مصر موتورز مجتمع السيارات - بنزين 80 مع فيرنا 2013 !!؟

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - بنزين 80 مع فيرنا 2013 !!؟ (https://www.masrmotors.com/vb/showthread.php?t=104786)

رد: بنزين 80 مع فيرنا 2013 !!؟

اقتباس:

المشاركة الأصلية كتبت بواسطة the necromancer (المشاركة 816632)

الله يبارك فيك وشكرا لأهتمامك

متشكر ربنا يجازيك خير على ردك الوافي
بس خلينا في ال80 دلوقتي مؤقتا اضمن وعشان الضمان برضه مش عايز اكسره
بعد اذنك بس حابب اعرف منك ايه وكدا ديه عشان انا لسه غشييييييم تماما :)

ياباشا ولا يهمك وجزاك الله خيرا اما بالنسبه ل
وكدا ديه يا سيدى هتبقى كالاتى
1: مينفعش تطلع غير على الاول
2:مينفعش مثالا تبقى ماشى على سرعة 20 وتجيب الغيار التالت علشان مكسل
3:مفيش حاجه اسمها انك تفرك وتحاول تشد مع حد لانك هتكون خسران اكيد لانك لو دوست بنزين فجائى مش هتلاقى تسارع هتلاقى صوت تسقيف
4:لازم تخلى نقل غياراتك مظبوطه يعنى مثالا
الاول من 0 الى 20
الثانى من 20 الى 40
الثالث من 40 الى 60
الرابع من 60 الى 80 -90
الخامس من ال 80- 90 الى ما فوووق

وعموما البنزين ال 80 عمره ما هيخلى العربيه تطلع لفووق سرعه 140 مستحيييييل جداااااا وصعب جداااا

مع العلم انك هتجيب ال 140 ديه بعد ساعه مثالا وهتكون دايس على دواسة البنزين للاخر و الماتور سرعته مش هتزيد عن كدا

والبنزين ال 80 مش بيطلع كل القدرة الحصانية لمحركك والدليل على كده

امشى على البنزين ال 80 مثالا مدة شهر
هيشتغل معاك زى الفل وكل حاجه بس المهم تكون سواقتك هادية زى ما قولت بس اهم حاجه متعملش اللى قولتلك عليه فوق

المهم بعد ما تمشى شهر بالبنزين ال 80 جرب كدا تفول تفويلة 92

وامشى بالعربيه

ساعاتها بس هتعرف انك كنت ماشى مثالا
بحوالى 70% من قدرة محركك القصوى

بس لما هتحط ال 92

هتلاقى تسارع العربيه بقى جامد جدااااااااا
ممكن تشد مع اى حد مهما كان

هتلاقى انك لو الطريق يسمح ممكن تجيب سرعات 140 او اعلى كمان ممكن لو عاوز تجيب سرعة ال 200 نفسها
وبسرعه جداااا والسرعه بتجمع معاك بسرعه كدا

وعوما تقدر تقول

البنزين ال 80 معمول علشان الوضع الاقتصادى وعلشان تقضى مشوارك وخلاص
بدون اى شد ولا بتاع

اما ال 92 فده بقى لو عاوز تستمتع شوية بالسواقه وتشد مع اى حد ولا يهمك وكدا

رد: بنزين 80 مع فيرنا 2013 !!؟

نصيحة لو هتحط بنزين 80 ديما تفول والتنك مليان نصفه متسيبش التناك يفضي عشان الرواسب

وممكن تحط معاه سائل تنظيف الرشاشات :Wkiss5::Wkiss5:

رد: بنزين 80 مع فيرنا 2013 !!؟

ايه هو سائل تنظيف الرشاشات ؟ وبكام ؟ ومنين ؟

رد: بنزين 80 مع فيرنا 2013 !!؟

اقتباس:

المشاركة الأصلية كتبت بواسطة sayed2077 (المشاركة 816952)

ياباشا ولا يهمك وجزاك الله خيرا اما بالنسبه ل
وكدا ديه يا سيدى هتبقى كالاتى

كده يبقى ال80 مناسب ليا جدا انا مش بتاع شد ولا جري ومبعديش ال 120
يافندم مش عارف اشكرك ازاي وفيت وكفيت ربنا يجازيك الف خير

رد: بنزين 80 مع فيرنا 2013 !!؟

اقتباس:

المشاركة الأصلية كتبت بواسطة sayed2077 (المشاركة 816619)

بص ياباشا امشى اول 1000 كيلو ب 92

وبعد ال 1000 حط 80 عادى جداااااا
انا اغلب اللى اعرفهم معاهم فيرنا وطول عمرهم ماشيين ب 80
بس اهم حاجه تتماشى مع سواقة ال 80 يعنى متديش غيار قبل وقته وكدا

او ممكن تعمل حاجه اوفر حتى من بنزين ال 80 وهتبقى كانك شغال ببنزين 95 وهى انك تحول غاز بعد ما تعمل 5000 كيلو بيها

والله هتبقى كأنك بتحط بنزين 95 ووالله ما بيهلك المكنه ولا حاجه عندنا التاكسيات معديه ال 250 الف كيلو ومشاين بالغاز ولا حصل فيهم اى حاجه
وشغاليين عادى زى الفل

وممكن تركبه بالتقسيط تدفع حوالى 200 جنية على 3 سنين بدون مقدم
او
تدفع كاش حوالى 6000

واللى يقولك الغاز بيهلك الماتور وكدا صدقنى هو يسمع الكلام ده من ناس بس عمره ما جربه

ده حتى لو بيهلك الماتور

لو انت عملت بالماتور 300 الف
بمتوسط مثالا ان كل 10 كيلو مشى بتاخد لتر بنزين 92

يبقى 300000 / 10 = 30000 الف لتر بنزين
30000 الف لتر بنزين * 1.85 جنية = 55500 الف جنية

يعنى هتكون استهلكت بنزين بحوالى 55 الف جنية

تعالى شوف هتستهلك بكام غاز لنفس المسافه اللى هتمشيا بالبنزين

30000 لتر بنزين * 0.45 قرش = 13500

هتستهلك بحوالى 13 الف جنية بس غاز

تعالى نحسب الفرق

55500 - 13500 =42000 الف جنية

يعنى هتكون وفرت من استخدامك للغاز
42000 الف جنية
اثنان واربعون الف جنية

تخيل انت بقى ب 42 الف جنية دول ممكن تعمل ايه

ده انت ممكن تشترى عربيه تانية اصلا بالفرق ده مش ماتور

بلاش ده انت ممكن تشترى ماتور جديد نوفى بتاع فيرنا من التوكيل نفسه
مش استيراد كمان
وكمان هيتبقى معاك فلوس

طول ما انت بتستخدم الغاز بتسخن الصبح بالبنزين حتى لو هتسخن ببنزين 80
وبعدين تقضى ماشاويرك غاز وقبل ما تيجى تركنها تحولها تانى لبنزين لمده دقيقة وبعد كدا تقفل العربيه

ان شاء الله مفيش اى اضرار وكفاية سواقيين التاكسى بسم الله ماشاء الله معديين ال 250 الف كيلو بالغاز والماتور شغال بسم الله ماشاء الله ولا كان فيه اى حاجه

وربنا يوفقك

أنا ما اعرفش كتير عن الغاز لكن أظن أن لتر البنزين بيدي كيلومتر أعلي من الغاز. يعني لو 30000 لتر بنزين هيدي 300000 كم يبقي 30000 لتر غاز هيدي أقل من 300000 كم و الا ايه؟

رد: بنزين 80 مع فيرنا 2013 !!؟

اقتباس:

المشاركة الأصلية كتبت بواسطة Marlborooo (المشاركة 816976)

السلام عليكم
اخي العزيز رقم الأوكتين لا علاقه له بالنظافه
تقبل تحياتي
والله المستعان

رد: بنزين 80 مع فيرنا 2013 !!؟

اقتباس:

المشاركة الأصلية كتبت بواسطة svneleven (المشاركة 817232)

فعلا البنزين بيدى كيلو متر اعلى بس بنسبه بسيطه
بمعنى ان لتر البنزين مثالا لو هيمشى العربيه 10 كيلو متر

فمتر الغاز هيمشى العربيه 9.5 كياو متر
تعتبر غير محسوسه نهائيا