مصر موتورز مجتمع السيارات - سافرت السعودية ودايخ علي عربية

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - سافرت السعودية ودايخ علي عربية (https://www.masrmotors.com/vb/showthread.php?t=98897)

رد: سافرت السعودية ودايخ علي عربية

المشكلة مش فى شراء العربية واختيارها بس لا

المشكلة الكبيرة فعلا عندك هي مشكلة الصيانه بعد شراء سيارة مستعمله فى السعودية عندك فعلا صنايعية عباقرة هههههههههههه ومش مشكلة الدماغ بس لا مشكلة الفلوس صعبة جدا انت هنا ممكن تدفع 100 او 200 لكن عندك حوارات جامدة جدا ومش هتلاقى مهارة فى الشغل اصلا

انا كنت فى الدمام ولولا ان الشركة كانت بتملك ورشة صيانة كان زمان اتخرب بيتى

فى عندك عربيات ممتازة واسعارها حلوة يعنى مثلا تويوتا ايكو سعرها مش هيعدي 12000 ريال
تويوتا كورولا 94 تمنها 5000 ريال

الاسعار دي كانت فى سنة 2010 انا حاليا مستقر فى مصر

وعلى فكرة حراج الرياض جميل جدا زرته مرة وحراج الدمام جميل لكن معنديش فكرة عن جيزان خالص

ربنا يوفقك

رد: سافرت السعودية ودايخ علي عربية

اقتباس:

المشاركة الأصلية كتبت بواسطة elmo7areb (المشاركة 769460)

أشكرك لردك الجميل ، وأحب أوضح لحضرتك حاجة الأسعار هنا في البلد ديه غالية جدا ، وده بيكون في كل حاجة وخاصة الإيجارات والسيارات ، وأسعار العربيات إللي حضرتك بتتكلم عليها ديه كويسة بس عليت من ساعة لما حضرتك سيبت السعودية ، ولو حضرتك دخلت علي جراج السيارات في النت حتشوف أسعار مختلفة تماما ، بس هيه المشكلة إنك تلاقي عربية كويسة ونظيفة ، وده صعب جدا هنا ، بس الكويس إن الناس إللي بتعرض عربياتها بيكون عندهم أمانة في العرض ويقولك علي كل عيوبها وإيه إللي مغيره فيها وإللي محتاجاه ويسيب لك حرية الإختيار ، ربنا يسهل وألاقي حاجة كويس إن شاء الله ودعواتك.

رد: سافرت السعودية ودايخ علي عربية

بس السعودية تعتبر من ارخص الدول فى اسعار السيارات كرسيدا عربيه كويسه بس عيبها ان قديمه اوى ممكن تشتري كورولا ب 22 الف ريال حالتها كويسه فى الحدود دي لان حد اشتراها قدامى وكانت 2004 وفيه لانسر رخيصه واحد اشتري واحده برده قدامى ب 10 الاف ريال وحالتها كويسه بالنسبه للعداد السعودية كلها مسافات كبيره والسعوديين كل خميس بيسافرم اما جده او الرياض او مكه كفسح وخروج بالنسبه للتصليح فيه مراكز صيانه هناك اكتر حاجه للتويوتا عشان دي عربية الشعب الكلام ده فى مكه مش عارف بقه ايه النظام عندكم

رد: سافرت السعودية ودايخ علي عربية

اقتباس:

المشاركة الأصلية كتبت بواسطة messi2500 (المشاركة 770116)

الكورسيدا عربية كويسة علي حد مابأسمع لكن أنا شفتها في سوق الحراج للمستعمل وكانت ماشية 500 الف كم موديل 94، طيب بعد العمر ده والمسافات ديه هل ماكنتها كويسة وبساتمها قوية زي الأول وبعدين يقولي صاحبها عايز فيها 17 الف ريال ، ليييييييييييييه ، وصالونها سئ جدا ومكسر سواء غطاء علبة الدركسيون الداخلي أو حتي أجزاء في فرش الأبواب ، يعني أنا في مصر كنت راكب زيرو وآجي هنا علشان أركب عربية زي ديه ومشيت المسافة ديه وبالبهدلة ديه ، أنا بأقول الكلام ده لنفسي هوه الواحد بيعلي ولا بينزل ، وخصوصا إنها كل شوية حتبقي عند الميكانيكي وورش ووجع دماغ ، والكورولات كويسة بس أسعارها غالية ولازم واحد معرفة علشان أجيب منه وتبقي بيتي ومضمونة ، ياريت دعواتكم معايا .