مصر موتورز مجتمع السيارات - ال 128 بتاكل بنزين جامد

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - ال 128 بتاكل بنزين جامد (https://www.masrmotors.com/vb/showthread.php?t=102091)

رد: ال 128 بتاكل بنزين جامد

الاكس والباب ( عقيم ) - المقترح الكاربيراتير السبب
افحص البكات اولا ( هى المرشح التالى لسبب للمشكلة )
ركب بوجيه متوافق مع الموديل نفسه
سيحدث تحسن بنسبه تزيد عن 50 فى استهلاك البنزين

رد: ال 128 بتاكل بنزين جامد

هتضبط كربراتير عند معتز المصرى بتاع دار السلام (عالم الكربراتير)
ده أستاااااذ بجد, رشحهولنا الأستاذ سيد عصام مشرف قسم الفيات و جربته بنفسى فى اللادا بعد ماروحت شبرا لـ 2 و طلعو نصابين
لو مكنتك مش خفيفة مش هتمشى من عنده غير لما تعرق من الشاكمان و هينضفلك البوجيهات عالفرشة و يضبطلك الكهربا (الإسبراتير)

اقتباس:

كربراتير
======
بيانات البشمهندس معتز المصرى
تليفون:01222648701
العنوان :12ش زهير العتال من مصر حلوان الزراعى بجوار الشبراويشى وامام كشرى كهرمان - دار السلام
من الكورنيش, هتدخل فى الشارع إللى بين المحكمة الدستورية و مستشفى القوات المسلحة (إللى كانوا بيهدوا فيه العمارات المخالفه) و آخر الشارع هتدخل شمال فى الشارع الزراعى لحد متلاقى ألبان رزة على شمالك, تدخل الشارع اللى قدامه (يمين هتلاقى الورشة (عالم الكربراتير)

لو لسه بتاكل بنزين و عاوز محترف تاكيهات يبقى حماصة اللى فى فم الخليج, أشطر واحد فى القاهرة الكبرى فى ضبط التاكيهات

اقتباس:

تظبط تاكيهات عند واحد اسمه محمد حماصه الراجل ده فى فم الخليج قبل الكوبرى اللى بيودى للمدبح ومنطقة المدابخ هو حضرتك قبل ما تطلع الكوبرى هتلاقى صف عربيات فاتحه الكبوت بتاعهم ده مش بيظبط غير تاكيهات بس فعلا اسطورة فى ظبط التاكيهات اخر مره ظبطها عنده كان ب 40 جنية بس فعلا ممتاز جدااا
فى ميدان فم الخليج عند نزلة كوبرى طريق مجرى العيون اللى فوق مترو الأنفاق.

و ياريت تغير فلاتر الهوا و البنزين و طقم البوجيهات أو عالأقل تنضفهم

أعانك الله

رد: ال 128 بتاكل بنزين جامد

انا شرح لكم مشكلتى فى الرسالة السابقة وزودت على كدا انى زبطت التاكيهات و غيرت البيك بواحد مقاس 100 بدل 112
و لسه برضه بتاكل بنزين اعمل ايه تانى يا ريت حد يجاوبنى

رد: ال 128 بتاكل بنزين جامد

متاكد ان مفيش تسريب من الخراطيم ولا التانك ولا الطلمبة ؟؟

رد: ال 128 بتاكل بنزين جامد

اقتباس:

و غيرت البيك بواحد مقاس 100 بدل 112
و لسه برضه بتاكل بنزين اعمل ايه تانى يا ريت حد يجاوبنى

مين اللى قال لحضرتك إن البك الأضيق هيقلل الإستهلاك, ده فتى صنايعية بدون علم
الخواجه اللى عمل الكربراتير حاطط بيكات بمقاسات تتناسب مع معادلات السحب و الإستهلاك, و أكيد الراجل جرب كل المقاسات للوصول لأفضل أستهلاك قبل ما ينتج الكربراتير
اللى بيحصل اننا بنضيق البك - علشان البنزين الداخل يكون أقل, تقوم المكنه تبرجل و تفصل, تروح فاتح مسمار الهوا و البنزين زياده علشان تضبطها, تلاقيها بقت بتاكل بنزين أكتر.
حاول تشوف البكات الأصلية عندك ايه و تجيب نفس المقاس و تركبه, و لو الأكس و الباب مضبوطين يبقى انسى الكربراتير, و بإذن الله المشكله تكون اتحلت.