المشاركة الأصلية كتبت بواسطة احمد على 1999 (المشاركة 745127)

انا اؤيد الراى الاول
لان حساس الاكسوجين لو باظ حيلخبط نسبة البنزين و فى حالتك بيخلى الخليط غنى بالبنزين فكأن العربية حتشرق و طبعا الحرق غير كامل
+ طبعا ال سكان مطلع حساس اكسوجين
فا بإن الله مع تغيير حساس الاكسوجين حتختفى المشكلة

ملحوظة : حساس الاكسوجين مش حيرجع البنزين الغير محروق عشان يتحرق تانى
لا هو اصلا بيحس بنسبة الاكسوجين فى العادم و بناءا عليها الكنترول بيقرر كمية البنزين المطلوبة من خلال التحكم فى مقدار زمن فتح الرشاش
لمحاولة الوصول لعادم خالى من الاكسوجين او اقل نسبة اكسوجين ممكنة لضمان الاحتراق القريب قدر الامكان من الكامل

المشاركة الأصلية كتبت بواسطة محمود زيزوو (المشاركة 745132)

يا باشا دة حساس الاكسجين عايز يتغير كان عندى نفس الموضوع وجيبتو استيراد 150 جنية وعلى التجربة وبقيت مية مية بعد كدة

المشاركة الأصلية كتبت بواسطة Aveo2 (المشاركة 745317)

شكرا للرد و لدي سؤال هل حساس الأكسجن هو حساس الشكمان و هل يفضل تغييره جديد ام استيراد و هل نصح بغيير قلب طلمبة البنزين او اي حساسات اخرى شكرا لإهتمامك

المشاركة الأصلية كتبت بواسطة احمد على 1999 (المشاركة 745389)

حساس الاكسوجين بيسموه مجازا حساس الشاكمان اكمنه راكب على الشاكمان
حكاية جديد و لا استعمال مش عارف
متغيرش اى حساس تانى طالما مش طالع فى ال سكان
قبل ما تشك فى مضخة البنزين لازم تحل مشكلة حساس الاكسوجين الاول و اللمبة تطفى و تشوف الوضع حيبقى ايه يمكن ان شاء الله كله يبقى تمام
لا ينصح بتغيير حاجات كتير مرة واحدة لان ممكن تغير حاجة كانت سليمة على الفاضى