رد: ازاي استلم لوجان اتوماتيك 2013 ؟!؟!
 

معلش ورقة السيريال ده شكلها ايه عشان مش لاقيها معاى خالص

رد: ازاي استلم لوجان اتوماتيك 2013 ؟!؟!
 

لو هتقل على حضرتك ممكن تصوريها وتمسحى الرقم بتاعك من عليها او ترفعى اى صورة شبهها

رد: ازاي استلم لوجان اتوماتيك 2013 ؟!؟!
 

بص لما بتشتري لعبة مش بيبقى فيه حتت ورقة أو Lable مكتوب عليها الماركة متعلقة في ودن الدبدوب مثلاً
ده ورقة عليها شعار لوجان و متثبتة مع المفاتيح في أفيز أو حتت بلاستيك زي بتاعت الهدوم و اللعب و ممكن لو مشتري من برا التوكيل يكونوا حاطينها في التابلوه دور كويس بس إن شاء الله حتلاقيها أنا الورقة بتاعتي حفظت السيريال و حرقتها علشان
حتى لو عذبوني مش حقر و أعترف على لوجي

بأمر الله حتلاقيها هنا و لا هناك و يمكن حد من الأطفال عندك لعب بيها

رد: ازاي استلم لوجان اتوماتيك 2013 ؟!؟!
 

طيب معلش هل التامين مهم وايه ارخص واحسن وسيلة للتامين

رد: ازاي استلم لوجان اتوماتيك 2013 ؟!؟!
 

قبل الترخيص لأ لكن بيوفر عليك المعاينة
أفضل وسيلة للتأمين تركنها في جراج خاص و أوعى تسيب مفتاحها لحد تحت أي ظرف و تركب جهاز إنذار في التوكيل 1400ج أو تروح تستلمها الصبح بدري و تطلع ترخص على طول في نفس اليوم بعد ما تجيب شهادة البيانات أهم حاجة النمر علشان حقك ما يضيعش بعد كده التأمين ممكن تضبط مع الشركة تمليهم البيانات بالتليفون و قبل ما تروح المرور تعدي تدفع و تستلم يعني قبل ما تستلم بيوم تروح الشركة تسيب صورة البطاقة و صورة وصل الحجز و أنت في الطريق يجهزولك البوليصة تراجع الأسم و الشاسية و الماتور و تتوكل على الله تاني يوم أو في نفس اليوم ترخص
أنا عملت كده مع مندوبة التأمين ضبطها و أنا راجعة عديت على الشركة أخذت منها البوليصة و دفعت و أديتهم صورة الورق و لما رخصت بعتلهم صورة الرخصة
و دمتم
لحد ربنا ما يكرمك و تأمن تكميلي
يعني تمسك العصا من النصف
ترخص سنة بـ 800ج
و تأمن بحوالي 3500 أو 4000
ربنا يحفظهالك