رد: اجيب جديد ولا مستعمل؟؟؟؟؟؟؟
 

ممكن تريح نفسك وتجيب ماروتي زيرو سعرها 40باكو :joy23::joy23:

رد: اجيب جديد ولا مستعمل؟؟؟؟؟؟؟
 

لو جبت ماروتي 2009 هيبقي علي اد الفلوس اللي معاك بالظبط و عموما العربيات الهاتشباك الصغيره بتبقي اسهل انك تتعلم عليها و ممكن تجيبها ماروتي زيرو بس لو هتخليها معاك سنتين عل الاقل يعني متجبهاش وتبيعها كمان كام شهر

رد: اجيب جديد ولا مستعمل؟؟؟؟؟؟؟
 

أتفق معك فى الرأى تماما :fun_36_1_39[1]:
وأحب أضيف أنك ممكن تجيب لادا أو 132 2000 CC وتكييف وظبط نفسك :joy23:
ولو أنت شايف نفسك بعد ما تتعلم السواقة مش قوى هات حاجة صغيرة و رخيصة سنة و أقعد خبط بيها براحتك لحد ما تتعلم :danceW7:
أنا زيك بالظبط لسه متعلم و مش عارف أجيب ايه بس الفرق عنك الفلوس مش مديانى خيارات كتير فلوس كتير

رد: اجيب جديد ولا مستعمل؟؟؟؟؟؟؟
 

بوص ادخل على موقع كونتاكت و شوف اسعار العربيات و ركز ان يشترط ان العربية تبقى فابريكة من برة اما موضوع الكيلوات معاك لغاية 100 الف بس طبعا احتمال بنسبة كبيرة ان العربية ملعوب فى عدادها. انا فى رأيى انزل انت مع نفسك الاول لف على الناس اللى مطلعا اعلانات و بعدين العربية اللى تحس انها فعلا كويسة..ساعتها جيب سمكرى محترم و ميكانيكى يبوصولك عليها و لو لقيتها مرشيتش تبقى تمام
و دية عربية من العربيات اللى معروضة على موقع كونتاكت
http://www.contactcars.com/UsedCars_...p?CarID=931094

رد: اجيب جديد ولا مستعمل؟؟؟؟؟؟؟
 

الافضل من وجهة نظرى تجيب فيات 131 موديل 80 وما بعد حاله كويسه عربية بتتحمل الخبط والرزع واى تغيير فيها مش مكلف ولما تتعلم السواقه كويس بعد سنه وتكون عرفت تتعامل مع الاعطال الميكانيكيه تبيعها ومش هتخسر فيها يمكن الف ولا حاجة اعتبر نفسك ركبت بيهم سنه وتكون حوشت قرشين تشترى حاجه 2010 يكون الاسعار ريحت فى المستعمل شويه
تحياتى