رد: اقوال ابو الفتوح ف حق الرئيس مرسى
 

ماحدش يقدر يبقى ديكتاتور. لا مرسى ولا غيره. :014FDA~117:
ويوم ما هيحب يعيش الدور هنطلع التحرير ومش هنرجع إلا وهو فى طره.
عمره ماهيكون أصعب من مبارك اللى اتخلع فى كام يوم :00db9337ef155724e76
بس نسيبه ياخد فرصته لحد مايثبت نفسه أو نختار حد غيره فى انتخابات الرئاسه اللى جاية.
وبعدين إقالة النائب العام دى كانت مطلب من مطالب الثورة وأحسن حاجه عملها بعد إقالة المشير.

رد: اقوال ابو الفتوح ف حق الرئيس مرسى
 

مرسى او غيره اهم حاجع يبقى راعى ومسئول عن رعيته ويهتم بينا احنا الاول بعد كده ندور على غزه

رد: اقوال ابو الفتوح ف حق الرئيس مرسى
 

أتفق معك فى الجزء الأول من كلامك وأختلف معك بشده فى الجزء الثانى وكنت أرجو أن لا يصدر هذا الكلام من أى أحد.
غزة جزء من الأمة الإسلامية والعربية قبل أن تكون جزء من فلسطين وواجبنا الدفاع عنها وعن سوريا والأحواز المحتلة والشيشان وبورما وكل أراضى المسلمين.
طبعاً حضرتك هتقولى بس ظروفنا واقتصادنا ومشاكلنا.
طيب تخيل معى أن إسرائيل إحتلت سيناء أو أى جزء من مصر وفعلت في أهله مثل ماتفعله فى غزة وجاءت الدول العربية وقالت مثل ماقلت حضرتك "وهم أيضاً عندهم مشاكلهم الداخلية" . تخيل ماذا سوف يكون رد فعلك.
ثانياً: غزة تعتبر يد لنا ضد إسرائيل.
بمعنى أننا لو سلحنا غزة بأسلحة حديثة "فقط مضادات طائرات وصواريخ ومضادات دبابات" وبالإمدادات اللوجيستية فإنها ستصبح مصدر قلق لإسرائيل وسيخف الضغط على مصر وستكون ورقة رابحة لنا فى المفاوضات ولعبة السياسة الدولية.
وستكون حقل إختبار مصرى لتجهيزات إسرائيل العسكرية.
مثلاً : إسرائيل أنتجت نوع دبابات لايؤثر فيه الأر بى جى فمصر ستقوم بإنتاج مضاد للدبابات الحديثة ولكن كيف سنعرف أنه مؤثر ؟!!! إلا إذا تمت تجربته.
وطبعاً قس على ذلك القوة الصاروخية ومضادات الطائرات وغيرها.
ببساطه: كيف عرفنا ونحن فى مصر أن القبة الحديدية بتاع إسرائيل طلعت مخرومه زى إيد إكرامى؟!!! طبعاً عرفنا بعد أن صدت القبة 400 صاروخ وعدى منها 600 وشوية وأجهزة مخابراتنا والمحللين العسكريين المصريين بالتأكيد عرفوا نقاط الضعف وبالتالى هنطور صواريخنا فى مصر أكتر ولو قامت حرب بينا وبين إسرائيل هنكون جاهزين وعارفين نقط ضعفهم وهنضربهم فيها.
يعنى من الأخر غزة بتحارب بالنيابه عننا. يعنى إحنا محتاجينهم زى ماهم محتاجينا.

رد: اقوال ابو الفتوح ف حق الرئيس مرسى
 

اخى الكريم انا اختلف معك تماما ف وجهه نظرك
اعذرنى انا هاتكلم معاك بالبلدى زى ما بيقولوا
ينفع دكتور يعمل عمليتتين لشخصين مختلفين ف نفس الوقت ؟ طبعا لاء
بيعمل عمليه ويخلصها بعد كده عمليه تانيه علشان الاتنين بمشيئه الله ينجحوا
انما لو كان الدكتور ده بيسيب غرفه العمليات رقم 1 ويروح لغرفه لرقم 2 وهوا شغال ف العمليه رقم 1 يبقى العملييتين هايفشلوا وهايبقى تصنيف الدكتور ان هوا غير مسئول عن الارواح التى بين يديه
وبعدين ياباشا غزه مش حقل تجارب نمدها باسلحتنا المطوره ونشوف مدى تاثيرها على الاسلحه الاسرائيليه هتسبب خساير ولا لاء
اعذرنى يا اخى انا لا اتفق معك تماما

رد: اقوال ابو الفتوح ف حق الرئيس مرسى
 

ياباشمهندس فيه حاجه يمكن أنا معرفتش أوصلها لحضرتك وهى:
إن مصر وغزة مش دولتين. إحنا بلد واحده.
التقسيم والتفرق مش من مصلحتنا.
لما مصر وقفت جنب غزة موقفها الدولى بقى فى العالى ورجعلنا دورنا فى المنطقه.
وإسرائيل وافقت على شروط التهدئة غصب عنها وبشروطنا.
مش من مصلحتنا إننا نتفرق عن غزة أو عن أى دولة عربية لإننا واحد ومصالحنا واحدة وعدونا واحد.
أما مشاكلنا الداخلية فمعظمها مفتعلة من الفلول والمخربين الذين لايريدون تقدم مصر.

رد: اقوال ابو الفتوح ف حق الرئيس مرسى
 

عمتا ربنا يعمل اللى فيه الخير للجميع
وعايز اقول لحضرتك انى سعيد بدردشتنا مع بعض
اتمنى لك دوام الصحه والعافيه


تقبل تحياتى

رد: اقوال ابو الفتوح ف حق الرئيس مرسى
 

إن شاء الله ستكون مصر فى خير.
وأنا سعيد أكثر بالحوار مع حضرتك وبأسلوبك الراقى.
ربنا يوفقك ويوفق الجميع بإذن الله.

:Wkiss5::Wkiss5::Wkiss5: