|
رد: احسن عربيه مستعملة بـ 70000 جنية
اقتباس:
حاليا اللوجان قطع غيارها انتشرت وفي محل في جسر السويس عنده قطع غيار الرينو رخيصة اما بخصوص اعادة البيع خش ياباشا على كونتاكت كار وابقا شوف بنفسك اعادة البيع وسعرها وعلى فكرة فيه عربيات رينو هيا اللي قطع غيارها غالية واعادة بيعها مش تمام زي الميجان والفلوانس انما اللوجان عكس كده تماما وتقبل تحياتي |
رد: احسن عربيه مستعملة بـ 70000 جنية
بص يا باشا
فى رينج السعر ده فى اختيارات متعدده بس انا هتكلم على العربيات السيدان اللى انا اعرفها : عندك اللوجان ناس كتير بتشكر فيها بس انا شخصيا مش عجبانى بحس انها الداتشا بس على جديد ( وجهة نظر ) عندك كمان الفيرنا واللانوس ودول حمير شغل وقطع غيار مرميه فى الشوارع واى حد بيشتغل فيهم بس بنفس ثمنهم ممكن تشترى عربية اوبشن كتير عندك كمان البى واى دى ناس كتير جدا جدا بتشكر فيها واكيد انت بتشوفها تاكسى ماليه البلد وواسعه وشنطه وامكانيات ميه ميه بس مشكلة الصينى عامة سعر اعادة البيع لو مش هتفكر تبيع قبل 5 سنين مثلا او اكتر يبقى مفيش مشكله فى كمان عندك البريليانس ال fsv ودى فى منها فئتين الهاف منها ب 73000 والكامله ب 78000 طبعا الكلام ده للمانيوال بس بصراحه عربية جميله جدا جدا اه هى صينى لكن توكيل البافاريه لكن المشكله انها غير متوافره بالاسواق ولو لقيتها يبقى عليك بيها مع ملاحظة ان قطع الغيار مش هتكون منتشرة بكثرة خارج التوكيل . ارجو ان اكون افدتك |
رد: احسن عربيه مستعملة بـ 70000 جنية
بص انا راى تبعد عن المستعمل خالص ... وتجبلك حاجة زيرو .....وابعد عن اللوجان الاتوماتيك ..علشان الاتوماتيك بتعها مش مظبوط وفية مشاكل ....وناس كتير اشتكت منه ...دة غير ان سعرها اعلى بكتير من الى انت عيزه فاحسن عربية تجبها زيرو .....فل اوبشن ....اتوماتيك ......... هى بروتون ساجا عربية جميلة ........اعادة البيع ...كويسة ......اسعار قطع الغيار ,,,ولا هى غالية ...ولا هى رخيصة.....اسعار معقوله ........... الاوتوماتيك بتعها من شركة متسوبيشى... مفهوش اى مشاكل...دة غير انها تقفيل بلدها وبتنزل مواصفات خليجى ....مش زى اللوجان تقفيل مغربى...وعلى فكرة التقفيل المغربى زية زى المصرى والى يقولك غير كدة يبقى بيضحك عليك....... وعلى نفسه هى الساجا مش منتشرة اوى.....بس دة مش لعيب فى العربية...بس تقدر تقول سوء حظ وسوء دعايا وتقدر حضرتك تدخل على قسم الساجا ....هتلاقى الناس كلها بتشكر فيها....وهتلاقى كل المعلومات الى انت عيزها والله الموفق والمستعان :CONGRA~238: :CONGRA~238: |
رد: احسن عربيه مستعملة بـ 70000 جنية
والله يا اخي السيارة ام 11 75000ج
فوق الممتازة السيارة مع اخي وانا ان شاء الله ناوي اجبها في القريب ان شاء الله |
رد: احسن عربيه مستعملة بـ 70000 جنية
والله يا جماعه انا مكنتش متوقع الاهتمام دا 1000 شكر لكل من ساهم معى فى موضوعى لكن انا كده دائرة الاختيارات اتسعت وحيرتى زادت
خصوصا لانى مش بفهم كويس فى العربيات انا عاوز حاجه تريحنى من الحر والبهددله بس انا رايح اشوف الافيو 2011 كامله اتوماتيك ماشية 35 الف كيلو متر انتو ايه رايكم ولا اصرف نظر عنها لانها هى اللى ادامى دلوقتى وكل سنة وانتم طيبين جميعا:CONGRA~238: |
| الساعة الآن 04:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017