مصر موتورز مجتمع السيارات - جيت اكحلها عميتها

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - جيت اكحلها عميتها (https://www.masrmotors.com/vb/showthread.php?t=94651)

رد: جيت اكحلها عميتها

مش شرط تبقي عارف وضع الاسبراتير
المهم انك متكونش شيلت الاسبراتير من مكانه وتكون مجرد انك حركته بس

ادي ودنك لصوت الموتور وخلي ايدك فيها شوية سنس كده وانت بتحركها حركه براحه اوي ولاحظ تغيير صوت الموتور
الظبطه الصح حتلاقي صوت الموتور مش واطي او مكتوم حتلاقيه مظبوط لو مكتوم يبقي لسه محتاجه كهربا لحد متحسها ظبطت و دوس بنزين وشوف فيه ترتيل في المكنه ولا لا وجرب تاني اهم حاجه بعد متظبط بطل العربيه وجرب تدور تاني عشان المارش لو بيعتل حتحتاج تقلل سنه كهربا كمان
الموضوع ساهل بس محتاج تركيز وطولة بال:Wkiss5:

رد: جيت اكحلها عميتها

متابع عشان انا مش بقهم حاجه في الكهربا والموضوع بصراحه افدني كتير

رد: جيت اكحلها عميتها

يا باشا اشتغل فى العربية

وعك وفك واعمل كل حاجة

مش هتتعلم غير كده

لازم تتخنق فى الاول وتتضايق

بس لما تضبط معاك

هتبقى كانك عملت انجاز رهيب

انا كنت زيك واضل سبيل

وخدت العربية مشوار

وبعدين قعدت اوشوش الودع كانى بحايل طفل صغير

ساعة

ساعتين

المهم

طلعت مليون طلعة

لغاية ما ضبطت

رحت مطلع علبه البوية اللى كنت جايبها علشان اعلم بيها

وحطيت علامة صغيرة

وانسى

بقيت اسطى اسبيراتير

ومش بس كده

بقيت بضبط عربيات اصحابى

وابلاتين وكوندنسر

وكمان اشتريت اسبيراتير لواحد صاحبى وركبتهوله

العملية ممارسة

وفهم

ومحاولة وخطأ

غير كده

عمرك ما هتتعلم

تحياتى لكل المشاركين فى الموضوع

:Wkiss5:

رد: جيت اكحلها عميتها

اقتباس:

المشاركة الأصلية كتبت بواسطة borio1704 (المشاركة 736077)

بص يا باشا

الموضوع سهل بس عايز شوية تركيز

أول حاجة: العربية لازم تتظبط وهي دايرة

تاني حاجة: الظبط لازم يبقى والعربية سخنة... يفضل بعد مشوار متوسط (8 - 15 كم)

تالت حاجة: هدفك من الضبط 3 حاجات
1- العربية تديك أعلى سحب
2- العربية ما تسقفش
3- لو عندك RPM حاول دايما السلانسيه يبقى عند 800 - 900 RPM ... يعني يدوب أقل من الـ1

رابع حاجة: اعرف مكان مسامير ضبط الهواء والبنزين في الكربيراتير عشان احتمال كبير تحتاجهم

نيجي لكيفية الظبط

1- لما تفك مسمار الربط حركه الوش لحد نص مشواره ما بين أقل نقطة وأعلى نقطة

2- اربط ربطة خفيفة وبعدين دوس "امبليه" يعني دوسة بنزين جامدة وسريعة (ممكن تعملها من كبل الاكسيراتير اللي في الكربيراتير مباشرة... مش من دواسة البنزين)

3- لوسمعت تسقيف حرك الوش في اتجاه تقليل الكهرباء... يعني الاتجاه اللي يخلي صوت الموتور يوطى، ودوس أمبليه

4- لو ما سمعتش تسقيف حرك الوش في الاتجاه التاني، ودوس أمبليه

5- هتفضل كده لحد ما توصل للنقطة اللي قبل التسقيف مباشرة، واربط على كده

لو حسيت إن العربية صوتها واطي أو عالي (الـRPM مش على 800 أو 900)... لازم تظبط الخليط عشان تظبط استهلاك البنزين

هدفك من الضبط إنك توصل لـRPM ما بين 800-900 والموتور مش بيرجرج

وطريقة الظبط هي:

1- روح لمسمار البنزين وزوده أو قلله لحد ما يوصل للـRPM اللي احنا عايزينه

2- روح لمسمار الهواء وحركه لحد ما توصل لأحسن وضع تلاقي الموتور مش بيرجرج

3- يمكن تلاقي نفسك عايز تظبط البنزين تاني

4- يمكن تلاقي نفسك عايز تظبط الكهرباء تاني كمان

يا رب أكون فدتك

وطمنا عملت إيه

مش عارف اقولك اية والله :Wkiss5:
جزاك الله كل خير

بالنسبة لنقطة الاسبراتير انا اللى فهمتة انى حظبطة على النص واجرب امبلية لو لاقيتها بتسقف اأخر كهرباء واشوف لو ظبطت اقعد اقدم كهرباء لحد قبل ما تسقف مباشرة عشان الكهرباء ماتبقاش واطية ولا عالية صح ؟!!!

وبالنسبة لمسمار الهواء والبنزين انا فعلا عندى ار بى ام وهو حاليا مظبوط على حوالى 800-900 ومع تقديم الكهرباء على الاخر بيوصل 1000
فهل كدة برضة هحتاج اظبطة ولا هو كدة تمام ؟!!

رد: جيت اكحلها عميتها

اقتباس:

المشاركة الأصلية كتبت بواسطة screamseko (المشاركة 736079)

مشكور جدا ياباشا على الرد والاهتمام وجزاك الله كل خير

اقتباس:

المشاركة الأصلية كتبت بواسطة الهولندى الطائر (المشاركة 736257)

اصلى والله يا كبير:THUMBS~220:
انا ناوى برضو اعمل كدة وافك واعك واخرب الدنيا :3_8_14:لحد ما اتعلم