مصر موتورز مجتمع السيارات - تقرير صيانة 20 ألف ومهزلة جديدة بالقطامية

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - تقرير صيانة 20 ألف ومهزلة جديدة بالقطامية (https://www.masrmotors.com/vb/showthread.php?t=102253)

hanyyyyyy

11-11-2012 02:50 PM

رد: تقرير صيانة 20 ألف ومهزلة جديدة بالقطامية

خلى بالك ان العربية دى سهل جدا التعامل بيها مع الميكانيكيه لأنها مش معقدة ولا حاجة وطبعا هتجبلها حاجات التويوتا او اللانسر (كلا فى مكانه) يعنى الموضوع مفيش اسهل من كده لأنى فعلا اول ما جبتها قولت لنفسى همشى مع التوكيل علشان احافظ عليها لكن للاسف ملقتش التوكيل فاهم بالقدر الكافى اللى يجذبنى للتعامل معاه بالاضافة الى المعاملة السيئة من الفنيين يعنى الراجل اللى سياتك بتتكلم عنه بتاع الطنابير والتيل ده انا لو فى مكانه هاروح اجيبت تيل بـ 65ج واخرط الطنابير خرطه تمام بـ 25ج والميكانيكى 20ج بالكتير وركب ياسيدى والمرة اللى بعديها ابقى اجيب طنابير التويوتا حوالى 250ج الى 300ج وفى انواع اقل على فكرة بس كلا على حسب ظروفه ... واتحلت ياسيدى !!! :GROWIN~12:

الاستاذ/ علاء

11-11-2012 07:24 PM

رد: تقرير صيانة 20 ألف ومهزلة جديدة بالقطامية

مفيش فايدة ........

lonedoctor

11-11-2012 08:55 PM

رد: تقرير صيانة 20 ألف ومهزلة جديدة بالقطامية

اصلا موضوع الصيانة فى التوكيل بالنسبة للسيارات الشعبية واللى محفوظة للميكانيكية وقطع غيارها بملاليم مشروع فاشل تماما ولو عارف ميكانيكى محترم جنب بيتك احسن الف مرة لكن لو معاك بى ام ولا مرسيدس ولا ميباخ يبقى خليك فى التوكيل وربنا يعينك وبعدين وقتك اهم بكتير يعنى تضيع 6 ساعات علشان موضوع بسيط حرام والله

peter magdy

12-11-2012 12:19 AM

رد: تقرير صيانة 20 ألف ومهزلة جديدة بالقطامية

انا كنت انهاردة بعمل صيانة الالف فى القطامية
مع انى ساكن فى الزاوية و بينى و بين خدمة الشرابة مسافة لا تتعدى 700متر
بس رحتلهم مرة و انا عامل 530 كم علشان بحتاج الشنطة كتير و كانت بتترزع بالعافية و النور اللى ضارف فى وش اللى قدامى و تقل رهيب علشان اجيب الاول غير العضة
لاقيت مشاكل الدنيا و شوية عيال هما اللى شغالين و عرفو يعملو الشنطة ولا عرفو يظبطو الكشاف و حلو ربع مشكلة العضة
فرحت القطامية بس للاسف مش شاطرين قوى و برضو بفس المشكلة بتاعة كل الاعضاء العربية شايفها اكتر من نص ساعة و محدش قربلها و نزلت كلمت المستقبل و اتارى العربية خلصت و طلعت الفاتروة ولا حد اتكلم غير بالصوت العالى بس للامانة الكشاف ظبطوة و الشنطة نص نص
لكن العضة للاسف برضو موجودة و التقل قل بس موجود برضو
و سألت على كشاف الفوج الامامى اللى فى الاكصدام كنت عايز اركبة
التوكيل المحترم قالى ب 386 جنية

طارق عبد السلام

12-11-2012 04:53 AM

رد: تقرير صيانة 20 ألف ومهزلة جديدة بالقطامية

مركز خدمه خارجى محترم يكون شغال فى ماركه عربيتك احسن واوفر من شغل مراكز خدمه التوكيلات الغير محترمين بالمره
يعنى اللى شغالين فىمراكز الخدمه مين شويه صنايعيه كانوا شغالين بره فى ورش بردوا تحت اشراف كم مهندس ضاربين كم بدله منشيه وعليها الشعار بتاع عربيتك والله العظيم هو ده الفرق عندنا فى مصر كل شىء بالفهلوه حتى التوكيلات
توكل على الله حضرتك واعمل شغلك بره ولاتعطل نفسك معاهم بس قبل ماتعمل كده اعمل شكوى الاول فى جهاز حمايه المستهلك يكون تسجيل حاله على المركز وغيرك وغيرك لما يعملوا كده ان شاء الله يدينا ويديك العمر والصحه ونشوف تحرك لجهاز قهر المستهلك

ehabpopo

12-11-2012 08:56 AM

رد: تقرير صيانة 20 ألف ومهزلة جديدة بالقطامية

اقتباس:

المشاركة الأصلية كتبت بواسطة tarek/ (المشاركة 795294)

كلام الاستاذ طارق سليم ... سيبك من التوكيل ... بس لازم تعمل شكوى ... وابقى طمنا عملت اية بالظبط

ehabpopo

12-11-2012 04:21 PM

رد: تقرير صيانة 20 ألف ومهزلة جديدة بالقطامية

اقتباس:

المشاركة الأصلية كتبت بواسطة peter magdy (المشاركة 795183)

و سألت على كشاف الفوج الامامى اللى فى الاكصدام كنت عايز اركبة
التوكيل المحترم قالى ب 386 جنية

كان تمنهم 140 جم فقط ... معقولة السعر دة ولا انت غلطان ... ؟؟؟؟؟؟

الساعة الآن 02:55 PM.

صفحة 2 من 3

عرض 7 مشاركات من هذا الموضوع لكل صفحة