رد: متبخلش بالمعلومة لو تعرف :) استفسارت بسيطة
 

4BY44BY4FLASHCarHPPYBUS

رد: متبخلش بالمعلومة لو تعرف :) استفسارت بسيطة
 

اشكرك جدا على تفاعلك اولا

ثانيا

سبب تغيرهما ان واحد صاحبى هوه اللى كان متصدر مع الميكانيكى وهوه نسيبه

اول مرة غير اللى قدام بس مقاليش السبب جربت اسوقها كده لفة

لقيتها ضعيفة جدا جدا

قاللى ما اللى ورا كمان عايزين يتغيروا (طبعا الكلام ده منقول من الميكانيكى على لسان صاحبى و الفترة دى كانت كبيرة عقبال ما دور على طنابير خلفى)

المهم قلتله مانا مش ححط رجلى فيها من غير فرامل

واتغيرت وكده حتى انا رحت مع صاحبى ساعتها

وصاحبى جرب وقالى شغالة تمام ولما استلمتها كنت لسه ابعاد العربية كبيرة فبسوق براحة بعدها بكام ساعة كده
طلعت على طريق سريع واستخدمت فرملة الموتور مرة او اتنين واكتشفت ان الفرامل كلها مش بتسعف بعد مثلا 40-50 كيلو ويمكن اقل والله

فعلشان كده قلت اطرح المشكلة مع الباقى

واكيد حيدور فى عقلك انى ازاى اغيرهم بدون ما اعرف السبب ولكن انا حدود معرفتى قليلة جدا فى السيارات كميكانيكا والباقى (وده بعيد عن السواقة )

ودى اول سيارة املكها شخصيا


واذا كنت غيرتهم فده علشان ثقتى فى كلام صاحبى انهم محتاجين يتغيروا بدون ما اسأل ليه


وانا كنت بسوق سيارة والتى فيرنا من حوالى 3 سنين وطبعا الفرامل حاسس بفرق كبييييير

وانا حدور على متخصص فرامل واشوف

شكرا

اسف على الاطالة

رد: متبخلش بالمعلومة لو تعرف :) استفسارت بسيطة
 

ضعف الفرامل ممكن يكون له أكتر من سبب

وجه يعتمد على حسب إيه هي الأعراض بالظبط


بس الأول تعالى نعرف نظام الفرامل بيتكون من إيه؟

http://4.bp.blogspot.com/-m8mAOEW9BH...ake+system.jpg

ده شكل مبسط لنظام الفرامل في السيارات بشكل عام

ومكون من الآتي:

1- دواسة الفرامل
2- اسطوانة السيرفو (ودي بتزود قوة الضغط باستخدام قوة الشفط (الفاكيوم) اللي بتطلع من موتور السيارة)
3- الاسطوانة الرئيسية (الماستر سيلندر Master Cylinder) (ودي اللي بنزود منها الزيت وبتوزع الزيت لكل العجلات واللي بتتحكم بضغط الفرامل في العجلات الأمامية والخلفية)
4- مواسير وخراطيم نقل الزيت إلى العجلات (بتبقى مواسير معدنية لحد فبل العجلات مباشرة وبعدين بتبقى خراطيم قوية)
5- الأجهزة الفرعية على العجلات (ودي اللي بيبقى فيها تيل الفرامل ومكونة من أجزاء مختلفة تختلف على حسب نوع النظام المستخدم إذا كان فرامل قرصية Disk أو فرامل طبلة Drum)
6- الطنابير الأجزاء الحديدية اللي بتلف مع العجلة واللي التيل بيمسك عليها)
7- فرامل اليد (ودي بتشتغل بالكابل مش بالزيت.. بس ليها تأثير لو مش مظبوطة كويس)


ده تركيب الفرامل الأمامية

http://www.automotifme.com/wp-conten...disc_brake.jpg http://www.autozone.com/autozone/ima...ob/diagram.jpg


وده تركيب الفرامل الخلفية

http://1.1.1.1/bmi/www.truckforum.or...kedrumdiag.jpg


وده تركيب مبسط للسيرفو

http://1.1.1.4/bmi/www.kfz-tech.de/B...staerker01.gif



بالنسبة للمشكلة اللي عند حضرتك... أتوقع تكون من أكتر من سبب، ونبدأ من السهل (الأرخص) إلى الصعب (الأغلى):

* مواسير الزيت فيها هواء... وده بيقلل كتير من قوة الفرامل لإنها بتعمل زي سوستة بتمتص كل ضغط الفرامل.. لازم الهواء يخرج
* زيت الفرامل نفسه أصبح غير صالح، ولابد من تغييره
* الفرامل الخلفية (الطبلة) تحتاج لضبط... الفرامل القرصية ما بتحتاجش لضبط
* صباع السيرفو قصير بحيث إنه مش واصل كفاية للماستر (الصباع فيه رجلاش وممكن يطول)
* زيت الفرامل بينقص لوجود تسريب من أحد المواسير أو الخراطيم أو فتحات إخراج الهواء
* ماستر الفرامل الرئيسي : البستم اللي جواه محتاج طقم إصلاح (أورنجات وأويلسيلات)
* زيت الفرامل بينقص لوجود تسريب من أحد المساتر الفرعية (يحتاج طقم إصلاح أو يفضل تغييره)
* ماستر الفرامل الرئيسي : تآكل من الداخل ومحتاج يتغير بالكامل

ده على اعتبار إن حضرتك غيرت تيل الفرامل



...

رد: متبخلش بالمعلومة لو تعرف :) استفسارت بسيطة
 

شكرا جدا على معلوماتك الغزيرة

اولا والله مش عارف التيول جديدة ولا لأ

ثانيا لو المشكلة فيهم بيتغيروا بكام

ومعلش لو فيها تعب تقريبا اقصى شىء ممكن يتطلب التصليح كام؟ (مع استبعاد الطنابير لانها المفروض صالحة)

وهل باقى المشاكل اللى عندى بسيطة ؟ ولا لأ

ولازم متخصص فولفو ولا ميكانيكى كويس يقدر (مش على الفرامل على باقى المشاكل)

وحبيت اضيف شىء بمناسبة الهاند انها ممكن تؤثر

الهاند بريك شبه مش موجودة يعنى مش بتوقف حتى على مطلع خفيف زيادة على ان الدراع زى ما تقول كده بيقع لوحده لما تخبطه

شكرا جزيلا

رد: متبخلش بالمعلومة لو تعرف :) استفسارت بسيطة
 

========================= ==
بصراحة الصنيعى الى انت رحتوا دى مبيفهمش
الطنابير عمرها ما تأثر على قوة او ضعف الفرامل الا فى حالات بعيدة جدا
وانت بتقول ان المشكلة فضلت موجودة بعد ما غيرتهم
العيب الى عند حضرتك ذى ما قولتلك عدم وجود سيرفوا لماستر الفرامل
ثانيا : انصحك بالكشف على تيول الفرامل من الواضح ان تيل الفرامل الخلفية متاكل
ودة بيبان مع فرامل اليد
===================
متخصص الفرامل بيشتغل فى جميع السيارات لانها جميعا متشابة فى انظمة الفرامل

ادخل على الموضوع دة هتلاقى شرح لسبب من اسباب ضعف الفرامل