رد: المياة طعمها اتغير بعد تركيب فلتر مياة
 

بعد تركيب فلتر لازم طعم المياه يتغير طبعا للافضل
والا ما فائده الفلتر

بعد فتره صغيره هتتعود
وهتلاقي ان طعم المياه بدون فلتره غريب
وستجد ان لها رائحه احيانا

لا تقلق :fun_36_3_13[1]:

طبعا وارد ان يكون الفلتر عندك في مشكله, الشمعات مثلا قديمه او تالفه
دي حاجه تانيه.

رد: المياة طعمها اتغير بعد تركيب فلتر مياة
 

انا شارى لوحد صاحبى ونفس الموضوع عندة بردة ولسة جديد والشمع لسة جديد

رد: المياة طعمها اتغير بعد تركيب فلتر مياة
 

اول ماركبته حسيت كده وبالاخص انها مرة شوية لكن ده طبيعى لان املاح بتقل
لكن بعد فترة خلاص
ولو شاكك قوى خلى حد يجى يبصلك عليه ويظبطلك الاملاح شوية ممكن تكون هى دى المشكلة لان ليها نسب محددة
والله الموفق

رد: المياة طعمها اتغير بعد تركيب فلتر مياة
 

طبعا لان المياه نظفت من البلاوى اللى فيها
شوف يااخى الفاضل انا عندى الفلتر السبع مراحل من سنوات
اول ما اشتريته كان طعم المياه مر لدرجه استغربتها وصديق لى كان عنده نفس الفلتر قال لى عادى لازم تحس بمراره المياه شويه وبعد اسبوع
مش هتعرف تشرب ميه الا من الفلتر وهتحس ان هى دى المياه الصح
وفعلا بعد فتره لو شربت اى مياه غريبه مابستطعمها
والمراره دى عندك اظن لان الفلتر عندك شال الكلور من المياه
لكن لا اظن انه شال الملح لان فلتر 3 مراحل مافيه وحده ضبط الملح (الميمبرين) الشمعه دى لوحدها 200 جنيه
الفلتر عندك شوائب وكلور فقط
لكن ملح وميكروبات من اول الفلتر 5 مراحل ابو موتور وخزان

رد: المياة طعمها اتغير بعد تركيب فلتر مياة
 

لما الراجل بتاع الصيانة جه اخر مرة قولت له علي الطعم ده قال ما فيهوش حاجة ده طبيعي و عمل تست بتاع الأملاح و طلع زي الفل. و كمان قلت له غير أي حاجة فيها مشكلة قالي ما فيش أي مشكلة و أعتقد أن مصلحه بالنسبه له انه يغير اي حاجة عشان هياخد فلوس لكن هو قال كده تمام.

رد: المياة طعمها اتغير بعد تركيب فلتر مياة
 

حضرتك فكرتنى بفيلم الكيف لما جميل راتب كان بيبيع للناس نشارة الخشب على إنها شاى عمل شغل تمام وكسب كتيييير، ولما حصلت أزمة فى الخشب فأضطر يبيع للناس شاى مش مغشوش فخسر لأن الناس اتعودت على طعم النشارة .
للأسف اتعودنا على طعم المياه الملوثة
فلا تقلق هوا ده طعم الميه ( انها تكون من غير طعم )

رد: المياة طعمها اتغير بعد تركيب فلتر مياة
 

والله يا جماعة مش عارف اوقولوكم اية متشكر جدا ليكم بجد شكرا ليكم