|
رد: توفير حوالي 600 ج في صيانة البيرسونا 60000 كم موديل 2009
اقتباس:
الاستاذ / محمد ،،، بعد التحية انا عايز اقولك ان العربية دي بصراحة جميلة جداً كثبات علي الطريق ومع السرعات انا الحمد لله كان معايا كذا نوع عربية قبلها زي سيات ابيزا و فيات سيينا و كيا شوما و تويوتا يارس و واحد قريبي معاة باسات و سافرت بيها بصراحة ان حسيت ان البيرسونا كثبات اقرب للالماني - طبعاً مش زييه بس هو اقرب حاجة ليه كمان العربية وزنها تقيل و ده اللي مخليها ثابته و بالنسبة لسحب العربية هو معقول بالنسبة للوزن بس مع الكيك داون ( للاوتوماتيك طبعاً ) العربية بيكون ادائها عالي جداً و اداء اعلي علي الطريق والعفشة بتاعة العربية ناشفة فعلاً بس مش للدرجة اللي انت متخيلها - بمعني ان حضرتك لو ركبت ابيزا مثلاً هتلاقيها نفس الدرجة وكمان زي الاسكودا - تقريباً نفس التقنية المستخدمة وانا شخصيا وانا راكب العربية مش بحس ان المطبات مميتة بالعكس بحس ان المساعد بياخد كل الصدمة عكس اي عربية تانية. اما قطع الغيار فانا الحمد لله ربنا موفقني و لقيت واحد فالجيزة عنده كل حاجة و كمان في فشارع دمشق - و عيوب التقفيل دي موجودة فكل العربيات اللي في نفس حدود السعر دة وكلها حاجات بسيطة سهلة تتعمل و انت مش هتلاقيعا الا بعد فترة مش اقل من 3 سنين. اهم حاجة ان العربية تكون فيها اداء محترم و كمان امان اللي احنا متكلمناش عنه خالص يعني مثلاً البرسونا فيها ABS و Airbag و كمان توزيع الكتروني للفرامل وسعرها 96000 جم في حين ان الاكسنت rb فاضية وتقريباً ب 104 الف و طبعاً دة كلة استغلال للعقلية المصرية اللي هي مش بتفكر غير فالشكل و الجري ( مش مهم العربية تتقلب بس بتجري ) وسعر قطع الغيار تقريباً واحد مش بيفرق غير فالحاجات الاساسية تيل فرامل البرسونا برة التوكيل 130 امامي و 150 خلفي سير الكاتينة 150 ج سير ادارة 90 ج تقريباً فلتر هواء 60 ج فلتر زيت 20 ج طقم بوجيهات ngk ب 50 ج كالتيرة رفرف ( يمين او شمال ) 100ج شبكة امامية نيكل 200 ج علامة بروتون ( جنط ) 15 ج يعني انا مش شايف ان في كارثة فالاسعار دي ولا انت ايه رأيك ولو اي استفسار انا تحت امرك تحياتي ،،،، احمد سعد :CHUBBY~36::CHUBBY~36:سوق سوقسوقسوق |
رد: توفير حوالي 600 ج في صيانة البيرسونا 60000 كم موديل 2009
اقتباس:
جزاك الله خيرًا على الرد الوافي، والجواب الكافي، بس ائذن لي في كم استفسار آخرين: - ما هو مدى اعتمادية العربية (Reliability)، العربية كموتور وفيتيس وعفشة تمام بغض النظر عن مشاكل التقفيل البسيطة؟ - هل قطع الغيار معمرة، هل في مستوى الكوري مثلاً من حيث طول مدة الخدمة، أم أفضل؟ - ما هو معدل استهلاك البنزين، هل هو في المستوى المعقول، أم سفاحة بنزين؟ بُوركت على الرد مقدمًا، وأرجو ألا أكون مُثقل عليك بكثرة التساؤلات. محمد حسني |
رد: توفير حوالي 600 ج في صيانة البيرسونا 60000 كم موديل 2009
اقتباس:
اسف جداً علي التأخير يا باشا.... اولا بالنسبة لمستوي اعتمادية العربية ممكن تقول انها متفوقة علي الكوري الحاجة الوحيدة اللي الكوري متفوق فيها هي السحب. لكن البروتون كموتور وعفشة و الفتيس تمام و زي الفل بس وانت سائق العربية ممكن تحس ان في عربيات تعبانة بتعديك و تتطلع منك بس الكلام دة كلة جوة البلد ودة طبعاً بسبب ان العربية ثقيلة - بس بقي تاخد احلي اداء و اجمل ثبات و افضل عزل علي الطرق السريعة او الداخلي الفاضي. بالنسبة بقي لاستهلاك البنزين اقدر اقولك ان استهلاكها عالي شويه مقارنة بالكوري ومش عارف السبب ايه بالظبط يعني مثلا انا ال 20 لتر داخلي ممكن يمشوني 180 او 190 كم بس وانا مسافر بس السرعة من 100 ل 130 ممكن يمشوني من 210 كم ل 230 اما قطع الغيار مقارنة بالكوري فهي اغلي شوية بس اكيد عمرها اطول لانها مش بتتصنع فالصين. ولو في منها صيني ياريت تبعد عنه تماماً - تحت امرك يا كبيييييير و بعتذر عن التأخير مرة اخري. ولو اي استفسار تاني انا موجود :CHUBBY~36:. |
رد: توفير حوالي 600 ج في صيانة البيرسونا 60000 كم موديل 2009
اقتباس:
يا باشا ولا يهمك، لا تأخير ولا حاجة، وكتر خيرك على الرد و الاهتمام، آخر سؤالين إن شاء الله: - هل صوت الموتور مرتفع عمومًا، وبالأخص على السرعات العالية، لدرجة أنك ممكن تصدع لو مسافر لمسافة طويلة؟ - هل عزل العربية كويس سواء من ناحية الموتور، أو المحيط الخارجي؟ شكرًا يا ريس، وعذرًا على الإطالة محمد، |
| الساعة الآن 06:12 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017