المشاركة الأصلية كتبت بواسطة amoor89 (المشاركة 775582)

كلام مظبوط
حضرتك وصفت العربية بالظبط
بس بصراحة العربية بجد تعتبر احسن حاجة فى الفئة السعرية دى من عيوب ومميزات
انا عن نفسى قبل ما اشتريها كنت اكتر عربية بكرهها فى حياتى هى الاكسل لانى كنت راكب لانوس بس بعد ما جبتها وعرفتها هى بالنسبالى مفيش فرق كبير بينها وبين اللانوس بل بالعكس هى احسن شوية العربية مكيفة وركبتلها الباور بتاعها وقى كله تمام ومش بفكر اغيرها قبل 5 سنين على الاقل
بس في حاجة قارفانى فى عيشتى فيها ومش عارف اعمل ايه العربية خاربة بيتى بنزين مع انها 1300 وكل ما اروح لحد يفتى وخلاص مش عارف اجيب كاربرتير استيراد واريح دماغى ولا ايه ولو كده يا ترى بتاع ال1500 هو هو بتاع ال1300 ولا فى اختلاف
تحياتى

المشاركة الأصلية كتبت بواسطة Hisham.Elgazzar (المشاركة 775611)

كلام جميل اوى انا مقتنع بيه بس هقولك على حاجة
بالنسبة لخرطوم البخرة اللى الميكانيكى بيقولك بيلم تراب فى الكربراتير الخرطوم ده بيجيب بخرة زيت خفيفة من جوا الموتور يعنى ولا تراب ولا يحزنون الفكرة كلها لو الموتور خفيف وفلتر الهوا وحش والعمة منفسة بتشفط زيت وتراب لكن لو كل حاجة مظبوطة خواجة ولا الدموع هتلاقى العربية معاك زى الفل
ثانيا فى فلتر بيركب قبل ماتدخل الخرطوم على العمة عشان مهم اوووووووى بخرة الزيت الخفيفة للموتور والكربراتير والصبابات وده عن تجربة

عزل التبلوه انت بقى ظبطة بمعرفتك كذلك عزل الأبواب لكن ماتقارنش تكييف الفيرنا اللى على اده بتكييف الإكسيل (الله أكبر ماشاء الله لاقوة الا بالله )
ستاير الكبس اللى بتركب على الإزاز واحد صاحبى مركبا ومريحاه جدا مع التكييف الطقم ب 40 جنيه من التوفيقية موجودة لو عاوزها بكره إن شاء الله هتلاقيها
ولو عديت على لجنة شرطة وسالك (اه ده يابيه ) هتقوله ده مش فاميه دى ستاير من ام 40 جنيه وتروح فاكك اللى فى الباب اللى وراك وترميهاله على الكنبة هيقولك اتفضل ( الموقف ده حصل قدامى مرتين ماتقلقش)

التكييف فى معظم العربيات الكورى على البطىء بيبقى محمل لكن عادى أهم حاجة تبقى مرتاح وكده كده مش مستعجلين لما تبقى مستعجل افتح الأزاز واقفل التكييف


العفشة بقى انا ممكن أفيدك اوى هاتهالى الورشة عندى فى عين شمس كلمنى على الرقم ده قبل ماتيجى وانا بإذن الله هظبطلك الدنيا

رقمى اهو :01112082775

وهتنسى العفشة خاااااااالص من حساباتك