مصر موتورز مجتمع السيارات - معقول ده إستهلاكها فى البنزين ؟؟؟ مش مصدق.

أنا ما عنديش خبرة بالعربيات الشكودا عموما... بس اللي أنا متوقعه إن الفتيس الأوتوماتيك عند حضرتك فيه تيبترونك... زي اللي في الصورة دي:
http://www.bryanbyrtskoda.com.au/oct...ansmission.jpg

المفروض إن الفتيس الكنترول فيه عن طريق الكمبيوتر... والمفروض إنه يعرف طريقة سواقتك ويظبط نفسه عليها

عموما... الفتيس الأوتوماتيك استهلاكه أعلى من الفتيس المانيوال، وعشان تقلل من الاستهلاك حاول تخلي انطلاقك بالعربية أهدى وتخف رجلك عن دواسة البنزين شوية

ما تنساش برضو إن العربية تعتبر تقيلة على الموتور... وده هيخلي الفتيس يعشق التروس الكبيرة (الأول والتاني والتالت) أكتر من التروس الصغيرة (الرابع والخامس والسادس)... وده بيزود الاستهلاك طبعا

لو عايز معلومات عن موضوع تأثير الوزن في أداء العربية .. ادخل على الموضوع ده:
عربية تقيلة ولا خفيفة؟؟؟ طبعا الخفيفة أحسن

...