رد: مرسيدس وBMW: صراع الجبابرة
 

والله هى مقارنة صعبة جدا يا جماعة
و دايما لما اتنين يتكلمو فيها بحس انهم بيتكلمو عن الاهلى و الزمالك ... زى صراع الديوك يعنى :) مع الاحتفاظ بالفارق الفظيع طبعا فى صالح الأهلى :)

بصو يا رجالة أنا بما انى كنت فى يوم من الايام من مالكى المرسيدس و ليا اصحاب كتير من مالكى البى ام
فا انا بتكلم من واقع تجربة ..
من حيث الرفاهية ... بجد صعب جدا افرق بين الاتنين و كل ما واحدة منهم تنزل اوبشن تقوم التانية منزلة اوبشن اقوى منه و هكذا فا هما الاتنين متساويين ..
من حيث الاداء ... البى ام تتفوق كأداء رياضى (سرعة و تسارع و شكل شبابى جذاب جدا ) و تتفوق المرسيدس فى (الثبات و القدرة على التحكم)
من حيث الاعتمادية .. البى ام حساسة جدا و عاوز واحد يعاملها بالشوكة و السكينة ,,, أما المرسيدس فهى عربية فحت و ردم من الاخر.. يعنى ما شاء الله بتدوس فى اى حاجة ..
من حيث قطع الغيار ... الاتنين نار يا حبيبى نار و ان كانت البى ام اغلى هنا فى الكويت و طبعا ده بيعتمد على الوكيل.

لو انا معايا تمنهم و بفاضل بين الاتنين .... هجيب مرسيدس بس هيبقى نفسى فى البى ام :)

و لو افتكرت حاجة تانية هكتبها لكم يا رجالة بإذن الله

و الف شكر على الموضوع الاكثر من رائع

رد: مرسيدس وBMW: صراع الجبابرة
 

مشكور اخي الفاضل للتوضيح
ولكن انا من رآى عكسك تماما
يعني انا اجيب البي ام واخلى نفسي في المرسيدس

رد: مرسيدس وBMW: صراع الجبابرة
 

معلهش يا باشا بقى دى أذواق,, و لولا اختلاف الاذواق لبارت السلع :) و مش مشكلة يا سيدى ابقى اجيب انا مرسيدس و انت بى ام و نظبط فى طنطا احنا الاتنين.

انا ممكن أأجر بى ام كام يوم لكن مش ممكن اشترى بى ام مع احترامى ليها طبعا بس انا بحب اركب عربية اثق فيها و اعتمد عليها و اكتر عربية بتحقق لى ده هى المرسيدس بلا منافس ولا منازع

(و بدأنا الجدل بتاع الاهلى و الزمالك ) :)

رد: مرسيدس وBMW: صراع الجبابرة
 

و بعدين يا كابو معلهش .... تصميمات ايه اللى بى ام عملتها اكتر من مرسيدس ...... دى جميع سيارات الركاب العادية من مرسيدس و بى ام و دى العربيات اللى عليها علامة مرسيدس و بى ام يعنى هنستبعد الحاجات المعمولة مخصوص للسباقات بجانب السمارت و المينى و المكلارين و المايباخ و الرولز و خلى بالك من المايباخ و الرولز رويس واحدة منهم تبع مرسيدس و التانية تبع بى ام ( بهدلة والله :) )

و عدهم انت يا باشا و قولى مين الاكتر و لو انا ناسى حاجة كمل انت ....جل من لا يسهو

مرسيدس

s class
E class
c class
B class
R class
G class
GL class
M class
A class
sl class
cl class
slk class
clk class
slr class
clc class
cls class
Glk class
AMG on all classes


BMW

7 series
6 series
5 series
3 series
1 seris
z series
x5
x6
x3
M power on all series



و كمان بى ام لسة ماعملتش عربية سوبر سبورت زى SLR

رد: مرسيدس وBMW: صراع الجبابرة