مصر موتورز مجتمع السيارات - استفسار عن طريقه فك الريدياتير لتنظيفه من جوه ...

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - استفسار عن طريقه فك الريدياتير لتنظيفه من جوه ... (https://www.masrmotors.com/vb/showthread.php?t=96354)

رد: استفسار عن طريقه فك الريدياتير لتنظيفه من جوه ...

اقتباس:

المشاركة الأصلية كتبت بواسطة حسام البورسعيدى (المشاركة 749723)

الريدياتير عندى مصدى جامد ونفسى انضفه كويس ..

وديته من فتره لواحد مشهور بتاع ريدياتير عملى تنضيف بكمبريسور وحطلى علبه فلاش ودورت شويه بيها .. بس الريدياتير لسه جواه صدأ .. هو حالته صعبه ومحتاج يتسيخ ..

من شهر كده لما كنت بعمل التكييف قابلت سواق تاكسى هناك ولما شاف الميه المصديه اللى نازله من عربيتى نصحنى انى افك الريدياتير وانضفه بنفسى فى البيت .. وقالى انا عملت كده وشجعنى وقالى ان الموضوع سهل جدا وانه عمله بنفسه والنتيجه ممتازه ...

هو قالى افك الكلبسات اللى ماسكه علبه الريدياتير كلها بمفك عادى والعلبه هتطلع فى ايدى وابتدى انضف الريدياتير من جوه بضغط الميه وكده واقفلها تانى واضغط الكلبسات وكده بس .....

انا مشفتش الموضوع ده قدامى قبل كده فخايف ابوظ الريدياتير وخصوصا ان الحمد لله هو حالته كويسه والميه مش بتنقص بس هو محتاج يتنضف بس علشان احيانا بحس ان العربية بتسخن شويه فى الحر (بس المؤشر ثابت ومش بيعدى النص الحمد لله) ...

فكنت عاوز اعرف طريقه فك علبه الريدياتير اللى فوق وتنضيفه .. وجزاكم الله خيرا ..

يا ريت بس بلاش طناش بالله عليكم .....

سعاده الباشا الموضوع مش سهل زى ماسعادتك فاكر كده فلو كسر منك احد الكلبسات حتفقد كبس دوره المياه لازم الاول تروح لواحد بيفهم يحله قدامك وتشوف طريقه حل الكلبس واعاده تركيبه
اما عمليه التنظيف دى سهله ممكن عن طريق شويه اريال او بريل السائل ومياه ويتم رجه جيدا وسترى كميه التراب الخارجه اد ايه بس نصيحه لازم متخصص ترى امامك اول مره وشرفنا فى الاسكندريه ولاتحمل له هم
فان عروضك لمساعده كل اعضاء المنتدى لاتنتهى وراسلنى على الخاص بموعد نزولك الاسكندريه واعتبر الموضوع منتهى:140109~347:

رد: استفسار عن طريقه فك الريدياتير لتنظيفه من جوه ...

فعلا بتاع الردياتير قصر فى الدور جامد
اى حد بتاع ردياتير بيفك الردياتير من العربية وبمفك بيشيل كلبسات العلبتين وياخدة على الحنفية نضافة وبعدين بصاجة طويلة اد مقاس الزيت بس بتكون صلب بينزل فى المجارى رايح جاى والمية شغالة وبعد لما يخلص نضافة بيقفل علبتين الردياتير تانى ويبرشمهم بشاكوش خفيف وبكدة يبقى نضف فعلا الردياتير

رد: استفسار عن طريقه فك الريدياتير لتنظيفه من جوه ...

انا مع أنك توديها لواحد بتاع ريداتيرات .....أدى العيش لخبازة
انا لسه عامل الموضوع ده من يومين وقعدت اتفرج عليه وحسيت إن الموضوع سهل وانا بتفرج عليه بس لما هتيجى تعمله انت بنفسك هتلاقيه مش بنفس درجة السهولة بتاعتة لآن طبعا الخبرة بتفرق وكمان السيخ اللى بيسلك بيه مقاسات بتختلف عل حسب نوع الريداتير وكمان لاحظت انه بيبقى حريص جداً وحنين وهو بيسلك وكمان مابينزلش بالسيخ للأخر علشان مايخرمش الماسور اللى بتبقى رقيقة جدا بطبيعتها والخامات كلها الومنيوم مش نحاس زى زمان.
وكمان بيكبس الريداتير بعد التسليك وتركيب العلبة والدق على الكلبسات بحرفيه علشان يبرشمها ويشوف فى تسريب ولا لأ واذا كان التسريب خرم ولا من كلبسات العلبة بيعيد تانى على الكبسات وهو حاطط الرداتير على ترابيز حديد ليها شفه علشان يقفل البرشام بدون مايعوج الورق الالومنيوم الرقيق جدا ده لو اتلمس حتى.
عموماً الموضوع ده استغرق حوالى ساعة ونص بالفك والتركيب والغسيل والتسليك وكمان غسيل دورة التبريد بعد التركيب وكمان فك القربة وغسلها رجعت جديد وتأكد ان مافيش هوا داخل الريداتير وطلعا بعد ده كله قعدت مستنى حوالى 10 دقائق مدور العربية وبعمل امبلهات علشان اتاكد إن المروحة اشتغلت.
بصراحة عجبنى شغله جداً وكان راجل كبير وفاهم والتكلفة كانت 70 ج.
أسف للأطالة وتقبل مرورى وتحياتى....

رد: استفسار عن طريقه فك الريدياتير لتنظيفه من جوه ...

انا بصرحة لى رأى مختلف وهو ان الصدى اللى عند حضرتك مش سببه الريدياتير لان الريدياتير يا اما المونيوم يا نحاس ولكن الصدى سببه البلوك الحديد بتاع الموتور وده ممكن من ركنة العربية فترة طويلة او استخدام مية الحنفية مش المية الخضرا
وده علاجه ان حضرتك من غير فك الريدياتير ولا حاجة انك هتروح اى بنزينة محترمة عندهم جهاز تنظيف دورة مياه الموتور والريدياتير معا وبعد كدة تحط مية خضرا من نوع محترم زى ايادا الاسبانى مثلا وهتلاقى موضوع الصدا ده انتهى بامر الله

رد: استفسار عن طريقه فك الريدياتير لتنظيفه من جوه ...

كلام كلو فاضى ناس مش فاهمة حاجة وبتتكلم
اول حاجة ريداتير بلاستيك حيبقى المينيوم ومش ينفع مية النار معاة
ولازم متخصص يعملو يفكو يدخل سيخ فى كل عين من العيون الى فى الداخل عشان يتسلك وبعدين تنظف دورة المية فى المحرك وخلاص
ومش ينفع تعملو لوحدك دة فى صنيعية لحد دلوقتى مش بتعرف
والناس الى مش بتعرف تسكت احسن عشان عدم الضرر