|
رد: قرار صعب جدا ... أرجو من ملاك اسبرانزا a516 مساعدتي عليه
اقتباس:
أنا تمام الحمد لله أزيك أنت يا محمد والله انت كلك ذوق وأخلاق وصدق الشاعر حين قال (طنطا ولادة) ان شاء الله توصل بالسلامة ونشوفك .... ده شئ يشرفني يا غالي اقتباس:
والله على قد الواحد ما بينصح الناس و يحاول يسهل لهم قرار شراء العربية لكن الواحد لما بيتحط في نفس الموقف بيلاقي أنه صعب جدا وخصوصا للي زي حالاتي لأني عارف ان حيبقى من الصعب بل من المستحيل اني أعوض أي قرش ممكن أخسره من العربية ان شاء الله العربية مش حتقعد معايا أقل من 5 سنين يعني مش حفكر في البيع بسرعة أنا حاليا طبيب امتياز ممكن ساعتها يكون الواحد استقر وضعه شوية أو شفت لي سفرية في الحالة دي ممكن أفكر في البيع...فيما عدا ذلك ان شاء الله أحتفظ بالعربية الصراحة انا قلبي مستريح للاسبرانزا وشكلي (حخش عليها زي ما قلت) فكرتني بعادل أمام لما كان بيقول (لابد أن يدخل بها...هههههه) اقتباس:
|
رد: قرار صعب جدا ... أرجو من ملاك اسبرانزا a516 مساعدتي عليه
انا بجد مش عارف انصحك ،،
رغم اني مختار في نفس الفئة دي ،، و اختارت فيرنا ،، و انا معترف في نفس الوقت ان الفيرنا او اللانوس مالهمشي جاذبية الاسبرانزا و لا جنوط اسبور و لا ايه بي اس و لا اير باجز و صالون الاسبرانزا اشيك برده بس انا بخاف من المغامرة ،،،، نصيحتي ليك انتا مش بتشتري عربية زيرو كل يوم لا اضغط علي نفسك و اشتري افضل عربية ممكن تركبها لانك ساعة ماشتريت عربية زيرو هيكون نوع من السفه انك تغيرها قبل اربع سنين مثلا فاشتري اكتر عربية متزهقشي منها بسرعة ،، انا هاقولك نصيحة بقولها لاي حد ،، في الفئة دي امسك العصاية من النص ،، زود حاجة بسيطة و اشتري نيو اكسنت او جيتز الجيتز صالونها بنفس وسع اي عربية من دول ناقصه بس الشنطة و النيو اكسنت شكل حديث و موتور حديث و صالون افضل منهم كلهم ،، بس قطع غيارها غالية شوية ،، و مش هيفرق معاك كتير بعد مد ضمان هيونداي ل 100 الف كم بجد الخمس او السبعتلاف جنية اللي هتزودهم في وجهة نظري افضل قيمة مقابل للفلوس في الفئة دي خدت شكل حديث مش اللانوس اللي بتنزل من 97 و تلاقيها مع تلت اربع قرايبك و اصحابك و مثلها الفيرنا ،، و الأهم عربية تقفيل بلادها |
رد: قرار صعب جدا ... أرجو من ملاك اسبرانزا a516 مساعدتي عليه
رأيي طالما حضرتك متردد و محتار اوي كده .. تجرب العربيه الاول ...
يعني تشوف زميل ليك تكون عنده او تأجرها لمده يوم كامل .... ومن التجربه الشخصيه تقدر تحكم على العربيه ... هل الاداء و التقفيل و الكماليات مريحينك و مبسوط بيها ... بيقى توكل على الله وربنا يبارك .. لو حسيت انك لسه متردد او محتار يبقى بلاش منها خالص ... وساعتها تحاول تتكى على نفسك شويه و تجيب حاجه اعلا شويه .... او كسر زيرو ومتفكرش لا في الفيرنا و لا في اللنوس طالما مستريحتش ليهم من الاول ... وزي ما قال دكتور بلبلان ... اهم حاجه تكون مستريح للعربيه ... وزي ما قال ابونورا ... العربيات في الرينج ده وارد يكون فيها عيوب تقفيل معتاده .. لأن الحيره و التردد بعد فتره بيبقو ندم و تلاقي نفسك بتدور على عيوب العربيه وتقول يا ريتني كنت زودت شويه او جبت العربيه الفلاني ... مع ان العربيه ممكن تكون زي الفل و مفيهاش الهوا .. او عيوب بسيطه لكن طبيعه النفس البشريه ... الحيره معناها القلق ... و القلق حيفضل موجود ... وممكن لو جربتها قلقك يروح وتقتنع بيها ... او تصرف عنها النظر تماما .. ومبروك مقدما |
رد: قرار صعب جدا ... أرجو من ملاك اسبرانزا a516 مساعدتي عليه
راي احمد انور عين العقل والله
فعلا الواحد بيشتري عربيه كل فين و فين و محدش يعرف حاجه عن الاسبرنزا و علي اعتماديتها و احسن نصيحه ممكن اقدمهالك هي النيو اكسنت واسعه تقفيل كويس موتور كويس شكل كويس فرق بسيط في السعر و ربنا يقدم الفيه الخير |
رد: قرار صعب جدا ... أرجو من ملاك اسبرانزا a516 مساعدتي عليه
(ولله انا عملت الاستخارة مرتين وبستشير برضه وربنا يكرم..ادعولي)
لا يا دكتور درش ! ما ينفعش بعد استخارة ربنا تستشير حد تانى! لآن الاستخاره استشاره ! اعمل استخاره أخيره و توكل على الله ! Dr. Bolbolan ptmnlo123per1127 |
| الساعة الآن 06:22 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017