مصر موتورز مجتمع السيارات - مـــركــــز مــنصـــور BMW ممــــــيزات وعــــــــــــيوب بالصــــــــــور

مصر موتورز مجتمع السيارات (https://www.masrmotors.com/vb/index.php)

- BMW (https://www.masrmotors.com/vb/forumdisplay.php?f=24)

رد: مـــركــــز مــنصـــور BMW ممــــــيزات وعــــــــــــيوب بالصــــــــــور

اقتباس:

المشاركة الأصلية كتبت بواسطة AbOnOrA (المشاركة 702979)

3- موضوع قطع الغيار ده حوار لوحدة ومش شغلته فهو مكبر دماغة منه وليه حق بس فى نفس الوقت فيه ناس بتبقى جايه وعايزة تسيب العربيه وهو يتصرف وملهاش فى شراء قطع الغيار فيبقى ميزة انه يظبطلك قطع الغيار لحد عندك

على فكرة أنا كلمت منصور وقولت له لأزم توفر قطع الغيار , على الأقل هاتبقى مضمونة منك , فرد عليا وقال لى نفس الكلمة أن دي مش شغلته خالص وأن صاحب البالين كداب .. بس كان فى واحد واقف عنده صاحب محل قطع غيار فى شارع دمشق وهو بيشوف أنت عاوز أيه ويبعت يجيبوا لك من المحل بتاعه وأنت قاعد ,, بس بصراحة كانت أسعاره فارقة عن المحل اللى جبت منه على الناصية اللى فى شارع منصور بحوالى 220 جنيه زيادة ,, عشان كده أنا بقول أن الأحسن أن الواحد يكشف أول يوم ويعرف أيه المطلوب وبعدين يروح يشترى الحاجة من الحرفين وهناك فى محلأت مضمونة وليها أسمها والكل بيشكر فيها ذى عمرو النشار مثلأً وغيره , وبعدين يجي تانى يوم ويشتغل فى العربية

رد: مـــركــــز مــنصـــور BMW ممــــــيزات وعــــــــــــيوب بالصــــــــــور

اقتباس:

المشاركة الأصلية كتبت بواسطة shooter22522 (المشاركة 702983)

الف مبروك على تصليح العربيه

الله يبارك فيك , وأشكرك على مرورك

رد: مـــركــــز مــنصـــور BMW ممــــــيزات وعــــــــــــيوب بالصــــــــــور

من حوالى مايقرب من أسبوع روحت للميكانيكي عشان ينظف الرشاشات والمانفول وكمان يشوف العربية لو محتاجة حاجة لأنها كانت مخنوقة شوية وكمان كان فى استهلأك عالى شوية فى البنزين , بعد الصيانة وبعد تغير البوجيهات العربية فاقت اوى وصوت الموتور أصبح احلى من الأول لكن أستهلأك البنزين مازال عالى ,, فقولت ياواد تعالى على نفسك وأستحمل شوية تناكة منصور وروح شوف هايقولك أيه ,, مش هاتصدقوا لو قلت لكم أنى أخدت فى المشوار ما يقرب من ساعة وأكتر عشان أوصلله ,, وهو مقبلته معايا خدت 5 إلى 7 دقائق بالظبط .. والله لو مظبط ميعاد مع رئيس أركان الجيش كانت هتأخد وقت أكتر من كده ..
قولت له يا منصور باشا أنا عاوز حضرتك تقولى الأستهلأك ده طبيعى ولأ كدة فى حاجة غلط ,,
فرد عليا وقال لى كل المكن الأبيض القديم كده بيعمل جوة البلد مع التكيف 120 فى الصفيحة وبرة البلد 160 للصفيحة ..
فقلت له طب معاليك تقترح أيه يا فندم ؟!!
فرد وقال لى ..شيل المكنة دي وركب M43 ..
فقلت له ,, طب أيه رأى معاليك فى المكنة اللى هية M50tub20( بداية موديلأت 1993 وتتميز بخاصية vanos أو المعروفة بالموتور الأسود )
فقال لى ,, دي ستة سليندر وبتأكل بنزين فخليك فى الصغير .. فأنا حبيت بعدها أرخم عليه لأنه بصراحة كان بيرد على أسئلتى وكأنى بشحت منه , وقلت له .. طب هي حضرتك مصنعية تركيب المكنة الجديدة بتتكلف كام ,,فقال لى 800 جنيه ..أنتوا أيه رأيكم فى الكلأم ده وسعر المصنعية دي ؟ أنا شايف أن المصنعية دي كتير أوى أوى , ولأ أيه رأيكم ؟!

ثانياً :بعدها أخدت بعضى ورحت على مصطفى ميكا فى أحمد عصمت وقولت يواد أتأكد منه تانى وشوف كده العربية دي تمام ,, فرد عليا بعد ما شافها وقال لى صوت الموتور والمكنة حلوة بس هو من رأيه أنى أشيل المكنة القديمة بتاعتها وأحط واحدة 25 أو واحدة زيها بس موديل 97 ..
أنا عندي المكنة عشرة على عشرة فى السحب وصوتها كويس جداً وده بشهادة أكتر من ميكانيكي شافها لأنى كنت حاسس أن صوتها خشن وعالى شوية .. معلش سامحونى أصلى دايماً مشكلتى انى بقارن صوتها بصوت مواتير التويوتا والهيونداي اللى كانوا معايا .... بس المشكلة هى فى أستهلأك البنزين ... والمشكلة التانية أن صوت المكنة بيعلي بعد 120 فمش عارف هل ده طبيعي على المكن القديم ده ولأ مش طبيعي
ثالثاً : قولت ياواد أتعب شوية كمان وتعالى على نفسك ورح الحرفين عشان تقطع الشك باليقين ,, فرحت عند عادل منصورة عشان أحطها على الجهاز وأعرف لو فى حاجة .. الكمبيوتر قرأ مشكلة فى حساس الأكسجين والأير ماس لأن منصور بيه كان فتحه نهار ماكنت بعمل عنده عفشة من شهر ولعب فيه بالمفك ..

رابعاً : رحت بعدها عند واحد أسمه الشيخ عادل فى شارع حربى السروجى ( فى الحرفيين بردوا ) وقولت أدردش معاه شوية وأعرف الأسعار ماشية أزاى .. فقال لى أن الأير ماس عامل 550 ,, وحساس الأكسجين بيعمل له حوالى 480 جنيه بس هو نصحنى أنى أغير حساس الأكسجين بس وقال لى أن ألأير ماس عندك كويس بس لما حساس الأكسجين بيبوظ فبيدي قرأية غلط للأير ماس !!!!!!!!!!
أنتوا أيه رأيكم فى الحوارات دي ..أرفع المكنة وأركب تانية وأشتري دماغى وأوفر فلوسى ,, ولأ مالهاش لأزمة المصاريف الكتير بتاعت المكن الأستيراد والمصنعيات وأكتفى بتغير حساس الأكسجين ..والله لو أنتوا شايفين أن الدنيا هتتظبط بعد كده مع تغير الأشياء البسيطة دى والشغل على المكنة القديمة فما فيش عندي مشكلة أنى أشترى حساس أكسجين ولو طلبت أشتري أير ماس كمان ..
من فضلكم دلونى على الصح أنا محتاج رأيكم ونصيحتكم

رد: مـــركــــز مــنصـــور BMW ممــــــيزات وعــــــــــــيوب بالصــــــــــور

اولا صوت مواتير البى ام عموما عالى
ثانيا سواء ظبت الحساسات او طنشت بردو استهلاك البنزين هيفضل عالى ومش اقتصادى خالص خالص وده عيب الدبانة عموما
انا لو منك طالما كله تمام اخلينى ماشى بيها ولما يتوفر معاك قرشين زياده فور الموتور كله بحاجة احدث

رد: مـــركــــز مــنصـــور BMW ممــــــيزات وعــــــــــــيوب بالصــــــــــور

اقتباس:

المشاركة الأصلية كتبت بواسطة AbOnOrA (المشاركة 721748)

شكرا يا أبونورا على ردك , وكل سنة وأنت طيب .. أنا للأسف مش هاقدر أعمل بنصيحتك المرة دي لأنى ماكدبش عليك ما ستحملتش البهدلة مع الصنيعية والوقوف فى الورش بالساعات أكتر من كده ,, عشان كده ريحت دماغى وبعتها لأنها عربية على قدر ما هى كويسة لكن محتاجة واحد أيده فيها باستمرار وأنا بصراحة مش فاضي لها .. وأهو خسارة قريبة بقى ولأ مكسب بعيد .. أنا عاوز نصيحتك فى حاجة تريحنى وما تتعبنيش .. عاوز أشترى زيرو بس ما يكسرش حاجز ال 80 ألف فياترى تنصحنى بأيه ؟؟!!!