|
رد: سير الكاتينة وفلتر البنزين فى اللوجان 2013
اقتباس:
|
رد: سير الكاتينة وفلتر البنزين فى اللوجان 2013
أنا سمعت معلومة عن الفلتر
اللوجان بتاخد بنزين (حسب الكتالوج) : 91 - 93 - 98 يعني بالمصري 92 - 95 مون 92 من بنزينة محترمة و مش حتندم كل أسبوع حط صفيحة 95 تغسل الطلمبة و تنظف الماكينة تحافظ بامر الله على الطلمبة و الفلتر و على فكرة الفلتر الداخلي منطقياً أفضل لسبب بسيط مش حيكون سهل حدوث مشكلة به من أي خبطة بسيطة أوي لعب من حد مش بيفهم كويس سير الكاتينة الكاوتشوك قد يكون أفضل لسبب معامل التمدد للكاوتشوك مختلف عن المعادن مع استمرار التشغيل أي انه يتجاوب مع متطلبات التشغيل بسرعة مثل شعرة الحرير أقوى من الصلب في بعض الاختبارات الفنية لأن لها استطالة أعلى تجعلها لا تنقطع بسرعة على عكس شعرة من الصلب بنفس القطر و الطول السير الكاوتشوك سيتم متابعته على فترات متقاربة لتغييره و لن تغفل عنه أما السير المعندني أو الجنزير ممكن أن تغفل عنه بحجة القوة و بالتالي السيارة تجيب وش سلندر لا قدر الله صحيح المصنعين بيحبوا يزودوا ستهلاكك لقطع الغيار لكن مش من مصلحتهم عمل تصميم حديث حتى لو شعبي يتسبب في عيوب قاتلة بالبلدي لو أبنك متحرك و بينكش في كل حاجة حيكون عندك فكرة مسبقة و عامل احتياطاتك أما لو أبنك سهن و سوسة ممكن تسيبه في البيت على إنه هادي ترجع اللهم احفظنا تلاقيه عامل مصيبة مربربة تابع السير كل 5000 كم و شيك على العربية يا سيدي قبل ما تخرج كل يوم و ربنا يحفظنا جميعاً بس لما أروح التوكيل حقطع ودانهم أسئلة في موضوع السير ده بأمر الله و حأنبهملك على الفلتر و لا تقلق تحياتي:CONGRA~238: |
رد: سير الكاتينة وفلتر البنزين فى اللوجان 2013
اقتباس:
|
رد: سير الكاتينة وفلتر البنزين فى اللوجان 2013
اقتباس:
أولاً موضوع البنزين 95 سمعته من سائق تاكسي محترف أعرفه اخذه من مهندس في توكيل عربيته ثانياً ما يقصدش إن البنزين فيه مواد مذيبة لأ يقصد يقلل نسبة الشوائب الداخلة بمعدل 80 لتر شهرياً يعني لو بتمون الملاكي مرتين في الإسبوع 100 لتر 92 تمون 80 لتر 92 و 20 لتر 95 ثالثاً موضوع سير الكاتينة ده أنا سمعت نصفه من مهندس ميكانيكا قال عن غيار الزيت 3000كم أفضل من 5000 و الـ 10000و سير الكاتينة الكاوتش لأنك مجبر تراجع عليهم و تغييرهم و بالتالي حتحافظ على عربيتك و عموماً لو العربية نازلة كده بأيدنا إيه غير إننا ننبه بعض و نشيك على العربية باستمرار :w6w200504112220146b لو الشركة المصنعة قاصدة زيادة معدل استهلاك قطع الغيار تبقى غبية لأن بالكثير 10 سنين و حيقف الإقبال على عربياتها إنما لو فيه سر في مادة تصنيع السير الأصلي زي ما عندنا في بعض سبائك قطع غيار محركات الماكينات الألماني و الهندي و غيرها يبقى مستحيل يلعب بارواح الناس و كمان مستحيل يديك سر الصنعة No How زي مكا بيقولوا في الخارج المهم المشكلة دلوقتي في كيفية الحفاظ على سير الكاتينة مش المشكلة إن الشركة من وجهة نظري خدعتني و نزلت سير كاوتش بدل الجنزير صحيح مش حنسكت للتوكيل و نلبه على الحاجات الغير منطقية لكن أملنا في الله يكون فيه حاجة خلتهم يعلموه كاوتش في مصلحتنا تقبل تحياتي و شكراً لروحك الرياضية و أخلاقك السامية في قبول الاختلاف مع الآخر أختك توتة المصري |
رد: سير الكاتينة وفلتر البنزين فى اللوجان 2013
اقتباس:
أولا.. نسبة الشوائب بين البنزين 92 و95 مش كبيرة للدرجة اللي الناس متخيلاها (رقم الأوكتان) ثانيا.. مهندس الميكانيكا ده أكيد عربيته سيرها كاوتش مش جنزير ههههههه.. وعاوز أقول لحضرتك حاجة، الجنزير مكلف أكثر بالنسبة للصانع عن الكاوتشوك وغالبية السيارات الياباني إن لم تكن كلها لا تستخدم الكاوتشوك وتستبدله بالجنزير أما الكوري فللأسف (بيسترخص) ويحط الكاوتش.. ولسه من 3 أيام زميل لي في العمل عربيته فيرنا ولسه مغير السير من 25 ألف كيلو والمفروض يقعد لحد 40 ألف اتقطع والعربية جابت صبابات تحياتي ليكي وسررت بالحديث معك يا توتة.. أخوك (محمد حسين) |
| الساعة الآن 02:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017