رد: احداث سفارة سوريا فرصة جديدة لقتل وسحل الشباب المصرى
 

معلش انا متأسف ومتضامن مع الشباب الكويسين دول

انا ماكنتش شايف الصور ولا الفديوهات لأنها محجوبة من النت هنا فى الشغل

ولما لقيتك زعلان فتحت ببرنامج مخصوص بيفتح المواقع من الشغل

لأ انا كده زعلان منى زيك بالظبط


بس السؤال برضو

هما ليه حدفوا طوب ؟؟؟

رد: احداث سفارة سوريا فرصة جديدة لقتل وسحل الشباب المصرى
 

طيب وبعدين يا كومندا ، ليه كل لما البلد تاخد خطوة للأمام يحصل قلق

رد: احداث سفارة سوريا فرصة جديدة لقتل وسحل الشباب المصرى
 

زى ما كون تعبااااااااااااااااان وارتحت :010104~171:

بص يا هشام زى ما بقولك الشباب دول ان مكانش يومياً فعلى الاقل اسبوعياً ليهم مساهمات خيرية قيمة سواء فى المستشفيات او فى الشارع عموماً او فى المناطق الفقيرة بيزوعو شنط رمضان

الجيل ده بجد جميل ورائع ومخلص وعندة روح المبادرة والمشاركة لابعد مدى ومش بس من بعد الثورة بالعكس من قبلها بسنين ونفس الشباب دول سواء من الاولتراس او 6 ابريل او البرادعوية او شباب حزب الوسط وحتى شباب الاخوان كلهم كلهم سابقين بالخير وبيشتغلو وبياخدو كورسات وبجد يشرفوك ويشرفو مصر كلها

اما ايه اللى وداهم هناك فهو زى مانت شايف فى الفيديوهات فوق اللى وادهم هو اللى ودا كل الشباب اللى زيهم فى كل عواصم العالم كرد فعل طبيعى وبسيط جداً قصاد كل اللى بيعملة نظام بشار السفاح

على فكره كمان ديه مش اول مرة تهاجم فيها السفارة السورية فى القاهرة بالعكس تم قبل كده اقتحامها بل اجتياحها تماماً ولم تحرك الشرطة ساكنا وده ببساطة لان مكانش عندهم اوامر بكده

لكن الواضح من احداث امبارح انهم اعدو العزم وعقدو النيه على استكمال مشوار السحل والقتل ضد خيرة شباب مصر

وزى مانت شايف برضو عمليات الاقتحام فى اكبر الدول الديموقراطية واللى شرطتها مبتهزرش تم اقتحام السفارات ورفع علم سوريا الحرة وبالكتير تم اعتقال كام واحد من المقتحمين (مش المتظاهرين)

لكن هنا مازالت كرامة اى بنى ادم قدام اوامر الداخلية بدون قيمة ومازال عهر وفجور الداخلية مستمراً وعلشان كده الثورة مستمرة ضد كل الانظمة الفاشية وانظمتها القمعية ايا كانت اسمائها او اماكنها

الشرطة الوطنية المحترمة عمرها ابداً ما تكون اداة لجرح او سحل او فقء عين مصرى
والامن الوطنى المحترم من حقه يعتقل اى حد يقتحم السفارة باساليب الاعتقال المعروفة وبدون الاخلال بحقوقة كأدمى فضلا عن حقوقة كمواطن

لكن استخدام الخرطوش والغاز والطوب مش بيوصل الى لعنف مضاد واستمرار الازمات المفتعلة وهو المطلوب اثباتة

رد: احداث سفارة سوريا فرصة جديدة لقتل وسحل الشباب المصرى
 

ربنا يهدى الجميع ويصلح الحال بحق الأيام المفترجة دى

كل عام وحضرتك بخير وبعودة الأيام الجميلة دى

رد: احداث سفارة سوريا فرصة جديدة لقتل وسحل الشباب المصرى