مصر موتورز مجتمع السيارات - فين المهندس/ سمير عياد ........والاستاذ/ أبو فاروق ؟؟؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: فين المهندس/ سمير عياد ........والاستاذ/ أبو فاروق ؟؟؟؟

اقتباس:

المشاركة الأصلية كتبت بواسطة Ayman_Nazeih (المشاركة 750393)

أخر حاجة اعرفها عن المهندس / سمير انه كان اتوقف لمدة 5 أيام بس..... ومن ساعتها مفيش حس ولا خبر!!!!
أما الاستاذ / أبو فاروق كان كاتب موضوع انه مسافر الصين وبيقول ادعولى وبرده من ساعتها لا حس ولا خبر!!!!!!!
يا ريت حد من الادارة يفيدنا وكمان نعرف اسباب الايقاف....وشكراً

سمير عياد فعلا اتوقف 5 ايام بس علشان حصلت مشكلة مع عضو تاني في قسم الثورة والموضوع قلب خناقة وهيا اصلا قصة طويلة جدا
اما بخصوص ابو فاروق اتوقفت عضويته بسبب انه تم اكتشاف تطابق رقم الـip بين ابو فاروق وعضو تاني في المنتدى مش فاكر اسمه بالضبط يعني ابوفاروق كان منتحل شخصية عضو تاني في المنتدى ودا مخالف لقوانين المنتدى
علشان كده اتوقف عضويته هوا والعضو التاني دا
اما سمير عياد حاليا عضويته مفعلة بس هوا مش بيخش المنتدى الفترة دي

رد: فين المهندس/ سمير عياد ........والاستاذ/ أبو فاروق ؟؟؟؟

استاذ ابو فاروق اتوقفت عضويته
لان رقم الاي بى بتاعه نفس بتاع العضوه سهير الجنزورى
فالاداره بتقول ان العضويتين بتوع شخص واحد
فاتلغت

بالنسبه لبشهمندس سمير
فعضويته شغاله
بس هو قرر انه ميدخلش المنتدى تانى
بسبب خلاف بينه و بين
استاذ ابو نورا ( صاحب المنتدى )

رد: فين المهندس/ سمير عياد ........والاستاذ/ أبو فاروق ؟؟؟؟

شكراً يا يحيى ربنا يكرمك على التوضيح ده
بس انا عايز اعرف معلومة فنيه بخصوص الـ IP_Adress ده بيبقى رقم ثابت لكل افراد الاسرة اللى بيستخدموا الانترنت من اشتراك واحد على رقم تليفون منزلى ،،،، وبكده اذا كان واحد من افراد الاسرة مشترك فى المنتدى وواحد تانى اشترك فى نفس المنتدى هيبقى بنفس رقم الـ IP_Adress ولا هيبقى مختلف.
ياريت حد يوضحلى المعلومة دى علشان نستفيد كلنا.
وألف شكر،،،

رد: فين المهندس/ سمير عياد ........والاستاذ/ أبو فاروق ؟؟؟؟

اقتباس:

المشاركة الأصلية كتبت بواسطة Ayman_Nazeih (المشاركة 750783)

شكراً يا يحيى ربنا يكرمك على التوضيح ده
بس انا عايز اعرف معلومة فنيه بخصوص الـ IP_Adress ده بيبقى رقم ثابت لكل افراد الاسرة اللى بيستخدموا الانترنت من اشتراك واحد على رقم تليفون منزلى ،،،، وبكده اذا كان واحد من افراد الاسرة مشترك فى المنتدى وواحد تانى اشترك فى نفس المنتدى هيبقى بنفس رقم الـ IP_Adress ولا هيبقى مختلف.
ياريت حد يوضحلى المعلومة دى علشان نستفيد كلنا.
وألف شكر،،،

على حسب معلوماتي
انتا دلوقتي شغال على جهاز وموصل نت
يبقا انتا ليك رقم اي بي خاص بيك انتا او بمعنى اصح خاص بالجهاز
بخصوص موضوع ان واحد من الاسرة يسجل مكانك
دلوقتي اللي بيسجل في المنتدى يا اما بيكون عايز يسال او يستفسر بخصوص العربيات او بيكون عايز يكتب مواضيع او .. الخ
وبما انك مسجل في المنتدى ممكن انتا تسال او تكتب الموضوع دا لو حد من الاسرة عايز كده بدل ما يسجل وتحصل مشاكل علشان الاي بي والكلام دا

رد: فين المهندس/ سمير عياد ........والاستاذ/ أبو فاروق ؟؟؟؟

اقتباس:

المشاركة الأصلية كتبت بواسطة Ayman_Nazeih (المشاركة 750783)

ال Ip ليه علاقه بالجهاز وكل جهاز كمبيوتر ليه ip مختلف يعنى لو شخصين عملم اكونتين على المنتدي على نفس الجهاز لما يدخلم ال ip هيبقه واحد فلو بيلغم ال ip المتشابه هيلغم الاكونتين دى فكرة ال Ip مش عارف بقه هوه ليهم طريقه تانيه يتاكدم ولا لا. ولو عايز تتجنب الموضوع ده ممكن تفتح برنامج اللى بيخفي ال Ip زى واحد اسمه hotspot shield