مصر موتورز مجتمع السيارات - اخييرا هيغيروا شكل القطارات اللى عندنا ... احمدك يارب

الفساد و الرشاوى و البيروقراطيه هما اللى مخليين مصر متأخره فى موضوع الصناعات الثقيله و لكن و مع الاعتراف اننا نواجه مشكله حقيقيه و عدم وجود الاكتفاء الذاتى لدى مصر او حتى عدم وجود مشروعات للصناعات الثقيله بالصوره التى تليق بحجم مصر و ده بالاساس احد ركائزه هو التخريد
و لكن احنا نقدر نقول ان المصانع الحربيه المصريه بتعمل حاجات محترمه و عندها البنيه الاساسيه اللى ممكن تخلينا نبتدى نهضه صناعيه حقيقيه فى مجال الصناعات الثقيله على سبيل المثال مصنع 200 الحربى فى حلوان من اضخم المصانع فى الشرق الاوسط ان لم يكن فعلا الاضخم على الاطلاق و يتم فيه تصنيع الدبابه الامريكيه الاساسيه ابرامز محليا ( بدون الاجزاء الاليكترونيه الخاصه بمنظومة اطلاق النيران و الرادار )
http://2.bp.blogspot.com/-vH4NEXhxwL...1338353aq9.jpg
برخصه من امريكا منذ العام 1981
و تقوم مصر ايضا بتصنيع المدرعه فهد محليا بالكامل ما عدا الموتور يتم استيراده من شركة مرسيدس لان انشاء مصنع لتصنيع محركات المدرعه فقط مكلف اقتصادى و غير ذى فائده
و المدرعه محترمه جدا و معترفه بها الامم المتحده و تخدم فى قوات حفظ السلام الدوليه
http://farm4.static.flickr.com/3408/...d1eac595_o.jpg
تصنيع القطارات الـ7 الجديده لمترو الانفاق التى سيتم تشغيلها بتلك المرحلة بنسبة 100% فى مصنع سيماف التابع للهيئة العربية للتصنيع
http://img.youm7.com/images/issuehtm...er622012/1.jpg
طبعا الهيئه العربيه للتصنيع تابعه للقوات المسلحه المصريه و لو بعدت عنها الواسطه و المحسوبيه و البيروقراطيه و الفساد هتبقى حاجه عالميه من الطراز الاول و هى حاليا تعتبر واجهه مشرفه لمصر على كل حال و لكن ادائها ممكن يتحسن و يتطور مليون مره
و تم تغيير رئيسها مؤخرا ليصبح اللواء عبد العزيز سيف الدين قائد قوات الدفاع الجوى الاسبق و كلمة دفاع جوى دى مهمه لانها بتدى تصور عن المرحله القادمه لما للدفاع الجوى من خاصية الارتكاز الاساسى على انظمة الرادارات الحديثه و الالكترونيات عموما
بالنسبه للمصانع الحربيه المصريه فتم البدأ فى مرحلة نقلها الى طريق ابو زعبل بلبيس و تم الانتهاء تقريبا من المبانى الخاصه بالمصانع و هى الان فى مرحلة ادخال المعدات اللازمه
هيبقى مجمع مصانع محترم جدا و بعد تغيير الكهل التقليدى حسين طنطاوى نأمل كل خير مع وزير الدفاع الجديد عبد الفتاح السيسى لانه كان رئيس المخابرات الحربيه يعنى مخه شغال و بيدور دايما عن الحلول المبتكره و لسه بصحته و هو كان له تصريح من فتره قريبه قال فيه ان شغل المحسوبيه و الفساد فى الجيش هو مش هيسمح بيه و قال كمان انه عارف كويس جدا نواحى القصور فى القوات المسلحه و انه هيغير هذا النظام الى نظام جديد حديث متطور و طبعا من اهم نواحى القوات المسلحه المصريه هى الانتاج و التصنيع الحربى
الجميل فى الامر بالنسبه لمجمع المصانع الحربيه الجديد فى بلبيس انه مبنى على طراز تكنولوجى حديث و سيتم فيه تغيير الايدلوجيه البيروقراطيه التقليديه بايدولوجيه متطوره مواكبه للعصر
و اذا احب احدكم القرائه عن مجمع المصانع الحربى الجديد فى بلبيس هذا الرابط مفيد جدا و يتكلم بالتفصيل عن هذا المصنع و تصور لكيفية التخطيط و التصنيع فيه
http://www.fpif.org/articles/egypts_...strial_complex

متفائل و اعتقد فى خلال عشر سنين من دلوقتى هيكون عندنا فى مصر صناعات ثقيله محترمه جدا و افضل من الموجوده فى كثير من دول العالم الاول