المشاركة الأصلية كتبت بواسطة mr_astra (المشاركة 762738)

هانقول كمان انك مش معاك عقد بيع مسجل وانك اشتريت العربية بتوكيل


يبقى تروح المرور التابع لية العربية ( حضرتك مقلتش علية على فكرة ) ومعاك التوكيل
تجيب من هناك شهادة مخالفات
عدد 2 شهادة بيانات واحدة للشهر العقارى والتانية لمرور العجوزة
تروح مرور الدراسة ومعاك فاتور شراء الموتور الاستيراد وتطلب منهم اصل الافراج الجمركى للموتور

تطلع على الشهر العقارى وتعمل عقد بيع مسجل باسمك بس خلى الموثق يكتبلك رقم الموتور الجديد بعد لما تورية فاتورة الشراء ولو رفض ما فيش مشكلة خلية يكتب رقم الموتور القديم

تروح مرور العجوزة ومعاك
عقد البيع المسجل فى الشهر العقارى
شهادة البيانات الموجهه لمرور العجوزة
اصل الافراج الجمركى
بطاقتك الشخصية
وصور من كل الاوراق
ولو رحت مرور العربية والموظف قالك مش هاديك شهادة بيانات الا لما تدفع الضريبة هنا ماشى ما فيش مشاكل ادفع الضريبة ............. ولو انك جايب موتور اكبر هاتكمل باقى فرق الضريبة فى مرور العجوزة انما لو الموتور نفس السعة اللترية يبقى مش هاتدفع اى ضريبة فى مرور العجوزة


اول حاجة تعملها وانت فى مرور العجوزة تدفع التامين الاجبارى عند اى شركة ترتاح لها

تجيب عامل رفع البصمة وترفع بصمة الشاسية والموتور على اورنيك الفحص اللى انت اشتريتة من الخزنة

تروح لمهندس الفحص تخلية يمضيلك بعد اما تورية اصل الافراج واصل فاتور شراء الموتور

خلاص تروح للشباك وتديلة جميع الاوراق وتستلم الرخصة

وربنا معاك

المشاركة الأصلية كتبت بواسطة mr_astra (المشاركة 762738)

هانقول كمان انك مش معاك عقد بيع مسجل وانك اشتريت العربية بتوكيل


يبقى تروح المرور التابع لية العربية ( حضرتك مقلتش علية على فكرة ) ومعاك التوكيل
تجيب من هناك شهادة مخالفات
عدد 2 شهادة بيانات واحدة للشهر العقارى والتانية لمرور العجوزة
تروح مرور الدراسة ومعاك فاتور شراء الموتور الاستيراد وتطلب منهم اصل الافراج الجمركى للموتور

تطلع على الشهر العقارى وتعمل عقد بيع مسجل باسمك بس خلى الموثق يكتبلك رقم الموتور الجديد بعد لما تورية فاتورة الشراء ولو رفض ما فيش مشكلة خلية يكتب رقم الموتور القديم

تروح مرور العجوزة ومعاك
عقد البيع المسجل فى الشهر العقارى
شهادة البيانات الموجهه لمرور العجوزة
اصل الافراج الجمركى
بطاقتك الشخصية
وصور من كل الاوراق
ولو رحت مرور العربية والموظف قالك مش هاديك شهادة بيانات الا لما تدفع الضريبة هنا ماشى ما فيش مشاكل ادفع الضريبة ............. ولو انك جايب موتور اكبر هاتكمل باقى فرق الضريبة فى مرور العجوزة انما لو الموتور نفس السعة اللترية يبقى مش هاتدفع اى ضريبة فى مرور العجوزة


اول حاجة تعملها وانت فى مرور العجوزة تدفع التامين الاجبارى عند اى شركة ترتاح لها

تجيب عامل رفع البصمة وترفع بصمة الشاسية والموتور على اورنيك الفحص اللى انت اشتريتة من الخزنة

تروح لمهندس الفحص تخلية يمضيلك بعد اما تورية اصل الافراج واصل فاتور شراء الموتور

خلاص تروح للشباك وتديلة جميع الاوراق وتستلم الرخصة

وربنا معاك

المشاركة الأصلية كتبت بواسطة هيثم سامى (المشاركة 762776)

معلش الف سلامه على ايدك وشكرات ليك والله بس انا مش عارف اجرائات اثبات الماتور على العربيه بس وخاصه ان الرخصه منتهيه من زمان وضايعه فكنت عايز اعرف ده هيسبب مشكله ولا لا

المشاركة الأصلية كتبت بواسطة mr_astra (المشاركة 762765)

هههههههههههههههههههه
دة انا ايدى وجعتنى من الكتابة
مش تقول انك بتجدد بس ومش بتنقل ملكية