مصر موتورز مجتمع السيارات - إزاز العربية إتكسر في خناقة

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - إزاز العربية إتكسر في خناقة (https://www.masrmotors.com/vb/showthread.php?t=93486)

رد: إزاز العربية إتكسر في خناقة

اقتباس:

المشاركة الأصلية كتبت بواسطة TELEBK (المشاركة 727295)

الخوف إن العملية ماتخلصش لإني عرفت إن فيه ناس إتعورت والخناقات ديه مابتخلصش في مره واحدة ، وربنا يستر علشان كده أنا مش عارف أعمل إيه .

يبقى حضرتك تروح تركب الازاز اللى اتكسر

وتجيب فليين بتاع التلاجات وتحطه على ازاز العربيه وتغطى فوقيه الغطا وتطلع وانت حاطط فى بطنك بطيخه صيفى ومفيش حاجه تحصل للازاز تانى لو عملوا ايه ان شاء الله

ولو مفيش فلليين ممكن تجيبر كراتين بتاعت الغسالات او التلاجات او كدا وتقصها مظبوط على ازاز العربيه القدامانى والورانى ويفضل تعملها طبقتين وتحطها على الازاز الادمانى والورانى وفقيهم غطا العربيه وتتاكد انهم بعد ما تغطى العربيه وغطيين الازاز كويس وبالنسبه للزجاج الامامى ممكن تقفل عليهم بالمساحات
والزجاج الخلفى لو فيه مساحات اقفل عليهم بيه لو مفيش يبقى اى بكر سوليتب تخيين والزق بيه
وكده ان شاء الله مفيش حاجه هتحصل ان شاء الله وعلى فكره انا كان العيال بتحدف طوب وكدا فى شارعنا علشان قدامنا مدرسه وكدا وكان كل يوم على الاقل عربيه ازازها يتكسر وجت ليا الفكره ديه وعملتها والحمد لله اكثر من ممتازة بفضل ربنا

رد: إزاز العربية إتكسر في خناقة

قد الله وما شاء فعل..

ونصيحة اخوية - عشان انا مجرب عندنا -

حط العربية في جراج بعيد عن منزلك احسن

رد: إزاز العربية إتكسر في خناقة

اقتباس:

المشاركة الأصلية كتبت بواسطة TELEBK (المشاركة 727279)

الحمد لله العظيم الذي لايحمد علي مكروه سواه ، النهاردة بعد الفطار فجأه لقيت صوت زعيق جامد في الشارع وضرب نار وصويت ، المهم خرجت لقيت الشارع عبارة عن معركة بين طرفين ، وكل طرف عبارة عن 40 شخص وكل واحد ماسك في إيد مطوة والإيد التانية طوبه وكله شغال ضرب في بعض ده غير ضرب النار ، والشارع كله عرضة 8 متر وكل شوية يرموا طوبه تيجي في عربية من العربيات إللي واقفة ، وطبعا محدش من الناس والسكان قادر ينزل في الشارع الكل خايف من الطوب وضرب النار .
المهم بعد ما المعركة ماخلصت نزلت شلت الغطا من علي العربية وبصيت عليها لقيت الإزاز الوراني بتاعها مفشفش خالص ، وهيه إكسبلوجن 2 وإزازها مختلف عن التريوس لإن فيه خرم زيادة من فوق ولازم يتركب في التوكيل وربنا يستر علي سعره ، ده غير إن فيه واحده جارتي معاها كيا سيراتو لسة جايباها الشهر ده إزازها الأمامي إتكسر وواحد تاني إزازه الأمامي برضة إتكسر والله أعلم مين تاني ، ده غير طبعا كام نقره في الصاج علي الكبوت الأمامي عندي نتيجة رمي الطوب .
وبعد كده عرفت إن الخناقة بين ناس عندنا في الشارع وبين جماعة تانية ، وإتصلت بالنجده قالولي تعرف حد تتهمة لما تروح تبلغ قولت ليهم لأ طبعا قالي إللي بيكلمني عوضك علي الله يعني حنروح نلم 40 واحد إزاي ، فمش عارف أعمل إيه هل أروح لطرف الخناقة إللي من عندنا وأتكلم معاهم وعلي فكره هما ناس لبط وبتوع مشاكل وفي الغالب مش حاخد منهم لاحق ولا باطل ، ولا أستعوض ربنا والحمد لله وفدا بناتي ، ولا أعمل إيه ، أنا من ساعتها ضغطي عالي ومش عارف أعمل إيه .

استعوض ربنا وباذن الله ربنا هينتقم منهم . والازاز اعمله في التوكيل او عند حد متخصص .

رد: إزاز العربية إتكسر في خناقة

إحتسب عوضك عند الله اللذي لا يضيع عنده حق أبدااااا.
عموما علشان تبقى متطمن أ،ا مع الرأي الي بيقول كراج بعيد عن البيت وخلاص ودا أريح للكل على فكرة.
إنتا عارف المشكلة مش فيك ولا عليهم فعلا الي عمل المشكلة دي الحقير الي قالك وأنا أعملك إيه ياعني لأني من واجبه إنه ينزل يتحرى ويبحث ويجيب أطراف المشكلة يتعاقبوا على الي عملوه في أموال الناس وترويع الآمنين دا غير السلاح الي لازم عليه يجيبه من تحت الأرض وإلا إزاي دي تبقى بلد آمنه لو فيه سلاح مع أمثال الهمج دول.
حسبي الله ونعم الوكيل في كل واحد قاعد على مكتبه ومابيعملشي شغله وبيقبض آخر الشهر سحت ويحط في بطن عياله حرام.

رد: إزاز العربية إتكسر في خناقة

قدر الله و ماشاء فعل
استعوض ربنا......الحق مابيضيعش عند ربنا
وبلاش تتكلم مع الناس دى وتجنبها وربنا يحفظك من كل سوء
ROSE4U