مصر موتورز مجتمع السيارات - مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى

اقتباس:

لو حبيت افك الجنب

لالالالالا اوعى يا استاذ سيد
خطر جداااااااااااا وممكن تتعور لا قدر الله
الجنب عشان تشيل منة السوستة بيحتاج زرجينة تمسك السوستة عقبال ما تفك البطاح والسوستة مضغوطة وممكن تفلت تعورك
خلى بالك

رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى

اقتباس:

المشاركة الأصلية كتبت بواسطة sayed2077 (المشاركة 821055)

المشكلة ان دائرة الاشعال كلها لسه جديده حتى الموبينه دينسوا

اما بالنسبه لاستنزاف الفلوس فديه عندك حق فيها و اتمنى تقولى عن العدد والادوات اللى اجيبها علشان بعد كدا ابقى اشتغل مع نفسى والحمد لله عندى خبرة كويسه فى اغلب الحاجات بس ينقص العدد و الادوات فقط فتنصحنى اجيب ايه علشان كل حاجه
مثالا لو حبيت افك الجنب و كدا والطنابير اللى هى الحاجات التقيلة ديه وبارك الله فيك يا استاذ هشام :)

شكرا على المجاملة اللطيفة دى يا باشمهندس
عموما انت مش كل يوم هتنزل فتيس او تفك جنب او سوست ومساعدين
لكن عموما هتحتاج مفاتيح 8-10-12-13-15-17-19-22 بلدى بناحية
بيبة 8-10-13
بنسة كلابة - بنسة عادية - قصافة - مفك عادة وصليبة صغير وكبير
طقم مفكات رفيعة
فيللر عشان تظبط بيه خلوص البوجيهات
مفتاح بوجيهات ماسورة وواحد تانى حرف T
مفك تيستر لكهربا العربية
وطبعا اسبريهاتك (تنظيف الكربراتير - تنضيف جاف - دبليو دى فورتى )
خلى معاك شوية شحم - زيت موتور - جركن ميه - جركن بنزين
خنقة العربية زى مابتعمل معاك كده بسبب ظبط الإسبراتير ده احتمال لازم تحطه فى الإعتبار اوى
لو جبت زرجينة فلتر الزيت ومفتاح النكيه فك الطبة هتغير الزيت تحت البيت
لازم كمان يكون معاك معجون حديد - سيليكون RTV احمر او رمادى - جمالكه لزق

رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى

اقتباس:

المشاركة الأصلية كتبت بواسطة mr_astra (المشاركة 821072)

الإكسيل بتبقى سوستها مضعوظة فى المساعد والطبق لكن برضو دى صنعة مش لازم تعملها بنفسك إحذر لاقدر الله الإصابة

انما لو تقصد تغير تيل وطنابير ده عادى العدد اللى كتبت عليها دى كفاية هتظبط معاك

رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى

شوف

لما تلاقى البيك أقل بدرجتين او اقل بأكثر يبقى دى صنعة بلدنا ( بايدين ولادنا ) ميدا ان ايجيبت

وخد بقى المعلومة دى هدية منى ليك

90 فى المائة من الكرابيراتيرات بتتصنع بالمقاسات الاصلية بتاعتها ولما تنزل تجيب بيك هتلاقيه مختلف
لانه متصنع فى حلوان شارع اصفهان فى مصنع القرصان

قابلتنى المشكلة فى 3 او 4 كرابيراتيرات كنت بضبطهم لاصحابى
وحتى لو لقيته نفس المقاس
انسى
التقليد تقليد ياباشا
ومش هتلاقى الاصلى لو دورت من اسوان لاسكندرية
للاسف
ما فيش منتج اصلى من البيكات فى معظم العربيات القديم وحتى موديلات الحديث
بيبقى قطع غيار مصرى وصينى

والاسلم ليك زى ماقالك الفنان هشام الجزار Hisham Al gazzar وهو ادرى منى ومنك لانه ايده فى الشغل ده - سيبه لما يوسع بالاستخدام ويجيب المضبوط الى عليه

وفيه ناس زى حضرتك لغاية النهاردة ماشيه بتكلم نفسها على بيك أصلى
وربنا يوفقك وتلاقى ضالتك

رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى

ممكن أدخل فى الموضوع وأقول رأيى بعد مااكتشفت إن العطل مش فى الكربرتير وكان فى الاسبراتير 00000أنا رحت لواحد من شبرا اسمه ( سيد ) فى المدينة الصناعية بقنا ..قام فك الكربرتير حتة حتة ونظفه وغير بيكات 90و120والعربية تمام التمام يبقى زى ما قال الاساتد:Wkiss5:ة العيب فى الكهرباء وليست فى بيك 150ولا 153 وشكرا لسعة صدركم

رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى

صورة البيك اهيه

153

http://www6.0zz0.com/2012/12/25/21/697355575.jpg

رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى

ده 153.8 كمان مع العلم جيت اكحلها عميتها النهارده خالص

الظاهر هزور حضرتك قريب يا استاذ هشام :)