|
رد: عايز اشتري جاك J5 من السعودية
الأخ الفاضل الاستاذ هانى .
السياره الجاك B15 معايا من يونيه 2010 وبعمل صيانه فى التوكيل كل 10 الاف كيلو وممكن اعمل صيانه بره التوكيل لكن عشان أنا فى الضمان بروح للصيانه فى التوكيل ... جوده السياره عاليه جدا والحمد لله ومحصلش معايا أعطال تذكر طوال هذه المده (غيرت مكنه طلمبه بنزين فقط ) ....وكل الناس إللى كنت بقابلهم فى التوكيل لم ارى أحد إشتكى من اى اعطال وفى ناس عدت ال70 الف ... لو السياره عجباك اشتريها وإللى نازل منها فى مصر مانوال مش اتوماتك بالنسبه للتوكيل ....كل التوكيلات هنا فى مصر سيئه للغايه..أنا اتعاملت مع توكيل رينو فى عربيتى السابقه وكانت مره عطلانه وقالولى لازم تحجز وتيجى بعد اسبوعين (تصور توكيل بيعتبر من احسن التوكيلات فى مصر يقولك خد عربيتك العطلانه وتعالى بعد اسبوعين ).......مره تانيه روحت اشترى من عندهم كبالن قالوا معندناش وروح هاتها من بره التوكيل ووصفولى محل اسمه ميشيل حليم فى جسر السويس ... عموما ربنا يوفقك ...... |
رد: عايز اشتري جاك J5 من السعودية
تسلم الايادي يا دكتور كمال على الافادة وجزاك الله خيرا
لكن هنا في السعودية في مانيوال وفي اوتوماتيك وانا محتار بينهم انا من سكان القاهرة يعني زحمة وشايف الاوتو انسب ولا ليك راي تاني |
رد: عايز اشتري جاك J5 من السعودية
فعلا ....الاتوماتك فى القاهره متعه ......لكن كقطع غيار له مش عارف هتلاقيها فى التوكيل ولا لأ لو حصل حاجه الله ليقدر
ممكن تسأل فى التوكيل عندك فى السعوديه ( وأعتقد التوكيل هو الجديعى ) بحيث لو حصل مشكله فى الجير هل ممكن تغييره بحاجه تانيه فى مصر مثلا وهل اتوماتك الانسر يتوافق معها ................وياريت تفيدنا ...جزاك الله كل خير |
رد: عايز اشتري جاك J5 من السعودية
انا ف التوكيل ف السعوديه ونزلنا الاوتوماتيك تست ولسه الموديل لم يدشن بعد
الجي 5 بصراحه تحفه وسياره حلوه وكمان التوجوي قويه جدا ومعايا واحده ماكينتها 1300 ولكن جباره الصراحه موديل 2009 والماكينه متسوبيشي عموما السياره جايه اكيد ولكن اكيد سعرها هيزيد .. ال جي 5 الي هيا ال b15 زي ما بتقولوا سعرها عندنا 38 الف ريال كاش . وال توجوي ب 30 الفل اوبشنز و الي جي 6 خمس مقاعد ب 43 الف ريال والسبعه ب 45 الف ريال ووصلنا الفانات ال 12 راكب ب 59 الف ريال وال 7 راكب عائلي بانوراما ب 64 الف ريال كاتب هذا الكلام صديق لنا فى السعوديه فى توكيل الجديعى لسيارات الجاك وساعات بيشارك معنا فى المنتدى إسمه محمود هيرو ......يمكن يساعدك فى التوكيل .......وبصراحه معرفش رقم تليفونه ...... بالتوفيق غن شاء الله |
| الساعة الآن 02:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017