|
رد: سؤال عن الليبرتى 2003 .....
اقتباس:
اقتباس:
|
رد: سؤال عن الليبرتى 2003 .....
هقول على شوية تفاصيل بسيطة عن طبيعت استخدامى للعربيات
مهندس مدنى سفره كتير معايا اوبترا حبيبتى كرهتنى فى الكورى كله استخدامى قوى شوية عايز عربية تكون على الاقل 1600 اكيد قطع غيارها متوفرة وبلاش بومة لان كل الناس بتحاول تقنعنى بيها بس حاسس انها مش تفرق عن الاوبترا حاجة... اى حد يقدر يفدنى باختيار اكون شاكر جدا ليه مستنى الردود:wave2W21: |
رد: سؤال عن الليبرتى 2003 .....
اسمحلى ادردش مع حضرتك شوية .. انا حفكر معاك بصوت عالى
حضرتك قطعت نصف المسافة بتحديدك لاحتياجاتك من العربية و اهم حاجة .... رينج السعر اولا حضرتك مش محتاج عربية خبط و رزع حضرتك محتاج عربية جامدة ... و ياريت تكون عربية عالية عن الارض و لو حضرتك بتستخدمها انت و العائلة فلازم تكون فيها وسائل راحة .... كل الكلام ده فى حدود 120 الف جنيه و ياريت اقل الجراند شيروكى عربية جميلة ... ناعمة .. و فيها اوبشنز عالية بتاكل بنزين شوية ... و قطع غيارها قريبة من قطع غيار الليبرتى الفيتارا و الجراند فيتارا ..... عربيات كويسة فعلا .. استهلاك معقول جدا للبنزين الباجيرو القديمة شوية ... برضو عربية شكلهاحلو و بتاعة شقا بعض الناس بتشكر فى التيجو ... بس انا ما اعرفش عنها حاجة بالنسبة للعربيات السيدان اللانسر حتلاقيها افضل من الاوبترا شوية .... بس برضوا عربية سيدان و مش حتستحمل معاك الافضل شوية .... الكورولا الشكل القديم الافضل من الاتنين .... المرسيدس القديمة موديل 82 و المعدل و التمساحة البى ام الدبانة كويسة جدا ... بس عيبها واطية على الارض انا عارف ان كدة حيرتك اكتر .... معلش ... موضوع اختيار العربية بياخد شوية وقت :sycho26: |
رد: سؤال عن الليبرتى 2003 .....
اقتباس:
بالنسبة للجراند انا بخاف منها شوية معرفش ليه يمكن سعرها او هى نفسها عندى رهبة ليها الفيتارا شفتها واقفة عند صنايعية متعبة برضو شوية بالزات فى وجود قطع الغيار لان المنصورة يابانى وكورى بس تقريبا ومعاها شوية اوكتافيا فقطع الغيار هى اللى ضعيفة فى العربيات التانية اكيد مهما كانات التيجو حلوة مش هتستحملنى لانها صينى مش هتقدر على سفرى الكتير واضافة برضو التريوس مش واثق فى ثباتها خالص وخصوصا فى السرعات المرسيدس والبى ام دابليو طبعا عربيات حلوة بس دول قدام اوى وحتى الباجيرو عمرها كبير فاعطالها اكيد هتبقى هتكون كتير مع بهدلة قطع الغيار يبقى اكيد مش هتناسبنى التويوتا دى عشق وبعشق عفشتها جدا بعتبرها سحر لكن اللى ممكن اجيبها هتكون 1300 مش هتنفع برضو و 1600 هتكون غلية وحاسس انها كتير عليها لانها بتلعب فى رينج 110 وانت طالع كمان ... انا تعبت استحملونى ويارب تساعدونى وتقبل ردى يا مهندس احمد ومستنى تكملة الدردشة :hd::hd: |
رد: سؤال عن الليبرتى 2003 .....
مفيش تعب و لا حاجة .....
الدردشة دى جزء من البحث الى بتقوم بيه لاختيار افضل عربية مناسبة لاحتياجك ان شاء الله اختلف معاك فى موضوع المرسيدس القديم ..... الى نصحنى بيها ميكانيكى انا اثق فى رايه ... اكدلى ان العربيات دى ممكن تأدى زى عربيات الدفع الرباعى :thnkr: الكورولا الشكل القديم فعلا ماسكة سعر بشكل غريييييييب انا حقترح على حضرتك بعض العربيات بس دى شريحة تانية .... و لا اعتقد ان حضرتك حتلاقى قطع غيار ليها فى المنصورة الجى ام سى بليزر اس 10 .... الى هى عربية القوات الجوية ... و الشكل الى بعدها .. موديلات اواخر التسعينات ... عربية كويسة جدا ... نعومة .. و قوة ... و اوبشنز كمان الجى ام سى ... يوكن ... بداية من موديلات 94 و انت طالع ... قوة و راحة و اداء ... و كل الى انت عاوزه ... قطع غيارها موجودة فى القاهرة و مش غالية اوى ... و لكن .... 8 سلندر الفورد اكسبلورر ... الى ركب العربية دى شكر فيها جدا و فى قطع غيارها .... للأسف انا معنديش معلومات كتيرة عنها .... 8 سلندر و سعرها حوالين ال 100 الف اليابانى .... اللاند كروزر ... موديلات اواخر التمنينات 4 سلندر ديزل .... عربية شغل ممتازة ... بس كانك راكب ميكروباص تويوتا ... سعرها من 60 الف و انت طالع .. حسب الحالة الاند كروزر البرادو ... معرفش عنها معلومات كتيرة ... غير انها لاند كروزر اللاند كروزر الفوكس ... عربية السفارى فى الغردقة و الواحات ... عربية اثبتت كفائتها فى كل حته ... عربية شغل من الطراز الاول ... عيبها انها مش بتاعة عائلة على الاطلاق ... مفيش اوبشنز 6 سلندر ديزل ... سعرها من 120 لاف و انت طالع الاند كروزر فى اكس .... التمانين سيرز .. و الـ 100 سيرز ... عربية تجمع الى ذكرته فوق .. و كونها تنفع عائلة و كونها بتاعو رزع ... 6 و 8 سلندر ... بنزين و ديزل ... المشكلة ان سعرها يبدا من 150 الف و انت طالع العربيات الى ذكرتها لحضرتك شريحة تانية غير العربيات الى ذكرتها لحضرتك امبارح الشريحة دى ... العربيات حجمها اكبر ... بتستحمل اكتر ... سعرها اغلى ... نعومة و رفاهية اقل ربنا يوفقك و يعينك على الاختيار ... انا عارف انه اختيار صعب حبتين :10FEE3~1106: |
رد: سؤال عن الليبرتى 2003 .....
اقتباس:
|
رد: سؤال عن الليبرتى 2003 .....
لا تعب و لا حاجة ... ان شاء الله ربنا حيوفقك للى فيه الخير
انا تحت امرك فى اى وقت :01FDAB~189: |
| الساعة الآن 01:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017