مصر موتورز مجتمع السيارات - ايه حكاية السيارات ( الجماهيريه الليبيه ) اللى بتتباع فى مصر دى

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: ايه حكاية السيارات ( الجماهيريه الليبيه ) اللى بتتباع فى مصر دى

اقتباس:

المشاركة الأصلية كتبت بواسطة yahiaashraf (المشاركة 745012)

بسم الله الرحمن الرحيم

*********************

انا دايما بتصفح السيارات الاستعمال على موقع كونتاكت كارز

وكل شويه الاقى سيارات

مره لاقيت باسات 2010
ب 70 الف
و فى الاخر كاتب ( جمايريه ليبيه )
الاول انا عاوز اعرف سعرها رخيص ليه ثانيه
لو فرض واحد اشتراها
ايه الاجرائات اللى هيعملها
وتكلفة تحويلها الى مصرى
يعنى تبقى رخصه مصريه و كل حاجه تمام
يعنى لو التكلفه قليله يبقى كويس اوى

تحياتى

انا شوفت كمان عربيات عليها نمر دمشق وبغداد
وبتاعت ليبيا مالية شوارع إسكندرية

وكده كده مفيش عسكرى مرور فى اسكندرية

بلد ميغا بالظبط زى السويقة الصغيرة الله يكون فى عونكم

تلاقى كمان الحشيش الليبى مالى البلد

كنت فى المعمورة امبارح وقبلها عند القلعة :fun_10_1_124[1]:

رد: ايه حكاية السيارات ( الجماهيريه الليبيه ) اللى بتتباع فى مصر دى

متابع بإهتمام:120105~352:

رد: ايه حكاية السيارات ( الجماهيريه الليبيه ) اللى بتتباع فى مصر دى

مالهاش ورق داخلة كدة من غير جمارك وعشان تحطلها نمر لازم اللي دخلها بأسمة يدفعلها جماركها وتركب نمر يعني لو اشترتها واتمسكت منك تتصادر
:Wkiss5:

رد: ايه حكاية السيارات ( الجماهيريه الليبيه ) اللى بتتباع فى مصر دى

اقتباس:

المشاركة الأصلية كتبت بواسطة f3lix (المشاركة 745153)

بسيطة جدا
هيجيب شاسيه باسات مفرومة
وينقل رقم الشاسيه من المفرومة يلحمه في الجديدة ويركب اللوح بتاعتها كمان
ومبروك بقى عندك عربية باسات ب 70 الف + 20 الف بتوع الشاسيه مثلا يبقى 90 الف جنيه

========================= =
بسيطة جدا فعلا
احنا عندنا فى اسماعيلية بيحطوا العربيات على ممشى والراجل بيفحصها من تحت ومن فوق
ولو العربية فيها شبه لحام بيعملها قضية وبيحولها للنيابة ولو انت عارف او مش عارف ان العربية ملحومة بيتحفظلوا عليك

رد: ايه حكاية السيارات ( الجماهيريه الليبيه ) اللى بتتباع فى مصر دى

انا كنت في ليبيا 6 سنين وهقولك على اللي بيحصل بالتفصيل
1/ العربيات في ليبيا سعرها رخيض جدا وارخص من السعودية وبعض دول الخليج يعني الباسات ممكن تعمل 40 الف دينار زيرو
2/ لو حسبناها هنلاقي ان العربية دي لو دخلت مصر بطريقة قانونية هنلاقي ان سعرها هيبقا 280 الف جنيه (بعد خصم نسبة الربح بتاعت التوكيل في ليبيا وضرايب العربية هناك)
3/ ايام الثورة الليبية الحدود المصرية الليبية بتبقا مفتوحة بطريقة غبية يعني احنا مثلا رجعنا ايام الثورة الليبية وكان معانا شنط بالهبل ومفتشوناش ولا حاجة خلونا نعدي بمنتهى السهولة من غير اي اجراء حتى جوازات السفر مبصوش عليها
4/ في حتت في ليبيا مش فاكر اسمها بس هيا عبارة عن مقلب زبالة للعربيات ودي في منها عربيات كتيرة جدا بتبقا حالتها متوسطة او مخبوطة يعني عربية عاملة حادثة عربية راشة دواخل عربية عايزة عمرة عربية .. الخ وفي بعض العربيات بتبقا حالتها كويسة بس عايزة شوية شغل
5/ في تجار عربيات كتير بياخدوا العربيات من هناك وياخدوا طبعا اللي حالتها كويسة او نص نص ويضبطوها ويرجعوها لحالتها الاصلية واحيانا بيصفروا العدادات ويبيعوها على انها زيرو بس دول كانت السلطات الليبية بتعتقلهم قبل الثورة الليبية طبعا
6/ بعد الثورة الليبية وحالة الانفلات الامني التجار دول بداوا يشتغلوا اسرع من الصاروخ وابويا عرف انهم بيهربوا عربيات مصر
7/ خلاصة الكلام ان 99.9% من العربيات اللي جاية من ليبيا مهربة وداخلة مصر بطريقة من غير قانونية و 00.1% منها داخل بطريقة قانونية بالجمارك والورق
8/ 99% من العربيات اللي جاية من ليبيا بتكون متصلحة وملعوب فيها ومش زيرو ولا حاجة و1% منها بتبقا عربيات حالتها كويسة فعلا
عموما انا انصح اي حد يبعد عن العربيات المتهربة دي ويجيب العربيات من التوكيل المعتمد حتى لو غالية بس على الاقل هتركب حاجة مضمونة وعليها ضمان ضد اي عيوب الصناعة