|
رد: الهم التقيل . ركنة العربية
فعلا موضوع الركنة ده بقى حاجة صعبة جدا
|
رد: الهم التقيل . ركنة العربية
السلام عليكم الله يكون في عونكم اهل القاهره والجيزه في هذا الموضوع انا لما بنزل المهندسين بقرف لغايت لما الاقي مكان اركن فيه واقول عمار يا منيا علي الرغم من ان المنيا اصبحت زحمه بس مش ذي عندكم والله المستعان |
رد: الهم التقيل . ركنة العربية
قسما بالله بعد ما بيعت عربيتى القديمة وقعدت بتاع 5 شهور تقريبا من غير عربية ومكانى فى الجراج اتاخد (كنت بدفع 120 جنية شهريا)
قبل ما افكر فى شراء عربية تانية كانت اول حاجة اعملها انى دخلت الجراج اتحايل على صاحبة يرجعنى تانى وقعد يتقل عليا ييجى 3 ايام بتحايل علية لدرجة انى والله ربطت موضوع الجراج بشراء العربية قول لو مالقيتش مكان تانى فى الجراج مش هاشترى عربية وخلينى كدة وامرى لله لغاية ما اعزل من المنطقة واروح شقتى فى الشروق فعلا السكن فى القاهرة = طرق مكسرة تطلع عين ام اى عربية + زحمة غير مبررة (كل الاوقات) ماعادش فى ساعة زروة وساعة فاضية + مافيش اماكن للركن + حرقة دم من همجية سواقين الميكروباص والتكاتك ربنا يكون فى عوننا نحن سكان القاهرة والجيزة |
رد: الهم التقيل . ركنة العربية
زحمة يادنيا زحمة
زحمة ومعدش رحمة مفيش حل غير اننا نهج على الصحراء بكلم جد مش هزار احنا مكدسين تكدس رهيب حوالين النيل والدلتا فقط سايبين الشقة كلها وقاعدين كلنا فى المطبخ |
رد: الهم التقيل . ركنة العربية
اقتباس:
الموضوع مش موضوع شخصى . دة ابتلاء واتصابت بية البلد . بسبب سياسة رجال الاعمال الى ربنا ينتقم منه هو وابنة جمال ضيعوا البلد بسببها . - فتحوا البلد على البحرى لاستيراد العربيات بدون ما يقيموا احتياجات البلد - اهملوا العمل الرقابى والمتابعة على الخدمات التى تقدمها الحكومة ذى المواصلات العامة وكرهوا الناس فى وسائل النقل الجماعى بسبب عدم التنظيم وعدم الاهتمام بالنظافة وسؤ معاملة السائقين للركاب وبالتالى كانت النتيجة زيادة الاقبال على السيارات الملاكى - زيادة اعداد السيارات الاجرة بزيادة عن احتياجات المحافظات وعدم خضوعها للمراقبة - عدم الاهتمام بالشوارع والصيانة وتدهور معظم الشوارع الرئيسية فى المحافظات - بناء العمارات العملاقة دون توفير اماكن مخصصة للركن داخل جراج العمارة مما ادى الى الركن فى الشوارع العمومية امام العمارة وانسداد الطرق وضعف السيولة المرورية بها - اذمة الاخلاق . عدم الشعور بالاخرين . يعنى كل واحد ممكن ياخد مكان يتركن فية عربيتن ويقولك وانا مالى انا حر قدام بيتى . وممكن تلاقى واحد مش لاقى مكان قدام العمارة الكبيرة الى هو ساكن فيها بسبب كثرة السكان والعربيات وطبعا مفيش جراج خاص بالعمارة يقوم رامى العربية فى اى حتة فى الشارع حتى لو كان مكان لحد تانى ========================= = حسبى الله ونعم الوكيل فيك يا حسنى مبارك انت وجمال ========================= = |
| الساعة الآن 12:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017