دلوقتى هيروح صاحبى يرجع طقم الرشاشات ويجيب غيره بكره علشان انهارده كله قافل طبعاً

والباشميكانيكى نصحنا نغير الموبينة ام 500 جنية على اساس ان كهربتها واطية !!!

على كلامة الطبيعى ان الموبينة لما يتشال السلك منها تشرز بره الموبينة كمان وده مبيحصلش فكده كهربتها واطيه

وكل اللى عملناه فايدة شوية الصيانات الخفيفه فلاتر وطقم بوجيهات وسلوك

ونستخلص من ده الاتى


- طبعاً لو كان حد مش فاهم فى الموقف ده كان هيفتكر ان الصنايعى بيشتغلة وزمانة كان كاتب موضوع طويل عريض يدعى فيه على الصنايعيى

لكن الحقيقة من واقع خبرتى فى الصيانة عموماً سواء كمبيوتر او سيارات ساعات كتير بتبقى فيه مشاكل (مركبة) يعنى اكتر من مشكلة مع بعض علشان كده حلها ممكن ياخد محاولات كتير وصبر وتركيز لحد ما توصل لمجموعة العيوب المسببة لظاهر المشكلة

- اغلب قطع الغيار الكورى القديم بقت مضروبة سواء كانت صينى او بيتقال عليها اصلى فهى غالباً بطيخة ولازم تاخدها على تجربه زيها زى الاستيراد

- تاخد بالك سواء انت شغال بايدك او صنايعى من شغل الكهرباء او تفصل الكنترولر قبل ما تشتغل علشان ضربته بتوجع جامد خاصة لو عربيه اتقل من كده وبيوظ على اتفه الاسباب

((( واحنا هناك لقينا واحد ياعينى طول النهار رايح جاي يصلح فى كنترولر نيو اكسنت وكلفه فى الاخر 500 جنية بالعافيه فى حين انه بيتباع ب 2000 جنية )))

- عايز تشتغل بايدك فى اساسيات العربيه مفيش مشكلة هتتعلم كتير بس خد بالك هتخسر كتير برضو

فالاسلم لو مستحملة العملية كوارث تسيب العيش لخبارة وتكتفى بالفرجة