مصر موتورز مجتمع السيارات - ايه اكبر جنط يركب على الفيرنا من غير مشاكل فى العفشه 15 ولا 16

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

رد: ايه اكبر جنط يركب على الفيرنا من غير مشاكل فى العفشه 15 ولا 16

اقتباس:

المشاركة الأصلية كتبت بواسطة fadymedhat (المشاركة 809976)

ال45-50 ده قطر الكاوتش يعنى المسافة بين الجنط و الارض...
45 معناها البعد 4.5 سم
50 معناها البعد 5 سم..

كلام حضرتك غير دقيق

مقاس الكاوتش بيتكتب كالتالي:
مثلا: 205/50R16

http://heffernantyres.ie/files/5112/.../tyre_help.png http://www.microlsaipan.com/Images/l...nfo-D-Size.jpg http://www.scc-chain.com/images/Tire-sizing.gif http://www.event-tyres.co.uk/images/tyre-data.jpg
http://unides.rambla.be/BSEU/img/img..._graphic02.gif

الـ 205 هي عرض الكاوتش بالمليمتر... يعني 20.5 سم
الـ50 هي نسبة ارتفاع الكاوتش إلى عرضه... بمعنى إن المسافة من أسفل الجنط إلى الأرض = 50% من عرض الكاوتش... وفي حالتنا هنا = 10.25 سم
الـ 16 هي قطر الجنط بالبوصة (إنش) ، البوصة = 2.54 سم يبقى الـ16 بوصة = 40.64 سم

كده يبقى القطر الإجمالي لفردة الكاوتش (الارتفاع الإجمالي) = قطر الجنط + (2 × المسافة من الجنط لحد الأرض)
= 40.64 + (10.25 ×2) = 61.14 سم

أهم حاجة تعملها لما تيجي تغير مقاس كاوتش إنك تحافط على القطر الإجمالي للفردة ثابت... لإن تغييره بيأثر على أداء العربية وهيخلف معاك قراية عداد السرعة وهيغير استهلاك البنزين

http://www.agcoauto.com/content/imag...peed_error.JPG

...

رد: ايه اكبر جنط يركب على الفيرنا من غير مشاكل فى العفشه 15 ولا 16

اقتباس:

المشاركة الأصلية كتبت بواسطة mohamedhendawy (المشاركة 809952)

انا معايا فيرنا اتوماتيك جايه بجنط 14

بفكر اجيب جنوط ليها بعد ما شوفت واحد ماشى قدامى بجنط 16 وقالى كويس ومفيش مشاكل بس انا خوفت انى اسمع كلامه واركب 16 خصوصا انى سالته انت مركبه بقالك قد ايه قالى تلات شهور فا قولت لسه مبانش معاه لسه مشاكل او الفتره مش كافيه

السوال هنا الجنط 16 فعلا يركب من غير مشاكل لو حد هنا جربه يقول ؟

ولو هنا حد جرب وركب 15 يقول برده لانى بفكر اركب حاجه من الاتنين دول

عايز اعلى العربيه كارتفاع عن الارض شويه برده

وهل الكاوتش العالى هو اللى يبوظ العفشه ولا الكاوتش العريض ولا ايه بالظبط

لانى مبفهمش فى مقاسات الكاوتش واعرف ان الكاوتش بيبقى عليه تلات ارقام جنب بعض كده ياريت الافاده فى كل الاسئله ؟ المقاس والعرض والارتفاع ايه الانسب للفيرنا

ممكن حضرتك تقولي مقاس الكاوتش الأصلي اللي راكب في العربية؟؟ عشان أقولك المقاس المناسب

بالنسبة لموضوع بوظان العفشة... أهم حاجة إن الجنط الجديد ما يبقاش وزنه أتقل من القديم... لأن الوزن هو العامل الأساسي في بوظان العفشة

تاني حاجة... عشان تركب جنط أكبر لازم البروفايل بتاع الكاوتش (المسافة من الجنط للأرض) لازم تقل عشان يعوض فرق الارتفاع الزائد
لما تعمل كده أكيد الاتزان بتاع العربية هيزيد ودي حاجة كويسة جدا للأمان... بس في المطبات مش هتستريح... لإنك هتحس بكل زلطة على الطريق

ثالت حاجة... لو الكوتش بقى عريض قوي... ممكن البيضات والاسكاترا في الأمام يتأثروا وعمرهم يقصر شوية، بالذات لإن عندك باور

آخر حاجة... لو عايز تعلي العربية بلاش تعليها بتغيير مقاس الكاوتش... فيه علايات ممكن تتحط في السوست وتعملك اللي انت عايزه من غير ما تكلف نفسك (الواحدة بـ15 جنيه)

فكر شوية وشوف الأولوية بالنسبالك إيه!!!

...

رد: ايه اكبر جنط يركب على الفيرنا من غير مشاكل فى العفشه 15 ولا 16

انا مركب 15/55/195 بصراحة العربية ثابتة قوووى و العفشة تمام بس العفشة بقيت نشفه قوووى لو رمله تحت العجل بحس بيها و دة العيب الوحيد

رد: ايه اكبر جنط يركب على الفيرنا من غير مشاكل فى العفشه 15 ولا 16

اقتباس:

المشاركة الأصلية كتبت بواسطة michaelmic (المشاركة 811617)

انا مركب المقاس ده بردو بس مش ناشفه اوى يعنى انشف من الاول امال لو ركبت 195/50/15 حتقول ايه ولو كان كومهو كمان اتشقلب بقه فى العربيه مع مطباط الهوه:joy23:

رد: ايه اكبر جنط يركب على الفيرنا من غير مشاكل فى العفشه 15 ولا 16

نصيحه من مجرب اعلي العربيه من ورا بكوتش 3 ذونبه ده بتتحط اعلي المساعد من فوق اي تغير ف الجنوط بيبرجل العربيه وعفشتها وثبات العربيه عل جنوط 13 ممتاز جدا ولو العفشه سليمة تبقي تمام وجري لحد 180 وقولي ايه رئيك :fun_10_9_206[1]:

رد: ايه اكبر جنط يركب على الفيرنا من غير مشاكل فى العفشه 15 ولا 16

اقتباس:

المشاركة الأصلية كتبت بواسطة الماجئ (المشاركة 834871)

الجنوط ال13 جميله بس سبات على منحنيات انسى من واحد مجربه لعده اسباب
1- الكاوتش مبيكونش سرعات والماده المصنع بها غير مخصصه للظروف السرعات والمنحنيات
2- ال13 ده استاندرد وبره بتنزل 14 -60-185
3-الرجه موجوده بالكاوتش ال13 مش شرط تجنط علشان تبان معاك لكن بعد الترصيص موتوسيكل بتروح الحمد لله اما فكرت الجنوط بتبين الرجه ده علشان ال15-195-50 بيبين التعوجات والنتوءات الموجوده بالترصيف الجميل بتاعنى
لكن 15 انسى انك تحس بالسرعه 160-180-200
وده كلو بيعتمد على تجربه كل واحد علشان كلنى عرفين غبور العزيز مبتطلعش عربيه من عندو الا وفيها كتكوت

رد: ايه اكبر جنط يركب على الفيرنا من غير مشاكل فى العفشه 15 ولا 16

بصراحه انا احترت من الكلام انا عايز اجنط اخليني ف14/60/185 ولا15/50/195 انا خايف بس ليكون ال15 هيضر العفشه ارجو النصيحه