رد: لعنة عدم ثبات السيارة (يا فرحة ما تمت مع البورا)
 

مبروك الجواز و العربيه الجديده
رأيي من رأي احمد كامل شيك على العفشه و بلاش محمد سمير في العفشه
روح لكريم كوني بتاع عفشه في الحرفيين يكشف على حاله المساعدين و السوست و جلب المقصات و بيض الدركسيون
و خد بالك ان الفولكس بياخد و يدي مع المطبات مش يلازم بيكون بيتنطط
انا عربيتي كده مع انها محتاجه تغيير مساعدين و مقصات عمرها ما اتنطتت
مع ان البورا اثبت من البسات لانها نظام رياضي مش رفاهيه زي البسات
اكشف و شوف العفشه الاول و ان شاء الله حاجه عبيطه و ماتنساش
العربيه مستخدمه اكيد شويه مصاريف و تظبط

رد: لعنة عدم ثبات السيارة (يا فرحة ما تمت مع البورا)
 

أ/ أحمد مش عارف أقولك ايه,ما شاء الله على المجهود, ربنا يكرمك, و بعد ما قريت الملف متهيألى أن أنسب فردة هى 15 205/60 لأنى غالبا ناوى أحتفظ بنفس مقاس الجنط, بالنسبة لموضوع العفشة أدينى عمال أبحث عن حد متخصص, و أدى د/عشماوى أفدنى الحمد لله.

طيب نيجى بأه لسفرية الاسكندرية, المكنة عموما صوتها الى حد كبير مرتاح و متهيألى حالتها جيدة فعلن, على الطريق و بردو أول ما بدأت ازود الغربلة اشتغلت فى ايدى بس جيت فى و الطريق هادى و جبت اخر العربية كان 180 كم و مازودتش الا يمكن فى بعض المنازل وصلت 185 (العربية أتوماتيك) و على النيت مفروض ان سرعتها القصوى 192 كم (و تقريبا ده المانيوال), لكن أنا متعودتش أستمع لكلام النيت لسبب بسيط ان السبكترا مكتوب ان اخرها 187 و انا كسرت ال 200 أكثر من مرة و كان 190 و 195 بيجوا مرتاح على أى طريق.

طيب بالنسبة للغرز و الملفات يعنى بتقول على 160 و لكن لم تكن النفس مطكمئنة مشجعتنيش أجرب على أكثر من كده, و أنا راجع بأه و فى أخر الطريق لقيت الالنترا الجديد و أوكتافيا A4 بيشدوا مع بعض, جريت وراهم و دخلت انا و الاوكتافيا الملف على 170 و الالنترا خاف, و بعد ما جبت الاوكتافيا _و العربيت مشيت على 190 لأول مرة ياما كنت فى منزل ياما هى سخنت على الشد ptmnlo123per145 _(أنا عموما ماكونتش باخود غرز), أتارى الأوكتافيا كان بيلاعبنى راح طار من جنبى يمكن كسر ال 200 مستريح (طبعا أنا اتحسرت) لاء والزاد و غطى انه على السرعة ديه كال حتة غرزة عنيفة (غرزة ضيقة و كسر فيها جامد مش بسلاسة) شمال بين ملاكة و عربية نقل كبيرة (طبعا انا حاليا مستحيل أخدها بالحالة ديه و ده يمكن حصل قدامى عشان أنا أحس فعلن ان فيه حاجة مش مضبوطة), المهم القلل حسرتى شوية لما جبته على الكارته و عرفت منو انو 2000 سى سى ما شاء الله (كان عيل صغير بتاع 18 سنة).

عموما هنبأكم بالمستجدات ان شاء الله ادعولى بأه (أفضى الأول بس)

رد: لعنة عدم ثبات السيارة (يا فرحة ما تمت مع البورا)
 

حاجةكمان أنا عندى تحت دواسة البنزين حديدة كده بينتهى عندها الضغل لما بكبس على الأخر و العربية جايبها أخره, فهل ديه محطوطة عشان تسند الدواسة ولا ممكن يكون ليها غرض أخر (تحديد السرعة القصوى مثلن, أنا فاكر قريت زمان عن حاجة زى ديه, و صحيح على 100 ال RPM كان 3000 و حتة, على 120 كان كاسر 3500, على 140 كان كاسر 4000 , على 160 مش فاكر أوى بس تقريا 5000, و أخيرا على 180 كان 5500, فهل ياترى ده معدل كويس

رد: لعنة عدم ثبات السيارة (يا فرحة ما تمت مع البورا)
 

موضوع شيق وممتع:HAPPY_~211:

رد: لعنة عدم ثبات السيارة (يا فرحة ما تمت مع البورا)
 

بس ادعى أتمتع انا كمان فى الأخرptmnlo123per154, و ماعودش ألطم جنبها ptmnlo123per111

رد: لعنة عدم ثبات السيارة (يا فرحة ما تمت مع البورا)
 

اية يا اخونا السرعات اللي انتو ماشيين بيها دي <?xml:namespace prefix = o ns = "urn:schemas-microsoft-com:office:office" /><o:p></o:p>
انا معايا اوكتافيا اول ماجبتها شديت مع مرسيدس و بي ام<o:p></o:p>
علي الصحراوي ولما جبت بيها 180 بصراحة خفت اكمل مع ان العربية كانت متزنة ما شاء اللة <o:p></o:p>
بس الفكرة مش الاتزان بس<o:p></o:p>
تقدر تقولي لو حبيت توقفها هتقف في كام متر<o:p></o:p>
ربنا يستر طريقنا جميعا<o:p></o:p>
بلاش تعدو ال 140 <o:p></o:p>
ارجوكم علشان انفسكم واهلكم واللي بيحبوكم<o:p></o:p>

رد: لعنة عدم ثبات السيارة (يا فرحة ما تمت مع البورا)
 

السادة الأفاضل أعضاء مصر موتورز,

طبعا بدام زعجتكم بمشاكلى اكمل بأه مشوارى بيها لغاية دلوقتى و أمرى لله, جايز حد يستفاد.

بعد مارجعت من سفرية الاسكندرية لحظت نقصان فى منسوب المياه, بس مكنش جامد, المهم يوم الجمعة رحت صليت الجمعة و عديت على الأصدقاء اسلم عليهم و رحت أركن العربية بعيد شوية عشان ماكونتش لسه عاوز اظهرها (لسبب ما فى نفس يعقوب الشلة ديه أصلها فأر, السنة الى فاتت اربع أفراد من الشلة اشتروا أربع عربيات الاول كان أنا اشتريت السبكترا و اتخبطت 3 مرات فى اول يومين, و الثانى اشترى نوبيرا أتوماتيك و حصل مشاكل فى الفتيس و واحد خبطو من ورا و الششكمان باظ, فاضل اثنين و دول اشتروا سيفيك 96 - 99, منهم واحدة كانت VTI, الاولانى كارتيرة الزيت وقعت و ربنا ستر على الموتور و لكنه اتقلب بالسيارة بعد شهرين تقريبا و حصل Total loss و الثانى جابت control unit و اتقلب بعديها ب شهر و قعد شهرين يصلح فيها)
المهم واحد ابن لاذين نقرنى و انا بركن بعيد و أعط يصيح و لم الشبابا و جم يبركوا و اكثرهم فارا لما جه ركب جوا العربية و دور قلى فى لمبة بتنور (طلع سنسور نقصان المياه), المهم زودنا و لقيت مطرح النسريب و كان بسيط, و بليل اضريط أطلع مشوار و عينى مفرقتش الحرارة, و بصراحة السنسور ادانى اشارة تانى فزودت مياه و قلت أرجع على البيت بدل ماتعملها, المهم قبل بيتى ب 2 ك العربية فصلت و قفشت و مرضيتش تدور بفتح الكبوت لقيت دخنة أعتقدت انها دخنت زيت (لانى مريت ب ده قبل كده فى الهيونداى) و الموتور سخن, المجننى ان عينى مفرقتش عداد الحرارة و لغاية لما العربية قفشت العداد ماعداش النص (90 c) و مبقتش فاهم ازاى, و يمكن عشان الواحد نيته كويسة ربنا كرمنى و الموتور عدا بسلام من الوعكة ديه, و ركنتها يومين لغاية ما الورش فتحت و يوم الاثنين جبت قطعة الجلدة استيراد ب 40 ج(مش استرخاص بس أنا رحت للشهابى مالقيتهاش و قلى هى مش عندى و بره هتلاقيها مضروبة فأحسن جبها استيراد), و رحت لهانى سمير جنب بدر, ففكها و طلب منى اغير غطا القربة (جبته جديد أهو عشان محدش يقول عليا بخيل ب 80 ج) و حاجة اسمها غريب كده منفلوطة او حاجة كده مش فاكرها (عمله زى مشترك جلدة المياه البتوزع المياه على المساحات) ب 25 ج استيراد و تمت المهمة على خير و هانى خد منى 80 ج.
و لسه هاخود ميعاد ان شاء الله عشان نشوف حوارات العفشة ربنا يكرم, و هبقى أعرفكم.

(يا جماعة البيضايق من الرغى الكثيرptmnlo123per172 و حواراتى أنا و الاصدقاء ptmnlo123per184يقولى و أنا هبطل رغى علطولptmnlo123per12)

و السلام عليكم

(أستاذ ابو نورا عودا حميدا و الف سلامة على وعكة المنتدى و الحمد لله انها جت على قد كده)