رد: أشتري بريليانس 1600 و لا 2000
 

انا فى رأى بلاش لا 1600 ولا 2000
انا شايف انك لو هتقدر تدفع 110000 فى عربيه صينى انت ممكن تدفعهم فى اى عربيه احسن منها ومتكونش صينى
انت تقدر تجيب لانسر البومه 1600
تجيب نيسان صنى
هيونداى الانترا (ولو انى مبحبذش الفكره دى)
ممكن تجيب كيا سيراتو
فيات لينيا او برافو او جرند بونتو
فولكس كروس فوكس(العربيه دى تحفه تحفتين تلات تحف فى بعض)ركبتها مع واحد صاحبى جامده جداااااااااااااا
سوزوكى سويفت الجديده ركبتها فى المعرض حلوه(بس هندى)
ممكن تجيب سوبارو امبريزا(العربيه دى ريس)طلقه وكفايه انها 4WD
ممكن تجيب رينو ميجان
دياهاتسو ماتيرا (عربيه الحانوتى)
بروتون واجا(حلوه بجد)
وفى الاخر هتلاقى ان اغلى عربيه فى دول ب125000
وعربيات كلها محترمه نصيحه من اخوك بلاش تهتم بحوار الشكل الكماليات على حساب حاجات كتيييييييير اهم
شوف بقى كمان ممكن اختيارات ايه تتفتحلك لو هنبتدى نتكلم فى انك تجيب ال2000 ويا سلام بقى لو بتفكر فى الفول اوبشن هتلاقى عربيات عربيات يعنى مش تقولى عربيه صينى يا راجل سيبك من الكلام ده

رد: أشتري بريليانس 1600 و لا 2000
 

بصراحه الاستاذ POP EL GAMED اوجز فانجز هو دا الرائ من الاخر صحيح انا عندى عربيه صينى بس سعرها مجاش ربع اللى حضرتك بتتكلم فيهم فيعنى الخساره ( ان وجدت ) مش كبيره قوى لكن 110000 او 150000 مبلغ كبير قوى على الصينى و بتمنه تركب يابانى كورى المانى امريكى اوروبى لكن صينى و كمان اللى فى مصر حرام .

رد: أشتري بريليانس 1600 و لا 2000
 

أنصحك تشوف الموضوع ده قبل ما تجيب عربية صينى

http://www.masrmotors.com/vb/showthread.php?t=1964

رد: أشتري بريليانس 1600 و لا 2000
 

نصيحه ابعد عن الصيني

رد: أشتري بريليانس 1600 و لا 2000
 

كلام جامد أشكركم على الافاده.... بجد أنا غيرت رأيى و هاجيب لانسر بدل من التيجو الصينى