مصر موتورز مجتمع السيارات - الدركسيون بيعوم !!!!!

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - الدركسيون بيعوم !!!!! (https://www.masrmotors.com/vb/showthread.php?t=95023)

رد: الدركسيون بيعوم !!!!!

اقتباس:

المشاركة الأصلية كتبت بواسطة dr.death (المشاركة 739148)

التعويم والرعشة في الدركسيون أسببها الاتي وياريت تتبع الخطوات بالترتيب : 1_ ضبط ضغط الكاوتش 2_ الكشف علي جسم الجنط لاحتمالية انعواج أو تشوه .. نتيجة النقر او البلاعات اللي ماليه الشوارع 3-ظبط زوايا واتزان العجل 4_ ترصيص العجل واي استفسار أنا في الخدمة

واحب اضيف ان ممكن يكون في عيب في الطمبور

رد: الدركسيون بيعوم !!!!!

اقتباس:

المشاركة الأصلية كتبت بواسطة queen (المشاركة 739104)

حد يقدر يفهمنى العربيه فجأه بعد ال 100 بقى الدركسيون فيه رعشه جامده وبحس انى مش متحكمه فيه كويس
مع العلم انا عامله 5000 بس ولسه مغيره كوبلن يمين من اسبوع كان نتيجه خبطه قبل كده فهل ممكن يكون الكوبلن ده هو السبب ولا ملوش علاقه بالدركسيون:shyy:

طالما الخبطة قلبت الكوبلن يبقى أكيد كمان كان فيه مشكلة فى العفشة وعلشان بتعمل اى شغل فى العفشة يبقى لازم نظبط بعدها زوايا علشان العربية تظبط معانا
وبعدين حالة الكاوتش والترصيص وحاله الجنط اللى اتخبط واتعوج ؟؟

ماهو طالما الخبطة بوظت الكوبلن يبقى بالسلامة كل الحجات اللى فوق دول ومش هتظبط العربية غير تغيير اللازم وشغل نضيف

لو غير كده ماتمشيش بالعربية اكتر من 60

رد: الدركسيون بيعوم !!!!!

شكرا لكل اللى جاوبنى والعربيه اسبيرانزا 113
بس الخبطه على فكره بوظت المساعد والكوبلن اليمين لكن محصلش حاجه فى الجنوط لا اعوجاج ولا حاجه الكاوتش بس هو اللى اتدمر وغيرته
وبالنسبه لموضوع ظبط زوايا وترصيص الميكانيكى اللى غير الكوبلن قالى انها مش محتاجه لهم وسألنى اذا كانت بتحدف يمين او شمال وقلت له لأ قال خلاص مالوش لازمه. بس الحقيقه انا مقتنعتش الله يسامحه بقى
عموما هاشوف اى بنزينه اعمل فيها الموضوع ده وشكلى كده هاضطر ادور على عفشجى بعد كده ... المهم بس ادعولى متكونش مشكله فى علبه الدركسيون لانها غاليه والواحد اتهرى وانا لسه معملتش 6000 حتى:crazyW14: