مصر موتورز مجتمع السيارات
صفحة 2 من 5 1 2 345
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   A 113 (https://www.masrmotors.com/vb/forumdisplay.php?f=188)
-   -   هل هو استهزاء ام افتراء (https://www.masrmotors.com/vb/showthread.php?t=101222)

الكردي2000 30-10-2012 02:05 AM
رد: هل هو استهزاء ام افتراء
 
انا عايز حد يفهمني اساسا احنا لية بنركب العربية اغلي من تمنها في اي بلد في الدنيا , اغلي يمكن مرتين أو ثلاث مرات في بعض الانواع ؟؟؟؟ واحد يرد عليا ويقولي علشان الجمارك وحماية للصناعة المحلية اللي هي مش موجودة اصلا !!! اذن التواطؤ من الدولة ومن الوكيل , نظام شيلنا وشيلك وشخلل علشان تعدي ..... نظام كلة ماشي علي فؤاد المهندس اللي يرحمة ... للأسف الشعب المصري فريسة لنظام مفتري وظالم وكفاية كدة علشان ضغطي عليMADDRIVE

shooter22522 30-10-2012 02:15 AM
رد: هل هو استهزاء ام افتراء
 
هو افتراء وطمع من اصحاب التوكيلات

osa92003 30-10-2012 10:27 AM
رد: هل هو استهزاء ام افتراء
 
طول عمرنا والشعب المصرى ضحيه الاستغلال والنصب والسرقه وبالتالى مافيش حل لان الموضوع مزدوج ياجماعه الحكومه سايبه التوكيلات تمص فى دمنا لانها من ناحيه تانيه مظبطه الجمارك والضرائب واسطزانه تشغيل العماله وبالتالى وماله كله من جيوبنا وندفع فى اى عربيه ضعف تمنها من مدخرتنا واموالنا

محمد صالح - المحامى 30-10-2012 10:40 AM
رد: هل هو استهزاء ام افتراء
 
الناس الى بشتكى عمال على بطال
يا باشا منك لية فرق السعر دة بيستخدموه فى رصف الطرق الى بتمشى عليه السيارات
ومش علشان الطرق متعملهاش صيانة بقالها 10 سنين يبقى نعترض على زيادة الاسعار
طبعا دا غير المستشفيات والاسعاف للحوادث
ومش علشان المستشفيات زبالة والاسعاف بيسيبوا المصاب لحد ما يموت بالبطئ يبقى نعترض على الاسعار
ومننساش التعويضات فى حالة الحوادث
ومش علشان بنقعد كام سنة فى المحاكم علشان نصرف التعويض وكمان المحامين بياخدو نص الفلوس ( الى معندهمش ضمير مش كل المحامين ) يبقى نعترض على زيادة الاسعار
====================
البلد دى عمالة زى تروس العربية بس المواطن هو اصغر ترس فيها

MmFFoR 30-10-2012 11:53 AM
رد: هل هو استهزاء ام افتراء
 
اقتباس:
المشاركة الأصلية كتبت بواسطة محمد صالح - المحامى (المشاركة 787443)
الناس الى بشتكى عمال على بطال
يا باشا منك لية فرق السعر دة بيستخدموه فى رصف الطرق الى بتمشى عليه السيارات
ومش علشان الطرق متعملهاش صيانة بقالها 10 سنين يبقى نعترض على زيادة الاسعار
طبعا دا غير المستشفيات والاسعاف للحوادث
ومش علشان المستشفيات زبالة والاسعاف بيسيبوا المصاب لحد ما يموت بالبطئ يبقى نعترض على الاسعار
ومننساش التعويضات فى حالة الحوادث
ومش علشان بنقعد كام سنة فى المحاكم علشان نصرف التعويض وكمان المحامين بياخدو نص الفلوس ( الى معندهمش ضمير مش كل المحامين ) يبقى نعترض على زيادة الاسعار
====================
البلد دى عمالة زى تروس العربية بس المواطن هو اصغر ترس فيها
سيدي الفاضل - المفروض ان الاصلاحات دي بتتعمل من الهبرة اللي بندفعها كل سنة اللي اسمها ضرائب و تراخيص و غرامات مرورية!!!!

و المفروض ان تعويضات الحوادث بتندفع من ال 200 لحلوح اللي 8 مليون عربية بيدفعوها كل سنة اللي اسمها تأمين اجباري!!! و عمر ما حد مننا استنفع بيها

M.TONSY 30-10-2012 01:17 PM
رد: هل هو استهزاء ام افتراء
 
اقتباس:
المشاركة الأصلية كتبت بواسطة MmFFoR (المشاركة 787465)
سيدي الفاضل - المفروض ان الاصلاحات دي بتتعمل من الهبرة اللي بندفعها كل سنة اللي اسمها ضرائب و تراخيص و غرامات مرورية!!!!

و المفروض ان تعويضات الحوادث بتندفع من ال 200 لحلوح اللي 8 مليون عربية بيدفعوها كل سنة اللي اسمها تأمين اجباري!!! و عمر ما حد مننا استنفع بيها
معاك حق المفروض الضرائب والجمارك وخلافه بيتعمل بيها الخدمات العامة اللى ما بنشوفهاش
انما اللى بيحصل فى مافيا توكيلات السيارات دى سرقة علنى بيستفاد بيها كروش اصحابها وليس الشعب الغلبان
علاوة على كدة احنا بندفع كتير اوووووووى وما بنخدش رفاهية او خدمات ادمية مقابل الدفع
حتى العربيات احنا البلد الوحيدة على مستوى العالم اللى عندنا العربيات اسعارها عالية عن معدلها الطبيعى فى اى دولة شقيقة او غير شقيقة وبينزلنا موديلات عفا عليها الزمن ومن غير كماليات العربية المعلن عنها برة وكمان من غيرعوامل الامان الاساسية زى باقى دول العالم المحترمة اللى موجود ة عندهم نفس العربيات بكماليات اعلى واسعار اقل
احنا شعب مقهور على مر العصور وما فيش ثورة عمرها نصفته ... لك الله يا شعب مصر

M.TONSY 30-10-2012 01:45 PM
رد: هل هو استهزاء ام افتراء
 
وبعدين موضوع اغراق السوق المصرى بالعربيات الصينى مزهقنى اوى لعدة اسباب :
  1. لما نزلت العربيات الصينى فى مصر فى بداية الالفينات زى الشيرى والجيلى كانت عربيات نازلة تنافس الكورى واليابانى من حيث الاسعار وكان الفرق ساعتها بال 20 و30 الف جنيه وكان يستاهل التجربة علاوة على الكماليات الزيادة اللى كانوا بيجروا بيها رجل الزبون والصاج الجامد بس طبعا الخامات كانت رديئة وفقيرة والمكن والفتايس كان بهم مشاكل وتصليحهم مكلف جدا ده لو نفع
  2. نيجى لمشكلة قطع الغيار وعدم توافرها بسبب التوكيلات السيئة جدا اللى عاملة زى تجار الشنطة يجيب العربيات من برة والمهم يسلكها ازاى ومش مهم بعد كدة اصحاب العربيات يعملوا ايه وده عن تجربة فى عربية جيلى فروتة 2004 وكانت عربية سيئة جدا وملهاش قطع غيار فى التوكيل حتى بالغالى وكنا بنوفقلها من قطع غيار الدايهتسو شاريد او تفصلها فوانيس فى الحرفيين يعنى حاجة اخر قرف
  3. سعر اعادة البيع المتدنى وده نتيجة عدة عوامل منها عدم توافر قطع الغيار وغلوها ان وجدت والتوكيل السيئ اللى هو اساس تدمير سمعة العربية
  4. وصول اسعار الصينى لنفس اسعار الكورى والاوروبى واليابانى كمان مع ان لازم يبقى فى فرق فى السعر لان فى فرق فى الخامات والاداء وطول عمر قطعة الغيار
  5. فلما ما يبقاش فى ميزة فى رخص الاسعار زى زمان واشترى حاجة وانا وحظى يبقى اللى يخلينى اغامر وانفع شرزمة البووووذين دول:010105~332:


الساعة الآن 12:00 PM.
صفحة 2 من 5 1 2 345
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017