مصر موتورز مجتمع السيارات
صفحة 2 من 3 1 2 3
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   القيادة فن و ذوق (https://www.masrmotors.com/vb/forumdisplay.php?f=180)
-   -   بتعمل أيه مع الكائنات دى؟ (https://www.masrmotors.com/vb/showthread.php?t=105656)

Emgrand 01-01-2013 02:12 AM
رد: بتعمل أيه مع الكائنات دى؟
 
انا زيك باعد عن القرف بتاعهم لكن احيانا من قرفى منهم بغتت عليهم وبطبق معاهم نظريه البوز بتاعتهم

svneleven 01-01-2013 06:45 AM
رد: بتعمل أيه مع الكائنات دى؟
 
اتق الله في كل أفعالك. مش معني ان حد بيغلط أنك تعمل زيه.

روبرت مجدي 01-01-2013 02:05 PM
رد: بتعمل أيه مع الكائنات دى؟
 
ف كتير من الأوقات مش بقدر اسيطر على اعصابى:sycho26: بالرغم ان عربيتي بسكويته لكن ربنا يسترها معانا:286:
و ساعات اكون مش غلطان لكن الناس بتكون غريبة:125935~148: و ساعات بتكون ناس كبيرة و طبعا مش بتكلم مع حد:1286B2~161:
وربنا يسترها علينا...
SLAM

Ahmad Rizq 01-01-2013 05:27 PM
رد: بتعمل أيه مع الكائنات دى؟
 
بص انت هتسمع من السادة الاعضاء منهم هيقولك غتت عليهم لو ليك حق ما تسيبوش و منهم هيقولك انت تمام , لكن تظل الحاجة الاهم هي انك ما تفقدش الثقة في نفسك في السواقة , حط في دماغك انك قاعد مالي نفسك في العربية ومحدش هيهزك و قدر المواقف , المواقف الي تحتاج اعتذار اعتذر مفيش مشاكل والمواقف الي ليك فيها حق براحتك عاوز تاخده خده عاوز تنفض مفيش مشاكل , انا بعمل كدا بس مهما حصل لو اخطأت بعتذر , مره كان فيه مطب و كان يمين المطب كان الطريق مستوي فا انا حدفت يمين مره واحده و كان فيه واحد في النقطة العامية عندي ما شوفتوش فا كان هيلبس فيا من ورا لولا ان فرامله لحقته و الله ما كملتش كام متر و رحت ضارب انذار و هديت و استنيته و فتحت الشباك و قلتله انا اسف جدا , . من الآخر اخترعلك اسلوب يريحك , و صدقني طلما الدين معاملة فا اكيد لازم هتكون سعيد و انت بتطبق دينك و عمرك ما هتقول آدي الي خدناه من السكوت و اني اعيش دور الاهبل . عامل ربنا

ميدو عمر ايمن 02-01-2013 02:23 AM
رد: بتعمل أيه مع الكائنات دى؟
 
اقتباس:
المشاركة الأصلية كتبت بواسطة Ahmad Rizq (المشاركة 824745)
بص انت هتسمع من السادة الاعضاء منهم هيقولك غتت عليهم لو ليك حق ما تسيبوش و منهم هيقولك انت تمام , لكن تظل الحاجة الاهم هي انك ما تفقدش الثقة في نفسك في السواقة , حط في دماغك انك قاعد مالي نفسك في العربية ومحدش هيهزك و قدر المواقف , المواقف الي تحتاج اعتذار اعتذر مفيش مشاكل والمواقف الي ليك فيها حق براحتك عاوز تاخده خده عاوز تنفض مفيش مشاكل , انا بعمل كدا بس مهما حصل لو اخطأت بعتذر , مره كان فيه مطب و كان يمين المطب كان الطريق مستوي فا انا حدفت يمين مره واحده و كان فيه واحد في النقطة العامية عندي ما شوفتوش فا كان هيلبس فيا من ورا لولا ان فرامله لحقته و الله ما كملتش كام متر و رحت ضارب انذار و هديت و استنيته و فتحت الشباك و قلتله انا اسف جدا , . من الآخر اخترعلك اسلوب يريحك , و صدقني طلما الدين معاملة فا اكيد لازم هتكون سعيد و انت بتطبق دينك و عمرك ما هتقول آدي الي خدناه من السكوت و اني اعيش دور الاهبل . عامل ربنا
كلام جميل يستحق التقدير
مقنع - بسيط -متواضع - عملي
شكرا - افدتنا كثيرا

khaledrezk 02-01-2013 09:42 AM
رد: بتعمل أيه مع الكائنات دى؟
 
اقتباس:
المشاركة الأصلية كتبت بواسطة zing0 (المشاركة 824273)
السلام عليكم
أنا لسة جديد فى السواقه, يعنى داخل على 8 شهور سواقة, بس المشوار اليومى الروتينى الممل محدد, و بأترعب لما الحاج و الحاجه يقولولى وصلنا مشوار مروحتوش قبل كده.

- أولاً أنا (ميييح) فى طرق القاهرة. يعنى عشت حياتى كلها أروح أى حته بالمترو و نادراً لما بأركب مواصلة غيره - لحد ما ربنا كرمنا بزوبه.

- ثانياً مبعرفش أتحكم فى أعصابى _رغم النصايح المستمرة_ لما يقعد سواق مكروباص و لا توكتوك و لا تاكسى (غير مهذب) و بيسابق الريح علشان يلحق الزبون إللى ما لوش مكان أصلاً , يقعد يزمر و يسمعنى سيمفونيه حيوانات الأدغال كلها.

أنا بأتضايق أوى, رغم أنى مبرضش, لأنى مش هأعرف أرد عليهم, لغتهم غير اللغه إللى بأتكلم بيها, بس بأرجع و ألاقى نفسى بتأنبنى, ليه مرديتش, ليه مضربتوش, ليه.......

أنا الحمد لله ماشى بمبدأ: راعى غيرك يمكن يكون عنده ظروف أقوى منك, يعنى ممكن ما أقفش علشان أقضى مصلحتى(حتى لو فى 5 دقايق) لو لاقيت الشارع ممكن يقف, و فى التقاطعات دايماً بأسيب اللى جاى يعدى الأول.(مع ملاحظة أن زوبه نوعها لادا) بس و الله بأخاف على عربيات الناس أكتر من عربيتى.

قريت شوي نصايح للسواقة فى مصر هنا,للأسف للأسف للأسف أنا مش هعرف أعمل كده, مش طبعى و لا أخلاقى.

أعتقد أنى فى الآخر هأعمل زى علاء ولى الدين فى فيلم الناظر صلاح الدين, و أشوفللى أى "ليبمى" يعلمنى الصياعة و البلطجه, و أبدأ أضرب ترامادول و أشيل مطواه و لا سنجه. و متشكرين لبتوع اللغه العربية إللى جابوا كلمات ملهاش معنى (الأدب - الأخلاق ) . و يظل دائماً: الدين المعامله.
السلام عليكم
اللى حضرتك بتقولة دة هوة العادى فى كل شوارع القاهرة وفى اى مكان مش مقتصر على حى او منطقة بعينها
تعايش مع المشكلة لان مالهاش حل كلنا بنعانى من نفس المشكلة

سامح منصور 02-01-2013 07:13 PM
رد: بتعمل أيه مع الكائنات دى؟
 
الأخلاقيات عموما في مستويات كتير هبطت

وخصوصاً عند سواقين الميكروباصات و التكاتك والتاكسجية

التعامل معاهم بيكون بحذر مش عشان عدم الكفائة

لكن عشان مستوي التعامل منهم متندي جدا

ربنا يكون في عونك وعون الجميع


الساعة الآن 07:02 AM.
صفحة 2 من 3 1 2 3
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017