مصر موتورز مجتمع السيارات - كيا سول - مازدا 3

انا افضل الكيا سول بصراحة لعدة اسباب:
1- عالية على الارض
2- شكلها شبابى جدا
3- تسارعها اكثر من ممتاز خصوصا بعد ال80
4- استهلاكها فى البنزين مش عالى اوى بس اكثر من الالنترا والمازدا
5- كمية الاوبشنز اللى فيها ملوش حصر ولاكن ينقصه حاجات هامة برضه لازم ها تركبها زى وحدات الرفع
6- واسعه جدا من جوا فى حين ان حجمها من برا مش ضخم اوى يعنى ها تعدي بيها بسهولة فى الزحمة
7- نظم الامان المتوفرة فى الفئة اللى ب132 الف هى abs,ebd,2airbag ودا اعتقد كافى دا
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ
غير كدا فكر فى الانترا لعدة اسباب برضه :
1- شكلها جذاب جدا ان لم يكن الاشيك فى فئتها على الاطلاق
2- التبلوه الداخى ليها هو الاشيك برضه وفعلا يديك احساس انك راكب طياره (مع التحفظ على الخامات)
3- تسارع رهيييييب خصوصا لما تلغى الايكو مع عدم الشعور بصوت المحرك
4- موفرة فى البنزين لأبعد حد خصوصا مع نظام الايكو والقيادة المعتدلة
5- ثباتها على الطريق جميل جدا وافضل من منافسيها الكوريين فى هذه الفئة (وعن تجربتى افضل من البومة ) ولكن لازم تكلبش فى الدركسيون لأنه خفيييييف
6- الاوبشنز بتاعها عالى جدا جدا واعلى من السول كمان بس فى الفئات العالية
7- العفشة ناعمة وبالجنط ال16 مفيش حك فى المطبات خالص (مطبات بورسعيد العادية)
8- الانتشار يعنى توفر قطع الغيار ويعنى افضلية سعر البيع