رد: هل وضع السيارة فى جراج يؤمن عليها ولا زى ركنها تحت البيت ؟
 

ــــ هل وضع السيارة فى جراج يؤمن عليها ولا زى ركنها تحت البيت ؟ لو انتا تعرف الراجل صاحب الجراج يبقا كويس انما لو متعرفوش يبقا الموضوع مش كويس وثانيا ظهر عندينا فو سوهاج ظاهرة ان اصحاب الجرارجا بيسوقوا العربيات المركونة عندهم من غير ما حد يعرف ـــــــــــــــــــــــــ ـــــــــــــــــــــــــ ـــــــــــــــــ ــــ من فضلكم كنت عاوز اعرف التعامل مع الجراج ازاى ؟ يعنى بيكون فى حارس ؟ طب بياخد دخان اد ا يه والاشتراك اد ايه ؟ طبعا في هحارس بيبقا على الجراج وبياخد مبلغ شهري ممكن 100 جنيه شهريا او اكتر ـــــــــــــــــــــــــ ـــــــــــــــــــــــــ ـــــــــــــــــ ــــ هل لازم اسيب العربيه مموره ؟ ومينفعش احط كلابش عجل ليها ؟ لأ الافضل طبعا تسيبها ممورة وتجيب كلبش دركسيون افضل من بتاع العجل دا ـــــــــــــــــــــــــ ـــــــــــــــــــــــــ ـــــــــــــــــ ــــ وهل جراج بحارس افضل ؟ ولا ممكن احطها جوه محل واقفل عليها وخلاص ؟ في محلات بتتباع بتكون مساحتها صغيرة ويادوب بتكفي العربية ممكن لو اشتريت محل من دول يبقا افضل مليون مرة من اي جراج وبالذات ان المفتاح بيكون معاك مش مع الحارس فلذلك انا افضل حكاية المحل دي ـــــــــــــــــــــــــ ـــــــــــــــــــــــــ ـــــــــــــــــ ــــ هل بيكون فى مواعيد معينه له ولا ممكن اطلع وادخل براحتى حتى لو 100 مره فى اليوم ؟ ادخل واطلع براحتك ولا يهمك دي عربيتك وانتا حر فيها يا معلم هيا كانت عربية ابوهم علشان يمنعوك من ركوبها ـــــــــــــــــــــــــ ـــــــــــــــــــــــــ ـــــــــــــــــ

رد: هل وضع السيارة فى جراج يؤمن عليها ولا زى ركنها تحت البيت ؟
 

شكرا جزيلا لاهتمام حضراتكم:Wkiss5:
وربنا يحفظنا جميعا يارب

ممكن تساعدونى بافضل جهاز gps موجود فى السوق

رد: هل وضع السيارة فى جراج يؤمن عليها ولا زى ركنها تحت البيت ؟
 

اهلا بيك يا استاذ انا هرد عليك نقطة نقطة من خلال تجارب شخصية

السلام عليكم ورحمة الله وبركاته
اولا الله خير الحافظين
ثانيا لست ادرى ان موضوعى هذا فى المكان المناسب ام لا ؟

هل وضع السيارة فى جراج يؤمن عليها ولا زى ركنها تحت البيت ؟
وضع السيارة فى جراج سلاح ذو حدين لكن انا شايف انه زيه زى تحت البيت و يمكن احيانا بيكون تحت البيت أأمن هتقولى ازاى هرد على اسئلتك و للعلم ده من خلال تجربة شخصية.

من فضلكم كنت عاوز اعرف التعامل مع الجراج ازاى ؟
يعنى بيكون فى حارس ؟ طب بياخد دخان اد ا يه والاشتراك اد ايه ؟
من كام سنة قول من 4 سنين كنت بدفع 100 جراج و 10 عمال دلوقتى اقل عربية مش اقل من 150 و 20 عمال على الاقل.

هل لازم اسيب العربيه مموره ؟ ومينفعش احط كلابش عجل ليها ؟
كتير من الجراجات بتلزمك بترك المفتاح مش بس ممورة و انسى كلابش العجل ده خالص و كلابش الدركسيون كمان لانى حضرة العامل المتواجد فى الجراج مش هيقعد يحل و يربط فى كل عربية بيركبها و لو انت حطيت الحاجات دى و انت بتركن حتلاقيها متشالة لانه بيحرك العربية دايما و بيبقى عنده زحمة خاصة وقت خروج الناس لشغلها فانسى اى كلابشات.

وهل جراج بحارس افضل ؟ ولا ممكن احطها جوه محل واقفل عليها وخلاص ؟
محل و تكلبش و تقفل زى ما انت عايز يبقى افضل مليون مرة طبعاَ.

هل بيكون فى مواعيد معينه له ولا ممكن اطلع وادخل براحتى حتى لو 100 مره فى اليوم ؟
كان فيه جراج بيقولى قبل ما تطلع تحدد ميعاد من اليوم اللى قبله او تتصل بالتليفون اجهز لك العربية يعنى لو عندى مشوار طارئ فجأة ولا زم اخرج يبقى اسيب العربية و اخد تاكسى.:011:MAD

اما عن مواقف الجراج فحدث و لا حرج طبعا البيه صاحب الجراج بيضطر انه يزنق العربيا فى بعض عشان المكان ياخد عربيات اكتر و يلم فلوس اكتر فكل مرة كنت بروح الاقى خبطة تجريحة ده غير صاحب العربية اللى كان بيصر انه يركن عربيته بنفسه MADDRIVE و هو مبيعرفش يركن و الضحية كانت عربيتى :fun_36_1_4[1]:.

و مرة رحت اخد العربية و كان بيطلع عربية تانية من نفس ماركة عربيتى لادا 2105 حتى كانت حمراء برضه و اللادا مفتاحها زى ما الكل عارف شمال و ليه طريقة معينة فى اخراجه و سيادة العامل المحترم كان لا يتعدى ال16 سنة و كان جاى من بلدهم طازة و كسر المفتاح فى الكونتكت و ده كان قدامى و لما تروح تقول العربية اتخبطت و لا المفتاح اتكسر و لا غيره متلاقيش غير اعذار واهية و كل واحد يقولك مكنتش ورديتى و الخلاصة الكلمة العقيمة اياها معلش :01964E~163:

موقف خطير خلانى انسى كلمة جراج و حصل مع مديرة المبيعات فى الشركة اللى انا بشتغل فيها و هى انى عامل الجراج المبجل قام باخراج سيارتها من الجراج لاخراج سيارة اخرى ثم اعادة سيارتها مرة تانية فى مكانها لكن البيه طلع عربيتها و كسل يبطلها و يسحب المفتاح و دخل يطلع العربية التانية و هو لسه بيدور العربية بتاعة الست كانت ماشية قدامه و لحد دلوقتى لا احد يعلم عنها اى شئ فبقدر الامكان ابتعد عن الجراجات و نصيحتى.

لو العربية مفيهاش انذار و سنتر ركب لها و كلبش محترم للدركسيون و زيه للعجل لو تحب و غطاء و كل ده بيخلى الحرامى يبعد عن العربية تماما مش لشئ الا لانه عايز السهل مش لسه هيقعد يحل و يربط و يوقف انذار هيفضحه و هيشيل غطاء.
و ربنا يوفقك للصالح

انا من المنصورة
وعاوز عناوين جراج قريب من ش قناة السويس بالقرب من مدرسة فخر الابتدائية ؟
وتكايلفه وتفاصيله من فضلكم
معنديش فكرة للأسف و للأسف انا من القاهرة

متابع للاهميه
وشكرا جزيلا

رد: هل وضع السيارة فى جراج يؤمن عليها ولا زى ركنها تحت البيت ؟
 

رد: هل وضع السيارة فى جراج يؤمن عليها ولا زى ركنها تحت البيت ؟
 

طبعا الركنة فى جراج اأمن من الشارع بكتييييير
بس لو هتركن فى جراج ماتسيبش مفتاح عربيتك فى الجراج ابدااااااا
ولو مرضيوش يبقى بلاش منة احسن
انا عن تجربة كنت بركن فى جراج وعربيتى القديمة كان المارشدير بتاعها سوستة وتدى التانى
وجيت فى يوم نازل اخد العربية لقيت عصاية الفتيس مقطومة
وبعد كلام كتيير وزعيق اكتشفت ان العامل اللى فى الجراج ادى مفتاح العربية لواحد كانت عربيتى قافلة علية
والواحد دة الله يسامحة بقى قعد يحاول يدى مارش بالطريقة المعتادة اللى هى اخر العصاية يمين وطبعا ماكانش بييجى معاة فقطملى عصاية الفتيس