رد: قصة حصلت بالفعل بخصوص سرقة السيارات
 

سبحان الله لو سمعنا الموضوع دة من عشر سنين هقول علطول ده فيلم عربى وبايخ
انما اللى حصل معاك فوق الخيال يعنى فى امريكا لو اتصلت على 911 وقفلت تلاقى على طول متصلين بيك ده ان ما بعتوش حد مخصوص علشان يشوف الموضوع
واحنا ما شاء الله العدد فى اللمون يعنى امن مركزى وداخليه وامن وطنى ومرور انا عارف بياخدوا مرتبات على ايه
بس معلش ياباشا دول متربيين على ايام مبارك يعنى قاعدين على القله بس علشان يتنططوا على خلق الله وياخدوا الهبر اخر الشهر ولا فيه تدريب ولا اجهزة تناسب العصر ولا دياولوا .
بس المشكله تحس ان الضابط بيشتغلك يعنى يقولك لما يتصل بيك الحرامى قولى ولما تقوله يقعد محلك سر والله لازم يتعمل جهاز فى الشرطه زى امريكا اسمه الشئون الداخليه يكون مسئول عن مراقبه عمل الشرطه ومعرفه تجاوزاتهم واى واحد ما يؤديش عمله تمام يتسرح تسريح غير مشرف ويتحرم من جزء او كل مستحقاته
وعموما حمدا لله على سلامه العربيه وقضا اخف من قضا:fun_36_1_39[1]:

رد: قصة حصلت بالفعل بخصوص سرقة السيارات
 

مش عارف ليه لما تحصل مصيبه على طول يجيبوا سيره السلفيين والمنقبات هما عملوا ليكم ايه بالضبط ما هما سايبنكم فى حالكم سيبوهم بقى فى حالهم.
وبعدين تفتكر المنطقه اللى راحها الاستاذ فيها واحد بدقن ولا واحده منقبه اشك فى هذا الف فى الميه, يعنى لما واحد بدقن خفيفه يسرق او يزنى نقول ادى ياعم السلفيين وادى التدين الظاهرى واول مايشوف واحد متدين بجلباب اوبدقن او واحده منقبه يحكم عشوائى انهم متدينين تدين ظاهرى طيب ليه لما بيمسكوا واحد بيقتل او بيزنى ما بنقولش هاتولنا الليبراليين وبتوع الحريه ولا حقوق الانسان والفنانين وعمرو حمزاوى ونقطع فيهم ولا دول فوق مستوى الشبهات .
ياريت نكون منطقيين لاننا هنتحاسب على كل كلمه بنقولها او بنكتبها .
معلش بس كلام حضرتك ضايقنى

رد: قصة حصلت بالفعل بخصوص سرقة السيارات
 

هوه صراحه مقالش بس فيه ناس بتسيب بيانتها فى العربية الايام دي عشان المواضيع دي والله اعلم يعنى فيه 100 طريقة يوصل للرقم

رد: قصة حصلت بالفعل بخصوص سرقة السيارات
 

رد: قصة حصلت بالفعل بخصوص سرقة السيارات
 

حسبنا اللة ونعم الوكيل انا حاسس بيك وربنا يعوض عليك ولكن ارجو منك نشرها على موقع وزارة الداخلية الناس دى لو مش عاوزة تشتغل تغور فى داهية امال بيلهفو مرتباتهم على اية المفروض ان وزارة الداخلية تعمل مواعيد بكل حادث مثلا لو سرقة عربية بعد3ايام يكون فية رد اكيد على الحادث لو حادث خطف انثى بعد ساعة واحدة تكون فية رد وهكذا دة احسن من اعمل محضر ويحول للنيابة والنيابة تسأل وتتدلع وتتنطط ورئيس المباحث يعمل سبع رجالة واصحاب المشاكل ايديهم وقلوبهم فى النار انشرقصتك دة بالاسماء على موقع وزارة الداخلية وموقع رئيس الجمهورية كشكوى لسيادتة وشوف اية اللى هيحصل

رد: قصة حصلت بالفعل بخصوص سرقة السيارات
 

حسبنا اللة ونعم الوكيل .,. قضاء اخف من قضاء ...

رد: قصة حصلت بالفعل بخصوص سرقة السيارات
 

الشرطه هتعمل ايه ولا ايه يا اخوانا يعني مشغلين عربياتهم تجيب الخضار للهانم
وتودي البيه الصغير الدرس

الحقيقة انت غلطان كان فاضل تعمل تاخد حساب الحرامي ع الفيس او لو مش عنده تقوله على التكنولوجيا دي و تخليه مع الحراميه اصحابه يعملوا جروب بالعربيات المسروقة


البلد دي رايحه فين؟؟