|
رد: نصائح للحفاظ على درجة حرارة المحرك
انتو قصدكو المياه الزرقا ... او الخضرا زي ما بيقولو ..
هي سائل بيتحط في الرادياتير و اعتقد انه بيتميز بارتفاع درجه حراره الغليان عن المياه العاديه و بالتالي مبيتبخرش .. ومع وصلات جيده و غطاء محكم الغلق ... مش محتاج انك تزوده لفترات طويله ... غبر انه مبيبقاش فيه اي رواسب او املاح او شوائب تسبب صدا للرادياتير ... بس كده كده .. المفروض الواحد كل فتره يغيرها و يغسل رادياتير ... والله اعلم شكرا يا محمد على الموضوع |
رد: نصائح للحفاظ على درجة حرارة المحرك
تمام يا هندسة
زى ما قال سامح إن درجة حرارة غليان المياه الخضراء أعلى من مية الحنفية كمان درجة تجمدها أقل من المية العادية ( بس طبعا دى ميزة لدول أوروبا الباردة ) و كمان بتمنع صدأ الريداتير و مش بتتفاعل مع أجزاء دورة التبريد زى الخراطيم و الريداتير و الطلبمة و نيسان بتقول أن المية الخضراء بتتغير فى صيانه ال 40 الف كم و انا فى ميتسوبيشى ممكن اطلب تغييرها لو لاقيتها لونها إتغيير و غالبا بيكون بعد ال60 الف كم |
رد: نصائح للحفاظ على درجة حرارة المحرك
اقتباس:
اقتباس:
تمام والله يا بشمهندسين الواحد مش عارف كان هيعمل اية من غيركم شكرا على الخبرات و المعلومات الوافية و الجميلة ديت |
رد: نصائح للحفاظ على درجة حرارة المحرك
موضوع مميز جدأ يا لانسر باشا و ردود جميلة جدا من سامح بك و يونس بك بارك الله فيكم جميعا و الحقيقة انا بمناسبة السخونة لى سؤال هل تشغيل التكييف اثناء توقف العربية ( يعنى مشغل التكييف و هى واقفة مش بتجرى يعنى ) هل هذا لة أضرار على الموتور أو يسبب فى سخونة أكثر للعربية أم أنة عادى و لكم جميعا وافر الشكر |
رد: نصائح للحفاظ على درجة حرارة المحرك
شكرا على المعلومات القيمة و بالمناسبة المياه الخضرا هى مياه مضاف لها مادة ايثيلين جليكول بنسبة حوالى 40 - 50 % لأن درجة حرارة غليانها عالية حوالى 129 درجة مئوية لو بنسبة 50 % و المادة فى حد ذاتها تقريبا 190 درجة و لكن لا ينصح بزيادة نسبتها لأن نقلها او معامل توصيلها للحرارة أقل من الماء العادى فيعمل الماء على امتصاص الحرارة و الايثيلين جليكول على رفع درجة غليانها
|
| الساعة الآن 01:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017