رد: استفسار بخصوص تخطى مؤشر rpm العلامة الحمراء
 

مادام الوقت مازادش عن الثواني يبقى إن شاء الله مفيش مشاكل

الكلام اللي في الاقتباس تحت ده كان ردي على سؤال عن السبب في تحديد الـRed Zone في عداد التاكوميتر (RPM) في الموضوع ده:

اقتباس:

المشاركة الأصلية كتبت بواسطة borio1704 (المشاركة 616600) السر في الوزن يعني كل ما كانت الأجزاء المتحركة في الموتور خفيفة.. كل ما كانت القدرة على تحريكها أسهل، وبالتالي يمكن الوصول إلى سرعات أعلى والفرق هنا باين بوضوح في الفرق بين المواتير الجبارة بتاعة عربيات النقل مثلا ومواتير العربيات الصغيرة.. في العربيات الكبيرة أقصى سرعة للموتور بتبقى في حدود 3000 إلى 4000 RPM لإن البساتم والبيلات كبيرة وتقيلة، في حين إن العربيات الصغيرة حاليا السرعة القصوى للموتور بتبقى في حدود 6000 إلى 8000 RPM (عربيات الفورمولا 1 بتوصل لحد 18 ألف RPM لإن البساتم والبيل من الكاربون فايبر) على فكرة.. السرعة القصوى هنا المقصود بيها المنطقة قبل الرد زون بالنسبة للرد زون.. فالمنطقة دي هي الجزء اللي الموتور يقدر يوصل فيها للسرعة دي بس احتمال إن الموتور يحصله حاجة بيرتفع جدا... والحاجة اللي غالبا بتحصل هنا هي كسر في البيل، وده بيخلي البستم حر الحركة فيبقى عامل زي طلقة المدفع وبيحصل انفجار للموتور الرد زون مش محظورة نهائيا، إنما ممكن تدخل فيها لثواني بس (ثانية أو ثانيتين) وبعد كده لازم تنزل في المنطقة الأمان فورا. بس علشان تحافظ على طول عمر موتورك.. يفضل ما توصلش الموتور لأكتر من تلتين أو تلات ارباع المنطقة الأمان، والمنطقة الباقية لحد أول الرد زون توصلها ساعة اللزوم بس (يعني لما تبقى عايز تاخد غرزة أو بتسقط نقلة). أرجو إني أكون فدتك

...

رد: استفسار بخصوص تخطى مؤشر rpm العلامة الحمراء
 

اكيد الكلام افادنى وطمنى اكثر على العموم من خلال قلقى انصح انى محدش يجى جمب المنطقة دى نهائى والحمد لله انى محصلش حاجة لله الحمد وربنا يطمنكم ويستر طريقنا كلنا

رد: استفسار بخصوص تخطى مؤشر rpm العلامة الحمراء
 

كدة كدة العربية بتفصل عند ار بى ام عالى
متخفش محصلش حاجة

رد: استفسار بخصوص تخطى مؤشر rpm العلامة الحمراء
 

بإذن الله مفيش أدنى تأثير سلبى على الموتور
فيه ناس اساسا مش بتنقل غير على اول العلامة الحمرا
وساعات لحد ما الكامة تفصل زى السيفيك الـType - R
والفكرة ان المواتير الجديدة بتفصل بنزين وهوا اوتوماتيك لما توصل على ار بى ام معين مكتوب فى الكاتالوج عشان ماتضرش الموتور
الكامات الرياضية بقى والكمبيوترات المعدلة هى اللى بتتعدل انها تشتغل على ار بى ام عالى
لكن مواتيرنا العادية 7- 8 ولوقت قليل لا تضر

رد: استفسار بخصوص تخطى مؤشر rpm العلامة الحمراء
 

ربنا يطمنكم ويجعلة فى ميزان حسناتكم والحمد لله على كل شئ
على فكرة الحرق على الغيار مش ممتع نهائى معايا انا بحب صوت العربية الهادئ وطبعا الفيرنا صوتها عالى نسبيا فكدة كدة مبعليش الغيارات وللعلم هتحس بصورة ملحوظة جدا وقوف الرشاشات والهوا زى ما الاخوة قالولى فى المشاركات يعنى هتعرف فى ثانية انى العربية هدت منك
شكرا لكم جميعا ولكل من شارك فى الموضوع

رد: استفسار بخصوص تخطى مؤشر rpm العلامة الحمراء