلاك كويس جدا

7- توكيل رخم صراحه يعنى مكنوش قادرين يحطوا جهاز تسجيل فى فتحة USB
فعلا منصور دا تنح اوى ربنا يهديه

طبيعي بيسترخص

8- العريه مفهاش اريل للراديو بل بدلوه بحاجه بيقولو انها جوه الزجاج الورانى زى الشبكه موجوده جو القزاز معرفش دا صح ولا الراجل بتاع المعرض بيسرح بيا

الاريال مدمج في الزجاج فعلا وده لقدر الله لما بيتكسر مبتجبش زجاج عادي لازم بتجيب زجاج مدمج بايريال وحتلاقي مدلدل منه سلك كده

ياريت حد يفيدنا خاصه فى موضوع اللمبه اللى فى التبلوه دى وهل هيا فعلا عشان جديده وبتلين كلام مش داخل دماغى

:GROWIN~12::GROWIN~12::GR OWIN~12:

رد: ملاحظات على لانوس 2013 بعد تجربتها اول 150 كم

اقتباس:

المشاركة الأصلية كتبت بواسطة alama (المشاركة 824928)

السلام عليكم ورحمة الله وبركاته
تم بحمد الله استلام لانوس 2013 المهم نخش فى الموضوع
1- اول مستلمنا لقينا علامه فى الطابلوه منوره مكتوب عليها Check منوره اصفر معرفش ليه داحنا لسه بنقول يا هادى المهم الراجل بتاع المعرض قالى انها يومين وهتمشى دى بس عشان جديده معرفش دا ايه الحكايه ممكن تكون عايزا زيت مثلا

العلامة check المفروض انها تشتغل عند فتح الكونتاك ولما بتدور العربية بتنطفى

2- العربيه كانت عاملا 6 كم بس هل هما مجربوهاش كتير يعنى فى المصنع عشان 6 كم دا اعتقد قليل انا قبل كده كنت مستلم لوجان كانت عاملا حاجه و30 كم لما استلمناها
ودا حصل معايا 6 كيلو فقط

3- تلاقى الفتيس بيونتر فى الغيارين الاول والتانى لما الواحد بدوس بنزين ويسيب تلاقيه الفتيس بيلعب كمان انا حاسس ان الفتيس خشن شويه اخشن من اللوجان
دى انا ما لاحظتهاش والغيار عادى ممكن يكون عشان لسه ما تعودتش على غيارات العربية الجديدة
4- السنتر لوك مفروض السنتر لوك لما الواحد يطلع بالعربيه يعمل لوك لوحده مع اول ضربه فرامل او بعد متمشى بالعربيه شويه بسيطه المهم دا مفهوش الحته دى ممكن يكون هو دا العيب وعشان كده اللمبه الصفرا اللى فى التابلوه بتنور يمكن عايز حد يدلنى
السنتر لوك لازم انتا تقفله وبعدين هوه المفروض يشتغل لما العربية تتقفل من برة بالريموت .
5- العربيه اعتقد انهم علوها شويه لاننا كنا 5 فى العربيه ومكنتش بتحك فى المطبات زى مالكل كان بيقول
العربية علوها ممتاز زخاصة لو عدد الركاب قليل وكمان لاحظت انها اعلى من الدايو والفيرنا من خلال ركوبى للأتنين
6- بالنسبه لإستهلاك البنزين العربيه ف 155 كم استهلكت 12 لتر دا كويس ولا ايه النظام
استهلاك المشاوير داخل المدينة غير الطرق السريعة وكل ما تكون فى الطرق السريعة اساهلاك البنزين بيقل
7- توكيل رخم صراحه يعنى مكنوش قادرين يحطوا جهاز تسجيل فى فتحة USB
فعلا منصور دا تنح اوى ربنا يهديه
ازاى توكيل رخم وانتا لسه ما تعملتش معاه ممكن نعرف
8- العريه مفهاش اريل للراديو بل بدلوه بحاجه بيقولو انها جوه الزجاج الورانى زى الشبكه موجوده جو القزاز معرفش دا صح ولا الراجل بتاع المعرض بيسرح بيا
دا كلام صحيح وفعلا الشبكة جوه الزجاج وفيه كلبسين هتلاقيهم واصلين فى الزجاج والراديو شغال تمام
ياريت حد يفيدنا خاصه فى موضوع اللمبه اللى فى التبلوه دى وهل هيا فعلا عشان جديده وبتلين كلام مش داخل دماغى

يا ريت كلامى يكون مفيد

رد: ملاحظات على لانوس 2013 بعد تجربتها اول 150 كم

شكرا ليكم ياشباب على الردود والمشاركات المفيده
بالنسبة للمعرض فهو معرض الليثى وانا بحذر ان اى حد يشترى من المعرض دا عشان معرض زباله وناس معندهاش ضمير فعلا اتارى الاوباش كانوا شايلين كابل السرعه ولما ركبوه تانى علامه ال Check ممشيتش الا لما كشفت عليها فى التوكيل وقالى انها مبتبطلش الا بالجهاز كمان غير ده وده ان الموظف بتاع التوكيل كان عايز ياخد 400 جنيه حلاوة العربيه على اساس انى جبت هيليكوبتر اللطخ
عالم وغش بعيد عنك

معرفش ليه العربيه بتاكل بنزين كتير اوى العداد دلوقتى 300 كم والاستهلاك 45 لتر
300 كم = 45 كم دا مش كتير يعنى العمليه كده شايفها زياده اوى زى مقوله زميل لينا هنا قال ان الانوس دى زى البطيخه وانت وحظك

رد: ملاحظات على لانوس 2013 بعد تجربتها اول 150 كم

اقتباس:

المشاركة الأصلية كتبت بواسطة alama (المشاركة 826460)

باشا
انسي بقي كلللللل اللي حصل ده وحاول تتاقلم وتستمتع بعربيتك الجديده
عشان تحبها وبص علي مميزاتها وفكك من عيوبها
بالنسبه لاستهلاك البنزين حيتظبط بعد التليين لما تغير زيت علي 1000 كيلو الدنيا حتتظبط معاكشويه لو متظبطتش تروح التوكيل وتقولهم ومتقلقش من حقك تغير اي حاجه في العربيه من المسمار للماتور للعربيه كلها لو لزم الامر لو كان في مشكله تصنيع في العربيه طول منت داخل الضمانROSE4U

رد: ملاحظات على لانوس 2013 بعد تجربتها اول 150 كم

اقتباس:

المشاركة الأصلية كتبت بواسطة hyundai 2005 (المشاركة 824944)

:sycho26:
لانوس
حرام والله عليك سايب الاميجراند والm11 واللوجان والساجا والفيرنا
وبتجيب لانوس للاسف العربيه دي مقلب كبير قوي
حاول تتعايش معاها وربنا يديك خيرها ويكفيك شرها بس روح عالتوكيل بسرعه يكشفوا عليها علي لمبه التشيك

ياغالى كل العربيات دى انا فكرت فيها اللوجان مرضتش اجيبها عشان كانت معانا واتسرقت زى متقول اتشئمت منها الا انها فعلا افضل من اللى جبتها بكتير بس مشكله قطع غيارها انها اغلى شويه والساجا بتاكل بنزين وتنكها صغير وبردو فيها مشاكل مش ملاك يعنى وتوكيلها وحش والفيرنا ضيقه عالاخر مش عارف اقعد فثيها الدركسيون بيخبط فى رجلى ياراجل اما الاميجراند دى انا شاكك فيها لانى مش مصدق ان عربيه غول زى كده تبقى بالسعر ده غير كده ابعد عن الصينى وغنيلوا مش مستاهلا تجارب لقيت ان الزبونه دى احسن الوحشين ويوم منعوز نغورها هنغورها مش قضيه