|
رد: انا نازلة السوق الجمعة الجاية تشوروا عليا ب أية ؟
الاخت الفاضله:اولا اوعى تشترى عربيه فيها توكيلات لان اكتر التوكيلات مضروبه ثانيا ماتخديش معاكى مبلغ كبير للسوق ثالثالو عاجبتك عربيه واشترتيها ادفعى عربون بسيط لحين الكشف على السياره فى المرور مع اخذ صورة بطاقة البائع واتاكدى انها بطاقته وصوره من رخصة السياره واتاكدى ان رقم الموتور والشاسيه هما اللى فى الرخصه عند دفع باقى المبلغ اتاكدى من عنوان صاحب السياره ومتدفعيش فلوس فى الشارع ولازم تخاى2000جنيه لحد مايجيبلك شهادة المخالفات ولو الرخصه منتهيه اومعاه تصريح لازم يجيب شهادة بيانات للشهر العقارى وشهادة بيانات للمرور اللى انتى تابعه له لو هاتنقلى ملكيه واهم حاجه تكونى واثقه فى الناس اللى رايحين معااااااكى علشان ماحدش يقبض من صاحب العرييه ويقولك تمام وهى معيوبه وربنا يوفقك للى فيه الخيرSLAM
|
رد: انا نازلة السوق الجمعة الجاية تشوروا عليا ب أية ؟
اقتباس:
|
رد: انا نازلة السوق الجمعة الجاية تشوروا عليا ب أية ؟
اقتباس:
تانيا تفحصي السياره وورقها بكل دقه تالتا تصلي استخاره وتتوكلي على الله رابعا نصيحه لوجه الله ابعدي عن الصيني 65 الف يجيبولك اوبترا بس تزودي شويه او صني 2009 مثلا اوالانترا الشكل قبل الاخير وممكن يجيبو فيرنا اتوماتك 2010 اوشفروليه لانوس او افيو2010 وممكن ب 50 الف تجيبي حجات ممتازه زي نوبيرا 2006 فبريقه برا وجوه ماشيه اقل من 100 الف كيلو حددي الفئه واختاري |
رد: انا نازلة السوق الجمعة الجاية تشوروا عليا ب أية ؟
السلام عليكم
انا معايا عربيه بروتون بيرسونا مانيوال فابريقه بره و جوه و استعمال ما فوق البيتي و هي عربيتي من الزيرو و عارضها للبيع نهائي 65000 لو فكرتي فيها ده اعلانها و شكراُ http://www.contactcars.com/usedcars_...?CarID=1013779 |
رد: انا نازلة السوق الجمعة الجاية تشوروا عليا ب أية ؟
ابعدى عن البروتين خالص
ولو كان فيها الخير مكانش رماها الشاب محمد وادخلى على مشاكل البروتين من اول الجين تو حتى قطع الغيار واستهلاك البنزين المرتفع وقطع الغيار الغير موجودة لا برة ولا جوة التوكيل اللللللللللللللخ الخ ومستنى عم محمد يدافع عن عربيته اللى عارضها للبيع ويقول دة هايله ومتوفر كل قطع غيارة وهنقلوا خلاص بلاش تبعها وخليهالك هيقول لظروف :dzy: وطبعا هنحاول نصدقه ونستنى سنتين او تلاته على ما تتباع مع انه ممكن يقول انا بعتها امبارح وملكمش نصيب طيب يا ريت متكنش من نصيب حد فى مصر موتورز :sd: |
رد: انا نازلة السوق الجمعة الجاية تشوروا عليا ب أية ؟
انصحك نصيحه لوجه الله بلاش تشتري مستعمل خالص وخاصه في بلدنا ديه الغش فيه كتير جدا وحضرتك من الواضح انك ابيض خالص في موضوع العربيات فهيبقي غشك سهل جدا وحتي لو خدي معاكي حد ممكن تشتري بالمبلغ اللي مع حضرتك فيرنا او رينو سانديرو والاتنين كويسين جدا بس هتذودي حاجه بسيطه عن المبلغ اللي مع حضرتك بس هتبقي زيرو ومش هتتعب حضرتك عند الميكانيكيه وللزيرو متعه خاصه لايعرفها الا من جربها وبالتوفيق ان شاء الله
|
رد: انا نازلة السوق الجمعة الجاية تشوروا عليا ب أية ؟
الأخت أم يزيد
السلام عليكم نصيحتى لحضرتك لو بتعرفى تسوقى كويس اشترى جديد افضل وحاولى تكملى على المبلغ المتوفر وهاتى حاجة تكون زيرو معظم ( بقول معظم) العربيات المستعملة حاجة من اتنين اما انها مع تاجر ودى بيطلب فيها سعر عالى خصوصا لو عامل شغل فى العربية وطبعا السوق مليان من عينة التجار دول او انها مع واحد مهمل وبيبع علشان قرف من العربية ودى بتحتاج مصاريف كتيرة وشغل عند الصنيعية و حضرتك فى غنى عن الوقت اللى هيضيع فى توضيب السيارة الفئة الأخيرة ودى بتكون عربيات مستعملة بحالة جيدة جدا لكن صاحبها بيبيع لحاجة المال يعنى مزنوق فى الفلوس ودى نسبة ضئيلة جدا من اللى بيتباع فنصيحة اشترى جديد حتى لو هتقسطى المبلغ المتقى من السيارة |
| الساعة الآن 06:39 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017